کئچی ممه‌سی (رقص)
کئچمه‌مه‌سی و یا کئچی ممه‌سی — ائل شنلیکلرینده و تویلاردا گئنیش اوینانیلان آذربایجانین ان قدیم کیشی رقصلریندن بیری. اساساً شیروان زوناسی و باکی کندلرینده مشهوردور. چوخ گؤزل ملودی‌لی و آهنگدار موسیقیسی وار. رقص بیر قدر آرام و جلد تِمپله ده ایفاده اولونا بیلر. بو رقص اورتا ماهور و بایاتی-قاجار اوزرینده قورولموشدور. موسیقیسی‌نین توندان-تونا کئچمه‌سی اونو داها دا جوشقون و آهنگدار ائدیر.
بعضاً بو رقصی سهواً"کئچی ممه‌سی" آدلاندیریرلار کی، بو دا مضمونا اویغون گلمیر. اصلینده رقصین "کئچمه‌مه‌سی" آدلاندیریلماسی، رقص ائدنلرین بیر-بیری ایله یاریشا گیره‌رک گؤزل و چئویک رقص حرکتلری نوماییش ائتدیرمکله رقابت آپارماسینا، بیر-بیرینی کئچمه‌سینه ایشاره ائدیر.