میکائیل مشفق: نوسخه‌لر آراسینداکی فرق

میکائیل میرزا عبدالقادر اوغلو (میکائیل مشفق)، میلادی ۱۹۰۸-جی ایلین ژوئن آیینین بئشینده باکی شهرینده ضیالی بیر عائله‌ده آنادان اولموشدور. آتاسی میرزا عبدالقادر اسماعیل‌زاده، دؤورونون تانینمیش ضیالیلاریندان ایدی. اوْ معلملیک فعالیّتی ایله یاناشی، یارادیجیلیقلا مشغول اوْلموش، شعرلر یازمیشدیر.<ref name="apmmz">{{کیتاب قایناقلاماسی|سوْی آد= احمدووا|آد= |چئویرن= |دییشدیرمه= |امک= |باشلیق= آذربایجان پوئزیاسینین میکائیل مشفق زیروه‌سی|دیل= تۆرکجه|ایل= ۲۰۱۸|یئر= باکی| یاییملاییجی= آذربایجان ملّی کیتابخاناسی| جیلد= | چاپ= | صفحه= | فصل= |باغلانتی= | یازار باغلانتی‌سی= |آی‌اس‌بی‌ان= |ref=harv}}</ref> اوشاق ایکن والدینینی ایتیرن مشفق یاخینلاری حمایه‌سینده بؤیویور. آغیر و سئوینجسیز اوشاقلیق ایللری گئچیرن شاعیر حیاتینین اوْ ایللرینی خاطیرلایاراق یازمیش:

{{نقل قول|حله آتامین ساغلیغیندا گذرانیمیز آغیر گئچدیگی حالدا، لاپ اوشاق ایکن آتام و آنام وفات ائتدی. من بیر یئتیم حالیندا داش کسن عمیم و بیبیمین یانیندا قالدیم. آج، یالاواج، چیلپاق بیر اوشاقلیق گئچیردیم.<ref name="apmmz"></ref>}}

اوْ ایللرین آغری-آجیسینی آناسیزلیغینی شاعیر «آنا» (۱۹۲۷) شعرینده اۆرک یانقیسی ایله قلمه آلمیشدیر:

{{شعر}}

۱۹۳۰-جی ایللرده آذرنشرده محرّرلیک وظیفه‌سینده ایشله‌ییب. <ref name="tibmm">{{وب قایناقلاماسی |یازار = فاضیل قارا اوْغلو|باغلانتی= http://www.anl.az/down/meqale/baki_xeber/2017/dekabr/568147.htm|باشلیق= تاریخده ایز بۇراخانلار: میکائیل مشفق|دیل= تۆرکجه| یاییملاییجی = www.anl.az|تاریخ = |یوخلاما تاریخی= |آرشیو باغلانتی‌سی= |آرشیولنمه تاریخی= }}</ref> اوْنون شاگردلریندن بیری میکائیل مشفقی بئله خاطیرلاییر:

{{نقل قول|مشفق معلّم درس دئیه‌نده زنگ سسینی ائشیتمزدیک. درس زمانی شاگردلره شعر اوْخوماغی اؤرگه‌دنده باشقا معلّملریمیزده گلیب بیزیم سیرالاردا اوْتوراردیلار. چوْخوموزا «قیزیم» و «اوْغلوم» دئیه مراجعت ائدردی. اصلینده بو افاده اوْنون یاشینا اویغون دییلدی. آنجاق مهربان اوْلدوغو قدر تواضعلی اوْلان مشفق معلّیمه بو سؤزلر چوْخ یاراشیردی ...<ref name="tibmm"></ref>}}

== یارادیجیلیق فعالیتی ==

مشفق چوْخ گنج یاشدلاریندان یارادیجیلیق عالمینه گلمیش، حیاتینی، طالعینی شعرله باغلامیش و عمرونون سوْنونا کیمی اوْندان آیریلمامیشدیر. اوْ، شعری یارادیجیلیغی میلادی ۱۹۲۶-جی ایلده «گنج ایشچی» جریده‌سینده چاپ ائتدیردیگی «بو گۆن» شعری ایله باشلامیش و سوْنراکی ایللرده دؤوری مطبوعاتدا منتظم چیخیش ائتمیشدیر. یازدیقلاری میلادی ۱۹۲۷-جی ایلدن «معاریف و مدنیت» و «کوْمسوْموْل» مجلّه‌لرینده و «گنج ایشچی» جریده‌سینده نشر اوْلونموشدور. ۱۹۳۰-جو ایلده «کۆلکلر» آدلی شعر کیتابی ایشیق اۆزو گؤرموشدور. کیتابدا مؤلّفین اللی اۆچ شعری و ایکی ترجمه‌سی توْپلانمیشدیر.<ref name="apmmz"></ref>