جمال ترابی طباطبائی
سید جمال ترابی طباطبائی (دوغوم:1304-اؤلوم:1388) ایرانین سکه تانیماق علمی نین آتاسی.1304 نجو ایلین یاز فصلی نین ایکینجی آیینین بئشینجی گونونده تبریزین میارمیار محله سینده دونیایا گؤز آچدی.او عصریمیزین بؤیوک سکه شوناسلاریندان اولاراق ایران سکه شوناسلیق آتاسی آدینادا مشهورایدی.
او 60 ایلدن چوخ ایران و ایسلام سکه لری هابئله آرخئولوژی حاقیندا تدقیقات لار آپاردی.هر زاماندا حاکمیت ده اولان ایران حکومت لرین سکه لری نین ییغیب ثبت ائدیب و تانیماسی , آز ر بایجان موزه سی نین وسایط لری نین پلانلارندیرماسی و ایللر بؤیو سکه شوناسلیق تدریس لئمک اونون دئیرلری ایشلریندن ساییلیردی.اوستاد طباطبائی دن بۇ موضوعلاردا دئیرلی یازیلار الده دی.
او بلگیلر و مدنی چالیشمالاریندا بؤیوک اوستادلار او جومله دن عباس اقبال آشتیانی ,وحید الملک شیبانی , نصر الله فلسفی , علی اکبر بینا, مجیر شیبانی , پرویز ناتل خانلری , احمد موستوفی , محمد معین , مسعود خان کیهان , محمد باقر هوشیار کیمی اوستادلاردان درس اؤیرئنمیشدی.
اوستادین دونیا سویه سینده سکه شوناسلیق تخصص و آدلیم اولماسی دونیانین موزه لری و اؤلکه لرینده چالیشان مۆحقیق لر و تدقیقاتچی لارین اونا مراجعت ائتمه لرینه سبب اولموشدو.بو حاقدا چوخلو یازیلاشما و ال یازمالار واردیر.اوستاد طباطبائی و دکتر جورج مایلز نیویورک موزه سی نین مودورو سلود والتر هینتس ,برت فراگنر, اینقر کریر, ریچارد فرای , هاری فلدمن و قوتفرید هرمان کیمی آدلیم تدقیقاتچیلارلا علاقه و ایرتیباط لاری گوستریر. او 60 ایل چالیشمالاری بؤیونجا مین لرجه ستد و تاریخی عکس لری توپلاییب و موخلیف موسیسه لره باغیشلادی.اوستاد طباطبائی دن 35 و چوخ کیتاب و علمی مقاله سکه شوناسلیق و آز ر بایجان عامه مدنیتی حاقیندا واردیر.شمسی 1355 ده یاییلان آغ قویونلولار سکه لری و صفوی لرین ایرانداکی وحدت و بیرلیک تمل لری , ایرانین ایل کیتابی سئچله رک. بۇ دئیرلی مکافاتی الده ائتمیشدیر.اوستادین آدی ایران اونودولمازلار ایللیک کیتابیندا ثبت اولونوبدور.او 1388 نجی ایلین مهر آی نین 22نجی گونونده دونیاسین دئیشدی.اوستادین مزاری تبریز وادی رحمتی نین صنعتچی لر (هونرمند) بؤلومنده دیر.
قایناق
دَییشدیرتبریز بلدیه سی طرفیندن یازیلان کتیبه داغ گؤلونه عاید.