کومپلکس ساییلار

کوْمپلکس ساییلار، کوْمپلکس عددلر یا مۆختلیط عددلر (اینگیلیسجه: Complex numbers) ریاضیاتدا حقیقی ساییلاری گئنیشلندیرن ساییلاردیرلار. کوْمپلکس ساییلار i حرفی ایله گؤستریلن و "خيالی بیریم" آدلانان اؤزل المنتی احتیوا ائدیرلر. i اؤزل المنتی i² = −1 فوْرموْلونو تأمین ائدیر.

کوْمپلکس ساییلار کوْمپلکس صفحه‌سینی تمثیل ائدن و آرقاند دیاقرامی آدلانان دیاقرامدا یؤنئی تشکيل ائدن بیر جۆت‌سایی (a, b) کیمی گؤستریله بیلر. Re حقیقی اوْخ، Im خیالی اوْخ و i ايسه i² = −1 فوْرموْلونو تأمین ائدن "خيالی بیریم" دير.

کوْمپلکس ساییلار $a+bi$ کیمی گؤستریله بیلرلر. بوردا a و b حقیقی ساییلاردیر. a حقیقی بؤلوم و bi ایسه خیالی بؤلوم آدلاندیریلیر.

خيالی بیریم i رنئ دکارت طرفیندن تکلیف ائدیلیب و بئله آدلاندیریلیب و آقوستین لویی کوشی و یوهان فردریک قاوس کیمی ریاضیاتچیلار طرفیندن گئنیش یاییلمیشدیر.

کوْمپلکس ساییلاردا "خیالی" کلمه‌سینین ایشلنمه‌سینه باخمایاراق، بو ساییلار ریاضیات علملرینده حقیقی ساییلار کیمی "حقیقی" قبول ائدیلیر و طبیعت عالمینین علمی تشریحی‌نین بیر چوخ جهتلرینده اساس دیر.

بیر ده باخ

حقیقی ساییلار

تام ساییلار

طبیعی ساییلار

قایناقلار

• اینگیلیسجه ویکی‌پدیاسی‌نین ایشلدنلری طرفیندن یارانمیش«Complex number»، مقاله‌سیندن گؤتورولوبدور. (۲۳ ژانویه ۲۰۲۴ تاریخینده یوْخلانیلیبدیر).