یوز ایللیک یالنیزلیق
یۆز ایللیک یالنیزلیق (اسپانیولجا: Cien años de soledad) قابریئل قارسیا مارکزین ۱۹۶۷-جی ایل، اسپانیول دیلینده یازدیغی رومان. مارکز بو رومانا خاطیر ۱۹۸۲- جی ایل نوبل ادبیات اؤدولونه لاییق گؤرونور. رومان بویولو گئرچک‌چیلیک (Magic realism) سبکینده یازیلان رومان‌دیر.
| یازار | قابریئل قارسیا مارکز |
|---|---|
| ژانر | سحیرلی رئالیسم |
| اورژینال دیلی | ایسپانیا دیلی |
| اؤلکه | کلمبیا |
رومانین مؤوضوعو
دَییشدیربو روماندا ماکوندو شهرینده یاشایان بوئندیا عاییله‌سی‌نین نئچه نسلی‌نین یاشاماغی تصویر اولونور. روماندا اینسانین یاشاییشینین چوخلو ساحه‌لرینه دولاشیلیر. حؤکومت یارانمادان اؤنجه آزاد و اینسانی یاشاییش، خورافه‌لر، ساواش، سئوگی، دین، سئویشمک، اؤلوم و... بیر گئرچک‌له خورافه‌لر آراسیندان قالخان ایناملارلا قلمه آلینیر.
چئوریسینی سئچکین سئلوی‌نین یاپدیغی جان یایینلاری 2005 تاریخلی 27جی باسقیسینین آرخا قاپاغیندا قارسیا مارکئزین آغزیندان بو سؤزلر یئر آلماقدادیر:
«یوز ایللیک یالنیزلیق‌ی یازماغا باشلادیغیمدا، اوشاقلیغیمدا منی ائتکیله‌میش اولان هر شئیی ادبیات آراجلیغی‌یلا آختارابیله‌جه‌ییم بیر یول بولماق ایسته‌ییردیم. چوخ قسوه‌تلی قوجامان بیر ائوده، تورپاق یئین بیر باجی، گله‌جه‌یی سئزن بیر بؤیوک‌آنا و موتلولوقلا چیلغینلیق آراسیندا آیریم گؤزائتمه‌ین، آدلاری بیر اؤرنک بیر ییغین قوهوملوق آراسیندا کئچن اوشاقلیق گونلریمی صنعت‌سل بیر دیلله آردیمدا بوراخماقدی آماجیم. یوز ایللیک یالنیزلیق‌ی ایکی ایلدن داها قیسا بیر سوره‌ده یازدیم. آمما یازی ماشینیمین باشینا اوتورمادان اؤنجه بو کیتاب حقینده دوشونمک اون بئش، اون آلتی ایلیمی آلدی. بؤیوک‌آنام، ان آجیماسیز شئیلری، قیلینی بیله قیپیردامادان، سانکی یالنیزجا گؤردویو شئیلریمیش کیمی آنلاتیردی منه. آنلاتدیغی اؤیکولری بو قدر دَیرلی قیلان شئیین، اونون دویغوسوز تاوری و ایمگه‌لرینده‌کی زنگینلیک اولدوغونو قاورادیم. یوز ایللیک یالنیزلیق‌ی بؤیوک‌آنامین ایشته بو یؤنته‌مینی قوللاناراق یازدیم. بو رومانی بؤیوک بیر دیقت و کئیفله اوخویان، هئچ شاشیرمایان سیرادان اینسانلار تانیدیم. شاشیرمادیلار، چونکو من اونلارا حیاتلاریندا یئنی اولان بیر شئی آنلاتمامیشام. کیتابلاریمدا گرچکلییه دایانمایان تک جومله بولمازسینیز.»