'''احمد ذکیزکی ولیدی توغان''' ([[باشقورد تورکجه‌سی]]: Әхмәтзәки Вәлиди Туған) ایگیرمینجی یوز ایللرین بؤیوک تاریخچی‌سی<ref>Censorship and History:1914-1945:Historiography in the Service of Dictatorships, Antoon De Baets,The Oxford History of Historical Writing: Volume 4: 1800-1945, ed. Stuart Macintyre, Juan Maiguashca and Attila Pók, (Oxford University Press, 2011), 138, 147.</ref>، یازیچی‌سی و فیلسوفی دیر. ولیدی توغان [[تورکولوژی|تورکولوژو]]<nowiki/>نون آدلیملاریندان<ref>Literary History: Towards a Global Perspective: Notions of Literature Across Times and Cultures, Vol.1, ed. Anders Pettersson, (Gmbh & Co., 2006), 299.</ref> دیر و [[باشقیر]] تورکلرینین اینقیلابیندا و قورتولوش ساواشیندا باشچی‌لیق ائدنلردن ایدی.
== یاشاییشی ==
[[احمد ذکیزکی ولیدی توغان|ولیدی]] ایلک تحصیل چاغیندا [[روسجا|روس دیلین]] اؤرگشمگه باشلادی، آناسی یانیندا [[فارسجا]]نی و اورتا مکتبده، دایی‌سی حبیب نجارین مدرسه‌سینده [[عربجه]]نی اؤرگشدی. ۱۹۰۹-جی ایلدن باشلایاراق [[احمد ذکی ولیدی توغان|ولیدی]] [[قازان]]دا مدرسه‌لرده اؤگرتمن‌لیک ائدیب، ۱۹۱۵-جی ایلدن ایکی ایل بویونا [[دوما]]نین موسلمان میلّت وکیللریندن حیمایت ائدن دفترین اۆیه‌سی اولدو. ۱۹۱۱-جی ایلین سونوندا ''[[تورک و تاتار تاریخی]]'' کیتابین یازماقلا آدلینلاشدی. تحقیق اوچون ۱۹۱۳-جی ایلده [[فیرغانا]]یا و ۱۹۱۴-جی ایلده [[بوخارا]]یا گئدیب، [[فیرغانا]]دا [[یوسف خاص حاجب|یوسیف خاص حاجیب]] یازان ''[[قوتادغو بیلیک]]'' کیتابینین بیر ال یازماسین تاپدی. [[احمد ذکی ولیدی توغان|ولیدی]] ۱۹۱۷-جی ایلده میلّت مجلیسینه سئچیلیب شریف ماناتوْولا بیرلیکده باشقورد شوراسینا اساس قویدی. اورتا آسیادا باسماچی قالخینیشینین و تورکوستان میلّی بیرلیگینین باشچی‌لاریندان ایدی. [[احمد ذکیزکی ولیدی توغان|توغان]] ۱۹۲۵-جی ایلده حمد الله صبحی، فؤاد کؤپرولو، ریضا نور و یوسوف آق‌چوْرا چاغری‌سی ایله [[تورکیه]]یه گئتدی.
