اودلو یورد (درگی)
اودلو یورد (تورکجه. Odlu yurt) — تورکیه جومهوریتینده قورولموش اولان درگی.[۱]آذربایجان سیاسی موهاجیرتی‌نین ایستانبولدا نشر ائتدیگی آیلیق ایجتیماعی-سیاسی توپلودور.
اودلو یورد | ||
|---|---|---|
| ||
| سوروملو مودور | عباس‌قولو کاظم‌زاده | |
| باش یازار | محمد امین رسولزاده | |
| یاییلان ایللر | 1929-1931 | |
| دیل | تورکجه | |
| یاییلان یئر | استانبول | |
| موضوع | سیاسی ، ایجتیماعی | |
| بوتون سایلار | 31 | |
تاریخی
دَییشدیرایلک نؤمره سی 1929-جو ایلین مارس‌یندا، سون - 31-جی نؤمره سی ایسه 1931-جی ایلین آقوستوندا چیخمیشدیر. توپلونون نشری نین ایمتییاز صاحیبی عباس‌قولو کاظم‌زاده، مسئول مودیری کامل، باش موحریری ایسه محمد امین رسولزاده ایدی. " اودلو یورد " اؤزوندن اول نشر اولونموش " یئنی قافقاسیا " ، " آذری تورک " مجموعه‌لری‌نین ایدئیا ایستیقامتینی داوام ائتدیرمیشدیر. توپلونون بیرینجی ساییندا وئریلن پروقرام-مقاله ده آذربایجانچی‌لیق فیکرینه اؤنم وئرمک مقصدیله تأسیس اولونان " اودلو یورد "-ون، هر شئیدن اول، میلّیتچی، تورکچو، جومهوریتچی و خالقچی اولدوغو؛ آذربایجان خالق جومهوریتی مفکوره‌سینی اوستون توتدوغو و مودافیعه ائتدیگی آچیقلانیر، توپلودا تورک خالق‌لاری و تورک دونیاسی‌نین یئگانه موستقیل دؤولتی اولان تورکیه جومهوریتی حاقیندا اوخوجولارا معلومات وئریله‌جگی؛ قافقازین ایستیقلال و خیلاصی‌نین رئال‌لاشماسی اوچون قافقازلی‌لارین عومومی دوشمنه قارشی ایتتیفاقا چاغیریلاجاغی؛ شرقین، خوصوصاً مظلوم و محکوم تورک خالق‌لاری‌نین ایستیقلال ساواشینی دوغرولتماق و میلّی موجادیله‌سینی یوکسلتمک ایشی‌نین تبلیغ اولوناجاغی بیان ائدیلیردی.
فعالیتی
دَییشدیر" اودلو یورد " دا درج اولونان مقاله‌لرین آنا خطینی، هر شئیدن اول، آذربایجانین آزادلیغی ایدئیالاری‌نین تبلیغی، 28 مه ایستیقلالی و 28 آوریل ایشغالی، ائرمنی داشناک‌لاری‌نین خالقیمیزا قارشی باکیدا تؤرتدیگی 1918-جی ایل 31 مارس سوی‌قیریمی گونلری‌نین آنیلماسی، آذربایجانین گئج-تئز اؤز ایستیقلالینا قوووشاجاغی اومیدلری تشکیل ائدیردی. مجموعه‌نین اساس مؤلیف‌لری محمد امین رسولزاده، میرزه بالا محمدزاده، مصطفی وکیللی (وکیلوو)، هلال منشی، میر یعقوب مهدی‌یئو، احمد جعفراوغلو و باشقالاری ایدی. اؤزوندن اولکی آذربایجان سیاسی موهاجیرتی نشرلری‌نین عنعنه لرینی داوام ائتدیرن " اودلو یورد " آذربایجان موهاجیر مطبوعاتی تاریخینده پارلاق ایز بوراخمیشدیر.[۲]
یازارلاری
دَییشدیرشفیع بیگ روستم‌بیلی
قایناق‌لار
دَییشدیر- طاهرلی آ.، آذربایجان موهاجیر مطبوعاتی، ب.، 2002؛
- شیمشیر صباح‌الدین، آذربایجانین ایستیقلال موجادیله‌سی، ایستانبول، 2002.
اتک یازی‌لار
دَییشدیر- ^ http://www.journals.istanbul.edu.tr/iuifd/article/view/1019013619/1019012835[دائمی اولو باغلانتیلی]
- ^ "Odlu Yurd". Azərbaycan Xalq Cümhuriyyəti Ensiklopediyası. II. Bakı: "Lider". 2005. səh. 274. ISBN 9952-417-44-4.