تجنیس
قافیه و ردیفینده جیناس سؤزلر ایشلنن شعره تجنیس دئییلیر. تجنیس صنعتی موختلیف شعر شکیللری ایله مئیدانا گله‌بیلر:
- تجنیس
- بایاتی تجنیس
- گرایلی تجنیس
- موستزاد تجنیس
- دوداق دیمز تجنیس
- آیاقلی تجنیس، و بو کیمی نوعلری وار.
تجنیس یاراتماق شاعیردن بؤیوک باجاریق و اوستادلیق طلب ائدیر اونا گؤره ده هر آشیق بو مئیداندا آتینی چاپا بیلمه‌میشدیر. تجنیس عوموما بئش بنددن آرتیق اولماز.
اؤرنک
دَییشدیرعاشیق قوربانی، عاشیق عابباس توفارقانلی تجنیسلریندن بعضی بندلری وئریلیر.
قوربانی دئر:
بورا گلدیم یار اۆچون
کس جیگریم، دوغرا باغریم، یار اۆچون
یار اودوکی یاردان سونرا یار اۆچون
یاخا ییرتا، زولف داغیدا، یارا اۆز.
عاشیق عاباس توفارقانلی دئر:
قاباق آیدی، زولف بولوتدو، یۆز گۆندو.
حسرتیندن بیر ساعاتیم یۆز گۆندو.
هئچ دئمیرسن قول عاباسیم اۆزگوندو
غم باشیندان توتار درد آیاغیندان.
آشاغیدا عاشیق علسگرین بیر تجنیسینی اوخویوروق:
آی اۆزه اۆزه
آی نازنین دردین منیم جانیمی
آز قالیب اینجه‌لده آی اۆزه, اۆزه
آلیبسان الیمدن دین ایمانیمی
موشتاق ائیله‌ییبسن آی اۆزه، اۆزه
یار مسکنیم آستانامی، دردی می؟
کامیل باغبان گۆلو باغدان دردیمی؟
آ بی موروت دردین منیم دردیمی
آرتیریب، یئتیریب آی یۆزه، یۆزه.
یازیق علسگری اودا سالیبدی
فلک گؤزدن سالیب، او دا سالیبدی
چشمه کناریندا اودا سالیبدی
جوموب سونا کیمی آیاۆزه، اۆزه.
قایناق‌لار
دَییشدیر- تورک خلق ادبیاتی -یازان: علیرضا صرّافی