آنامِنونو آچ

احمد هادی نیظام‌الدین اوغلو مقصودی (تاتار تورکجه‌سی: Әхмәтһади Низаметдин улы Максуди) بؤیوک یازیچی، سیاستچی و کیتاب یایینچی‌سی و آدلین تاتار مۆعلیم دیر. احمد هادی مقصودی قازان شهرینده ایلک تاتار تورکجه‌سینده اوْلان کیتابخانانی (کیتابخانه‌یی ایسلامیه) اساس قویانلاردان تانینیر.

احمد هادی مقصودی
آد احمد هادی نیظام‌الدین اوغلو مقصودی
قیسا بیلگی یازیچی، سیاستچی، کیتاب یایینچی‌سی
دوْغوم تاریخ ۱۸۶۸-جی میلادی ایلین سپتامبر آیینین ۲۸-ی
تاتاریستان، داش‌سو
اؤلوم تاریخ ۱۹۴۱-جی میلادی ایلین جولای آیینین ۲۸-ی (۷۲ یاشدا)
قازان

یاشاییشدَییشدیر

احمد هادی مقصودی ۱۸۶۸-جی میلادی ایلین سپتامبر آیینین ایگیرمی سککیزینده تاتاریستانین داش‌سوسوندا (حاضیرکی بیک‌تاو رایونوندا) کند مولّاسی اوْلان نیظام‌الدین مقصودی عایله‌سینده آنادان اولدی. بۇ عایله‌ده تورک ادبیاتینین ایکی پارلاق اوْلدوزی اوْلان احمد هادی مقصودی و صدری مقصودی دوغولوب‌دورلار.

احمد هادی باشدا اؤز کندینین مسجیدینده آتاسینین یانیندا تحصیل آلیب، ۱۸۸۱-جی میلادی ایلده قازانا گلیب، بۇ شهرین آدلین علّامیه مدرسه‌سینده سککیز ایل تحصیله دوام وئردی. اوخوماق بیتندن سوْنرا ۱۸۹۰-جی ایله ۱۸۹۲-جی ایللر آرسیندا علّامیه مدرسه‌سینده مۆعلّیملیک ائدیب، مدرسه سیستمینده جیدّی دگیشیلمه‌لرین گرک اولماغین آنلایاندان سوْنرا سؤزلر نئجه ائشیدیلیر اؤجور یازیلمالی‌دیر فیکرین‌دن فایدالانیب مۆعلّیمی اوّل کیتابین یازدی.

احمد هادی مقصودی تاتار مکتب و مدرسه‌لری اۆچون ۳۰دان آرتیق دینی و فنی درسلیکلر یازیب‌دیر و هر بیریسی ایکی دن آلتی کزه‌جه یئنی‌دن باسیلیب یاییلیبلار. سوْنرالار بؤیوک تاتار دیل عالیمی جمال ولیدی، مقصودی‌نین تورکی صرف، تورکی نحو و شیفاهیه کیتابلارینا یوخاری دگر وئریب و بئله سؤیله‌ییب‌دیر:

  بو کیتابلار آنا دیلیمیزی اؤگرنمک ساحه‌سینده دوغرو معنادا فنی خیدمتلر اولوب‌دور.  

اونون کیتابلاریندان اوْلان موعلّیمی اوّل و عیبادتی ایسلامیّه درسلیکلری عرب دیلینه ترجومه اوْلوب و میصرده درسلیک عنوانیندا ایشلنیب‌دیر.

بیرده باخدَییشدیر

قایناقلاردَییشدیر