آغ‌یئل
آغ‌یئل دَییشدیر
آذربایجاندا، غربدن (باتیدان) اسن یئله، "آغ‌یئل" دئـییلیر. آغ‌یئل، قاسیرغالی، شیددتلی اسن بیر یئل دیر. آغ‌یئل _مئه یئلی‌نین عکسینه_ يایدا اسنده کولش‌لری قورودار.
آغ‌یئل‌ین آیین (اساطیری) کاراکـتئری دَییشدیر
آغ‌یئل، آذربایجانین آیین دوشونجه‌سینده، گنج بیر کیشی دیر. اونون یئری-یاتاغی باتیـدا (غربده) دیر. قوجا مئه اونو "قیرخ آرشین" بیر قویودا دوسداقلاییر. قیرخ ساییـسی تورکجه‌ده اغراق بیر سایی اولدوغو اۆچون، قیرخ آرشین قویو "أن درین اولان قویو" دئمک دیر. اونون الینه گیره‌وه دوشجک همین قویودان قالخدیقدا مئه‌ین بیر گؤزونو وورور. اوندان اؤترو ده، مئه‌ین بیر گؤزو کور اولور.
آغ‌یئل آذربایجان ادبیاتیندا دَییشدیر
اوسته‌کی اولایی ناصر منظوری بئله قلمه آلیب:
"قوجا مئه أییلدی. اوره‌یی آجیشدی. بئلی بوکولدو. قوجا قهرمان مئیداندا سیخیلدی. آیاق‌لاری سوروندو. بولودلار دوداق‌لارین قیسدیلار. بویون‌لارین أیدیلر. گؤز اؤروشونده قانا بلـَنمیش قهرمانا آغلادیلار. قوجا مئه آلیشیب داغ‌لار دالیسینا گئتدی. مئیدان قالدی آغ‌یئله. تپیک‌لرین دؤیدو یئره. داغ‌لارا های دولدو . . . "[۱]