کؤوسج
کؤوسَج (Kövsəc) - آذربایجانین بیر چوخ یئرینده یاییلمیش مراسیم.
ایجراسی دَییشدیر
کؤوسَج مراسیمی قیروودوشن آیدا ایجرا ائدیلیردی. اؤزونو گولمه‌لی کؤکه سالمیش بیر نفری تلخک گئییمینده قاتیرا میندیریر، سونرا دا کندی گزدیریب جاماعاتا دئییردیلر کی، بو گؤردوگونوز آدام قیشین دوشمنی‌دیر. یان-یؤره‌ده کی لر اونون اوستونه سو سپیر، قار آتیر، اطرافیندا مزه‌لی اویون و اَیلنجه‌لر گؤستریردیلر. او ایسه بیر الینده توکو یولونموش قارغا، او بیری الینده ایسه یئلپیک توتوب یئلله‌دیر، سایمازیانا "ایستی‌دیر، ایستی‌دیر، هئچ وئجیمه دئییل" - دئیه-دئیه های-کوی سالاردی.
بو مراسیمین بیلاواسیطه قیش فصلی ایله باغلی اولماسی آیینده ایستیفاده اولونان واسیطه‌لردن ده بللی اولور. بورادا اوست-باشی جیر-جیندیرلی کیمسه عبث یئره الینده توکو تؤکولموش قارغا موقوواسی توتمور. بیلیندیگی تک، ائل آراسیندا قارغانین "قارر-قارر" اوخوماسی، اونون قاری، قیشی چاغیرماسی کیمی یوزولور. بوندان ساوایی، قیش ایلین بارسیز-بهره‌سیز فصلی ساییلدیغی اوچون دوغوب-تؤرمه‌ین، نسیل آرتیرمایان قاتیرین اونون سمبولو اولاراق آلینماسی، نهایت، نوختالانیب مینیلمه‌سی ده طبیعی تاثیر باغیشلاییر.
قایناق دَییشدیر
- Azərbaycan etnoqrafiyası, Üç cilddə III cild. (2007), Azərbaycan Milli Elmlər Akademiyası Arxeologiya və Etnoqrafiya İnstitutu, Bakı: Şərq-Qərb.