گوروسلار

گوْروُس‌لار — قدیم تورک طایفاسی.  " آلبان تاریخی "‌نده ۸. عصر حادیثه‌لری ایله علاقه‌دار اولاراق قافقاز آلبانیاسیندا قوْروْز قالاسی‌نین آدی چکیلیر. بو قالانین آدی ایندییه‌دک ارمنیستاندا قوْریس (اصلینده گوْروُس) فورماسیندا قالمیشدیر. قوْروْز توپونیمی کوْروْس (اورتا عصرلرده گوْروُس) آدی‌نین ارمنیجه یازیلیشی‌دیر، چونکی  " آلبان تاریخی "  بیزه قدیم ارمنی دیلینده گلیب چاتیب. 

  تدقیقات گؤستریر کی، قوْروْز توپونیمی تحریفه اوغرامیش شکیلده خوْرس و خوْروُز کیمی ده مؤوجوددور. ناخچیوانداکی خوْرس و ترتر رایونونداکی خوْروُزلو کندلری‌نین آدلاری ایله گوْروُس توپونیمی عئینی منشالی‌دیر.  " ۷. عصر ارمنی جوغرافیاسی "‌ندا آلبانیانین شیمال-شرقینده خوْرس‌وئم ( " خوْرس قایاسی " ) توپونیمی قئید اولونور. عرب منبع‌لرینده ایسه همین یئر خوْرسان قالاسی آدلاندیریلیر. 

  بو قالا ایندیکی مشهور چیراق‌قالادیر (دوه‌چی رایونو). همین خوْرسان توپونیمی ده منشاجه یوخاریدا گؤستردیگیمیز قوْروْز (گوْروُس)، خوْرس و خوْروُز آدلاری ایله عئینی منشالی‌دیر. بو باره ده بیز قاباق یازمیشیق.

  آذربایجانین زنگه‌زور ایالتی‌نین ترکیب حیصه‌سی اولان گوْروُس ماحالی ایندی ارمنیستان اراضی‌سینده‌دیر. لاکین کئچن عصرده ارمنیستاندا آذربایجانلی‌لارین یاشادیغی بیر کند قوْرس آدلانیردی، دئمک یوخاریدا حاقیندا دانیشدیغیمیز قوْروْس،خوْروْس طایفاسی ارمنیستان اراضی‌سینده ده قدیمدن یاشامیشدیر.