بهروز دهقانی
بهروز دهقانی (دوغوم: ۱۳۱۸؛ اؤلوم ۹ قیزاران ۱۳۵۰) و یا بهروز تبریزی آذربایجانلی یازیچی، چئویرمن و خالق پارتیزانی. بهروز دهقانی گونئی آذربایجانین تبریز شهرینده دونیایا گلیبدیر. صمد بهرنگینین ان یاخین دوستلاریندان اوْلوب و آذربایجان فولکورونو توپلاییب یایماقدا بویوک یاردیمی اوْلوبدور. او نهایت ساواک زیندانلاریندا شیکنجه آلتیندا اؤز جانین الدن وئریبدیر.[۱][۲][۳]
| بهروز دهقانی | |
|---|---|
| آد | بهروز دهقانی |
| قیسا بیلگی | یازیچی |
| دوْغوم تاریخ | 1318 تبریز |
| اؤلوم تاریخ | 9 قیزاران آیی 1350 تهران |
| اؤلوم سببی | ساواک زیندانلاریندا شیکنجه آلتیندا اؤلوبدور |
| آیری آدلار | بهروز تبریزی |
یاشاییش دَییشدیر
بهروز دهقانی، آتا-آناسی‌نین ایکی اؤلموش اوشاقلارین نظرده آلماساق، ائوین دؤردونجو اوشاغی اوْلوبدور. او دونیایا گلن چاغدا، آتاسی قویو قازماق ایشیله یاشاییش سورورموش. اوچ بویو قارداشی‌نین عکسینه اولاراق بهروز آناسی تربیه‌سی آلتیندا اولاراق بۇ ایشه گیرمیر و قارداشی‌نین دئدیکلری اساسیندا، بۇ باره‌ده اوْلان یازیلار حقیقتدن اوزاقدیرلار. بونا باخمایاراق او اوشاقلیغدا قارپیز و قورو چای ساتماق و داروخانادا ایشله‌مکله مشقول اوْلوبدور.
بهروز ایلک اوخولا گئدنده اوز آنا دیلی اوْلان تورکجهده اویرتیم آلدی. 1324-جو ایلده او 6 یاشیندا بیر اوشاق ایدی. 16 یاشیندا تبریزین دانیشسراسینا گیردی. اوردا صمد بهرنگی ایله تانیش اوْلدو و بۇ تانیش اولماق یاخین بیر دوستلوقلا سونوجلاندی.[۳]
اؤلوم دَییشدیر
بهروز دهقانی ساواک الیله توتاقلاناندان سوْنرا، شیکنجه آلتیندا، 1350-جی ایلده دونیادان گئتدی.[۲]
یارادیجیلیق دَییشدیر
بهروز 16 یاشیندان یازماغا باشلاییبدیر. ایلک دفعه "خنده" / گولوش آدلی درگیده یازیبدیر. سوْنرالار "مهد آزادی آدینه" آدلی درگی‌نین داشین قویانلاریندان اوْلوبدور.[۳] "افسانههای آذربایجان" / آذربایجان افسانه‌لری کیتابین صمد بهرنگی ایله بیرلیکده یاییبلار.[۴]
بهروز دهقانی‌نین حاقیندا یازیلان کیتاب دَییشدیر
"من مرگ را سرودی کرده‌ام؛ زندگی و آثار بهروز دهقانی" / من اؤلومو شعر ائتمیشَم؛ بهروز دهقانی‌نین یاشاییش و یارادیجیلیغی، کیتابی "یونس اورنگ خدیوی" آدلی یازیچی الیله "بازتاب" یایین ائوی طرفیندن یاییلیبدیر.[۵]
آذربایجان فولکولورونا خیدمت دَییشدیر
بهروز صمد بهرنگی ایله تانیش اولاندان سوْنرا، اونونلا بیرلیکده آذربایجانین کندلرین گزیب و اونون فولکولورون توپلاماغیندا بویوک چالیشمالارلا مشغول اوْلوبدور. او بعضی چاغلاردا خیردا قارداشیندا اؤزو ایله یولداش آپاریردی. او قاراداغ ماحالی‌نین فولکولورون توپلایاندا احمدزاده آدلی بیریسی‌نین قروپو ایله بیرگه ایش آپاریردی. بۇ چالیشمالاری پهلوی حوکومتی‌نین گؤزوندن اوزاق اولمالی‌ایدی. بهروزون قارداشی بۇ مساله‌ده اونا گؤزتچی کیمین یاردیم ائدیردی. بۇ چالیشمالار "آذربایجان افسانه‌لری" آدلی کیتابلا سونوجلانیبدیر. قاراداغدا چکیلن زحمت هله‌ده ایشیق اوزو گؤرمه‌ییبدیر.[۳]
قایناقلار دَییشدیر
- ^ به یاد رفیق بهروز دهقانی. آرشیولنیب اصلی نۆسخه‌دن on 2008-03-25. یوْخلانیلیب2013-01-30.
- ^ ۲٫۰ ۲٫۱ زندگی دوشادوش مرگ روایتی از جنبش چریکی حلقه تبریز. آرشیولنیب اصلی نۆسخه‌دن on 2013-08-27. یوْخلانیلیب2013-01-30.
- ^ ۳٫۰ ۳٫۱ ۳٫۲ ۳٫۳ بهروز دهقانی و یک نوشته ناشناخته به همراه عکسی منتشر نشده[دائمی اولو باغلانتیلی]
- ^ افسانههای آذربایجان/ به روای‍ت صمد بهرنگی، بهروز دهقانی
- ^ نشریه: زبان و ادبیات » چیستا » تیر 1384 - شماره 220