احمد زکی ولیدی توغان

احمد زکی ولیدی توغان (باشقورد تورکجه‌سی: Әхмәтзәки Вәлиди Туған) ایگیرمینجی یوز ایللرین بؤیوک تاریخچی‌سی[۱]، یازیچی‌سی و فیلسوفی دیر. ولیدی توغان تورکولوژونون آدلیملاریندان[۲] دیر و باشقیر تورکلرینین اینقیلابیندا و قورتولوش ساواشیندا باشچی‌لیق ائدنلردن ایدی.

احمد زکی ولیدی توغان
آداحمد زکی ولیدی توغان
قیسا بیلگیتاریخچی، یازیچی و سیاستچی
دوْغوم تاریخ۱۸۹۰-جی میلادی ایلین دسامبر آیینین اونوندا
باشقوردیستانین کؤزنینده (بو گونکی ایشیمبایسکی رایونو)
اؤلوم تاریخ۱۹۷۰-جی میلادی ایلین جولای آیینین ۲۶-سی (۷۹ یاشدا)
تورکیه، ایستانبول
میللیتتورک
آیری آدلاراحمد زکی احمدشاه اوغلو ولیدوْو
تحصیلوین بیلیم یوردو (فلسفه دوکتورلوغو)

یاشاییشی دَییشدیر

ولیدی ایلک تحصیل چاغیندا روس دیلین اؤرگشمگه باشلادی، آناسی یانیندا فارسجانی و اورتا مکتبده، دایی‌سی حبیب نجارین مدرسه‌سینده عربجهنی اؤرگشدی. ۱۹۰۹-جی ایلدن باشلایاراق ولیدی قازاندا مدرسه‌لرده اؤگرتمن‌لیک ائدیب، ۱۹۱۵-جی ایلدن ایکی ایل بویونا دومانین موسلمان میلّت وکیللریندن حیمایت ائدن دفترین اۆیه‌سی اولدو. ۱۹۱۱-جی ایلین سونوندا تورک و تاتار تاریخی کیتابین یازماقلا آدلینلاشدی. تحقیق اۆچون ۱۹۱۳-جی ایلده فیرغانایا و ۱۹۱۴-جی ایلده بوخارایا گئدیب، فیرغانادا یوسیف خاص حاجیب یازان قوتادغو بیلیک کیتابینین بیر ال یازماسین تاپدی. ولیدی ۱۹۱۷-جی ایلده میلّت مجلیسینه سئچیلیب شریف ماناتوْولا بیرلیکده باشقورد شوراسینا اساس قویدی. اورتا آسیادا باسماچی قالخینیشینین و تورکوستان میلّی بیرلیگینین باشچی‌لاریندان ایدی. توغان ۱۹۲۵-جی ایلده حمد الله صبحی، فؤاد کؤپرولو، ریضا نور و یوسوف آق‌چوْرا چاغری‌سی ایله تورکیهیه گئتدی.

قایناقلار دَییشدیر

  1. ^ Censorship and History:1914-1945:Historiography in the Service of Dictatorships, Antoon De Baets,The Oxford History of Historical Writing: Volume 4: 1800-1945, ed. Stuart Macintyre, Juan Maiguashca and Attila Pók, (Oxford University Press, 2011), 138, 147.
  2. ^ Literary History: Towards a Global Perspective: Notions of Literature Across Times and Cultures, Vol.1, ed. Anders Pettersson, (Gmbh & Co., 2006), 299.