تورکیه گیزلی دؤولتی
درین دؤولت، آنایاسادا بلیرلنمیش دؤولت یاپی‌سیندان ائشیک اولان دؤولت یاپی‌سی‌دیر.
باسکین اوران‌ین تانیمینا گؤره دؤولتین قودرتین و پتانسیل‌لرین مشروع‌لوقدان ایراغا داشیدیقلاری زامان شیددت و خشونت قوللانمالاری حالیندا اورتایا چیخان اولوشومدور.
مومتازار تۆرکؤنه‌یه گؤره، دؤولت پرسنل‌اینین اوُغرولوق یؤنتملری ایله یئتکیلرینی قوللاندیقلاری قایناق و ایمکانلاری، گیزلی‌لیک‌دن ایستیفاده ائده‌رک دؤولتی قوروماق اۆچون دئییل، اؤزلری‌نه فایدالانماق اۆچون قوللانمالارینا درین دؤولت آدی وئریلیر.
درین دؤولتی دیله گتیرن ایلک دؤولت آدامی اولان بۆلنت اجئویت، ۲۶ سپتامبر ۱۹۷۴ده، گیره‌سوندا بیر قونوشمادا بئله دئدی:
۱۲ مارس سونراسی دؤنمده آدی سانی اورتایا چیخان و تدبیرلرین و حتی سوروشدورمالارین حقوقی‌لیگینه و اینسانی‌لیگینه کؤلگه سالان کونترگریللا آدلی اؤرگوتون(تشکیلات)، بوشکیلی گؤرۆنتولو فقط غیررسمی اؤرگۆتۆن کیفیتی و آماجی اۆستونده‌کی اؤرتۆ آچیلمامیشدیر.
۱۹۹۶'دا سوسورلوک حادیثه‌سی‌ایله یاییلان بیر تصور، درین دؤولتین کؤکنی و نه آنلاما گلدیگی قونوسوندا فرقلی اثرلری واردیر. ایرلی سۆرۆلن بیر تئوریه گؤره، درین دؤولتین باشلانقیچ نقطه‌سی سویوق‌ساواش دؤنمینده ناتویا عضو اؤلکه‌لرده اولوشتورولان و سیا طرفیندن یؤنتیلن و دستکلنن ایستیخبارات و سیلاحلی عملیات تشکیلات‌لارینا دایانیر. بو تشکیلاتین تۆرکیه‌ده کونترگریللا آدی آلتیندا فعالیت گؤستردیگی ایدیعا ائدیلیر. ۱۹۷۴ ایلینده بو ایدیعانی دستکلیین ایلک دؤولت آدامی اسکی باش‌باخان بۆلنت اجویت اولموشدور. بیر باشقا تئوریه گؤره ایسه درین دؤولتین کؤکلری عثمانلی دولتی‌نین سون ایللرینده ایتیحاد و ترقی جمعیتی‌نین طرفیندن قورولان گیزلی ایستیخبارات و عسکری عملیات اؤرگوتو اولان تشکیلات محصوسه‌یه(تشکیلات مخصوصه) قدر اوزانیر. بو ایدیعانی دستکلیینلر آراسیندا تۆرکیه جومهور باشقانی رجب‌طیب اردوغان واردیر.