جواد یگانه

جواد یگانه(صاحیب) تخلوصی ایله ، ایران آذربایجان ماراغالی چاغداش تورکجه یازان شاعیر

جواد یگانه
آد	جواد یگانه
قیسا بیلگی	شاعير ، یازیچی
دوْغوم تاریخ	۱۳۵۷ ه.ش آذر آیی ماراغا
میللیت	ايران
آیری آدلار	صاحیب
تحصیل	دیپلم ریاضی

یاشاییش

جواد یگانه ۱۳۵۷ جی گونش ایلی آذر آییندا ماراغا شهرینده دونیایا گؤز آچدی.

اوشاغلیق چاغ لاریندان آذربایجان کولتورو اته‌یینده بوی آتیب ، فولکلور ماهنی لار و بایاتی لار دیلی نین ازبری اولموشدو . گنج چاغ لاری نی ایل به ایل کئچیردیر و ریاضی رشته سینده دیپلم آلیر.

۱۳۷۵ دن فارسجا غزل لر و چئشیدلی قالیب لرده قلم وورور و ۱۳۸۰دان سونرا اؤز دوغما آنا دیلینه ماراق گؤسترديكده تورکجه شعرلر ونثرلر و رمان لار یازیب و یارادیر ، ماراغا و باشقا شهرلرين انجمن لرينده حضورو اولور و هونرين شعر سئون لره تقدیم ائدیر.

و سون زامان لاردا شعرلری ، یازی لاری چوخلو درگی لرده اوتای لی بوتای لی یاییلیر و آذربایجان ادبیات ماراقلی لاری نین و اوخوجولاری نین گؤزلری نین اؤنونده یازی لاری اؤزون گؤزه چارپیر.

اثرلری

• حسرتلی قاندال لار
• سود یولو
• ائشیت نی دن
• کیمسه‌سیز سئوگی و دلی بؤيوك

یارادیجی لیق لاریندان اؤرنك

سالاجاق

بیلیرم گؤزلریوین باخمالاری قان سالاجاق

دلی کؤنلومده منیم هر گئجه طوفان سالاجاق

باغیریب غصه کدردن دولو نیسگیللریمیز

یادیوین لحظه لرین بلکه اوباشدان سالاجاق

منی اوزدن آپاریب سانکی سحر چیخمایاجاق

بوینوما حسرتیوین منت ینی دان سالاجاق

دوزدو چوخدور دلی لر وورغونودور گؤزلریوین

آمما من تک دلینین ،سئومه سی ده سان سالاجاق

منه ایلکین گؤروشون بئیله گلیر کی آری تک

دولانام من باشینا باللی باخیش شان سالاجاق

آییران شاختا ووران ،قیش بورانیندان جانیما

جانی پیوند سالیب ،جانان اونا جان سالاجاق

گؤرسن چکدیگیم اول ،داغ یوکونو (صاحیبیمیز)

اییلیب قوللارینی بوینوما سهمان سالاجاق ؟

---

‍صوفى چای

سویوق چایی آشیب داشیب,آخیم آخیم آشا آشا

بورور اؤزون سؤکور یولو ,قالاقلاییر داشی داشا

باشین چالیر دووارلارا,آچیر یولو سارایلارا

اؤزور چمنلر ایچرینه ,داریر تئلین وورور ماشا

چیچک له نیر ماراغامیز,قولون آچیب قوجاقلاییر

ماراقلانیب هؤروکله نیر ,ساچی بورما قلم قاشا

عاغیل گئدیر هوش دایانیر ,بئله نکی بیر منظره ده

سانکی اونون گؤرمگینه ,آز قالی گؤزلر قاماشا

گؤرور گؤزوم فرحله نیر,سهندیمین جلالتین

اوجا اوجا دئییر گویول ,سهندیمیز یاشا یاشا

منیم ده عؤمروم گئچرک ,سویوق چایی گئچن کیمی

شیرین آجی گونله ریمیز ,ده ییر داشا چیخیر باشا

گؤزو دولاندا( صاحیبین) ,داشیر گلیر بولاق کیمی

باخیر یارین جمالینا,آیاق آتیر چاشا چاشا

---

باهاريمسان

باهارسیز هئچ چیچک آچماز,گولوستانیم باهاریمسان

گؤزون سوزمه سنی تاری,گل ای دیلبر کی یاریمسان

اورک‌دؤزمور ویریر گوپ-گوپ,قاشيندان آچ دویونجک‌کی

سنه تای یوخدو سئودالیم ,بوگونلوکده تاتاریمسان

گونوم سنسن آییم سن سن,ایشیق ساچماقدیر ایلقارون

آخان اولدوزلاری بیرده,گؤزوم ایچره سایاریمسان

حیات وئرمیش منه روحون,باغیشلاتمیش کمال خانین

قانیم ایچره گزه ن سنسن,بوگؤده مده داماریمسان

اگر دوشسم اوزاق سنده ن ,دوزاقدیر بیل کی سنسیزلیک

یوخوم بیرجه گومان بیر دم ,یاشام کی سن یاشاریمسان

نه قدر آخسا گؤزوم یاشی,آخیملیقدان سنه ساری

كؤنول سؤیلر کی قاینارجام,یئنه سنسن پوناریمسان

ویقار ایچره بوگون( صاحیب) ,اگر وارسا سنیلن دیر

هونر سنلندی غم سنلن ,ناخوشلوقدا توماریمسان

---

ائشيك باغلانتی لار

• اهنگ فوق العاده احساسی گوزلرین | مرجان لطفی |شعر: جوادیگانه Archived 2021-06-25 at the Wayback Machine.

قایناق لار

• سایت کتاب گیسوم

• آدینه بوک

شابلون:تورک ادبیاتی {آذربایجان تورکجه‌سی‌نین ادبیاتی}}