صدرالدین نیظام‌الدین اوغلو مقصودی (دوغوم: ۱۸۷۹-اؤلوم: ۱۹۵۷) (تاتار تورکجه‌سی: Садретдин Низаметдин улы Максудов) تورک ـ تاتار دؤولت آدامی، بؤیوک یازیچی، سیاستچی، بیلگه و فیلسوف‌دور.

صدری مقصودی
آدصدرالدین نیظام‌الدین اوغلو مقصودی
قیسا بیلگییازیچی، سیاستچی و فیلسوف
دوْغوم تاریخ۱۸۷۸-جی میلادی ایلین جولای آیینین ۲۳-و
تاتاریستان، داش‌سو
اؤلوم تاریخ۱۹۵۷-جی میلادی ایلین فئوریه‌سینین ۲۰-سی (۷۸ یاشدا)
تورکیه، ایستانبول
میللیتتورک
آیری آدلارصدرالدین مقصودی ارسال
تحصیلسوربون بیلیم یوردو

تورکیه جومهوریّتینین قورولوش چاغیندا آتاتورک ساغیندان تورکیهیه دعوت اوْلوب، بۇ اؤلکه‌نین وطن‌داشلیغین آلیب‌دیر. تورکیه جومهوریّتینین ایلک حقوق فاکولته‌سی اوْلان آنکارا حقوق فاکولته‌سینین قوروچولاریندان دیر و تورک دیل قورومونون و تورک تاریخ قورومونون ایشه باشلاماغیندا بؤیوک اویون اوینامیشدیر.

یاشاییش دَییشدیر

صدرالدین نیظام‌الدین اوغلو مقصودی قازان یاخینلیغیندا اوْلان داش‌سو کندینده آنادان اوْلوب‌دور. آتاسی داش‌سونون ایمامی، نیظام‌الدین مولّا، آناسی مفتونه خانیم و بؤیوک قارداشی احمد هادی مقصودی آدلین جدیدچی دیر.

صدرالدین ایلک تحصیلین داش‌سودا آلاندان سوْنرا، قازان شهرینده آدلین اوْلان علّامیه مدرسه‌سینه گئدیب، بؤیوک قارداشی مۆعلّیملیک ائدن مدرسه‌ده تحصیلین دوام ائتدی. قازاندا اوْلان چاغدا بؤیوک جدیدچی ایسماعیل بی قاسپیرالی اونون شخصیتینین شکللنمه‌سینده قاتی اثر قویوب‌دور. صدرالدین قازاندا ایکن ایستانبولدان گلن عثمانلی تورکجه‌سینده اوْلان اوشاق رومانلارین اوخوماقلا، عثمانلی تورکجه‌سین اؤرگشیب رابینسون کروزو کیتابین تاتار تورکجه‌سینه چئویرمیشدی.[۱]

۱۸۹۵-جی میلادی ایلده قارداشی ایله بیرلیکده باغچاسارایداکی زنجیرلی مدرسه‌سینده مۆعلّیملیک چاغریسین قبول اتئدی. مۆعلیملیک چاغیندا یاخیندان قاسپیرالی ایله تانیش اولدی. صدرالدین مقصودی قاسپیرالی‌نی اؤز معنوی آتاسی بیلدیرردی.

بیرده باخ دَییشدیر

احمد هادی مقصودی

قایناقلار دَییشدیر

  • Zabirov, Ğabdelxaq, Maqsud baba hem Maqsudilar, Qazan, Tatarstan kitap näşriäte, 2000. - 159s.: il., tabl. 9(s14) B-195336; SB. (Tatar)