آنامِنونو آچ

اورین داغی 3650 متر اوجالیق ایله خوی شهرینین ان اوجا داغی وآذربایجانین ساوالان و سهنددن سونرا ان اوجا اوچونجو داغیدیر. بو داغ خوی شهرینین شومال غربینده یئرلشیب دیر و خوی شهر ایله 24 کیلومتر آرالیغی واردیر.[۱] «اورین» بیر تورکجه کلمه دیر و بؤیوک، عظمتلی و اژدها معناسیندادیر. بو کلمه تورکیه ده هله ده ایشلنیلیر. ائورن (آنادولو تورکجه سی: evren ) عالم و فلک معناسینا گلیر.(داغین بویوک لوغو فلگین بویوک لوغونه تشبیه ائدیلیر) هابئله  تورکجه ده اورین کلمه سی "باشی گورسنمیین اوجا یئر" آنلامینا دا گلیر.[۲]

تاریخی و جوغرافیایی موقیعتیدَییشدیر

بو داغ چالدیران ساواشیندا، شاه ایسماعیلین قوشونونون باتی طرفین اولوشدورورموش، بو آنلامدا کی چالدیران ساواشی بو داغدان بو طرفه چکیلممیش. آرارات داغیندان سونرا، بو داغ بو منطقه نین ان اوجا داغی ساییلیر. بو داغین اته گینده ایستی سو بولاقلاری و وولقان لی داش لار تاپیلا بیلر. اورین داغی بیر سونموش وولقان ساییلیر کی هله ده جوزئی حرکت لر ایچینده اولور. بو داغین اطراقیندا کی طبیعت آذربایجان منطقه سینین ان گوزل طبیعت لی نقطه لرین دن بیری ساییلیر. یاز مئوسیمینده بولودلارین یوزده دوقسانی بو داغین آرخاسیندان وجودا گلیر. داغین باشیندا کی قار ایسه، یای مئوسیمینین اورتالارینا قدر گورسنیر. اورین داغی تورکیه نین وان شهریندن ده گوروشور. بو داغ الند و قوطور چوخورلاری آراسیندا یئر آلماقدادیر و ایکی زیروه یه صاحیب دیر. ایلکی 3417 متر و ایکینجی سی ایسه 3650 متر دیر. بالا و بویوک اورین ین آراسینداکی آرالیق 2 کیلومتر دیر.

داغین چیخیش یولودَییشدیر

داغا چیخماق اوچون پسک کندین دن گئچدیک دن سونرا بدلان کندین دن گئچیلیر و بدلان کندیدن دن باشلانان یوققوشو داوام ائدمک ایله حیصار کندینه یئتیشیلیر. گئچی قیران قایالیغی بو یول دا اولار کن بو یولون اوزونلوغو 17 کیلومتر دیر. بو یول خوی شهرینین و آذربایجان ان گوزل یایلاق لاریندان بیری ساییلیر. بو کند دن سونرا آرتیق ماشین لا داوام ائدمک اولماز و یولون گئری سی یالین آیاق لا داوام ائدیلمه لی دیر. اورین داغی و خوی شهرینین ایستیلیغی اورتالاما 7-10 درجه فرقلی دیر. 

قایناقلاردَییشدیر

  1. http://orumiyeh.irna.ir/News/212155/
  2. دکترگلکاریان، قدیر.