مئه
مئه ، مئه یئلی یوْخسا قوجا مئه آذربایجاندا، شرقدن (دوغودان) أسن یئله، "مئه" دئـییلیر. مئه، حزین اسن بیر یئل اولدوقدا، أن اؤنملی اولان یئل ساییلیر. اکینچی لر خرمن لرین دؤیولموش کولـَشینی بو یئلده سووورارلار. یایدا سرین لیک یایان بیر یئل دیر. گور اسنده بولودلارین قاباغینی کسر. اونون اۆچون یاغیش یاغمالی اولار.
مئـه‌ین آیین (اساطیری) کاراکـتئری مئـه‌ین، آذربایجانین آیین دوشونجه سینده، یوکسک یئری وار دیر. مئه قوجا بیر کیشی دیر. اونون یئری-یاتاغی دوغو (شرق) داغ لارینین دالیسیندا دیر. مئه‌ین بیر گؤزو کور دیر. آغ‌یئل (غربدن أسن یئل) مئـه‌ین بیر گؤزونو ووروبدور. اونا گؤره، مئه تای-گؤزلو دیر. خیرمن اوستو، مئه یاخشی اسنده، اکینچی لر دویولموش کولـَشی سووورارکن "قانادیوا قوربان قوجا مئه!" دئـیه رلر.
مئه آذربایجان ادبیاتیندا آذربایجان ادبیاتیندا مئـه‌دن چوخ سؤز گئدیر.