جیدیر (اویون)

جيدير - آذربايجاندا ان چوخ يازقاباغي (بایرام قاباغی) گونلرده، ائلجه ده ديگر واختلاردا، اساساً يئني‌يئتمه‌لر و گنجلر آراسيندا، گئنيش شکيلده اوينانيلان قديم اويونلاريندان بيريدير.

عومومي معلومات

جيدير اويونو نوروز بايرامي و ديگر ائل شنليکلرينده تشکيل ائديليميش آتچيليق اويونلاريندان بيري. جيدير خالق اويونون آذربايجاندا ياييلماسي "کيتابي-دده قورقود" بويلاريندان نظامی گنجوي‌نين "خسرو و شيرين" پوئماسيندان و کلاسيک ادبياتيميزين ديگر نومونه‌لريندن ده بلليدير.

اويونون قايدالاري

جيديرين کئچيريلديگي مئيدان، گون و شرطله اوّلجه‌دن موعیّن ائديلير. آدلي- سانلي، تا‌نينميش جاوانلار بو اويون- ياريشا خوصوصي حاضيرليق گؤرور، تعليم آلميش آتلاريني جيديرا حاضيرلاييرلار.

جيدير ايشتيراکچيلاريندان کيم مئيداني بيرينجي قطع ائدرسه، او ياريشين غاليبي ساييلير و عادت اوزره اونا خونچا تقديم اولونور. غاليب چيخميش آتين ايسه آلنينا بير يومورتا ووروب سينديرير، بوينونا قيرميزي رنگلي کلاغايي و يا پارچا باغلانيلير. جيديرين ديگر ايشتيراکچيلارينا دا موعين هديه‌لر وئريلير. جيدير اَيلنجه‌لريني – اونون باشلانماسيني و قورتارماسيني زورناچيلار دسته‌سي موشايعت ائدير. جيدير اؤزونه- مخصوص موسيقي نؤمره‌سي اولور. بير عادت اولاراق جيدير مئيدانلاري اۆچون ائله يئر سئچيلير کي، اهالي جيديرا چيخانلاري گؤره بيلسين. جيدير سؤزون اصيل معناسيندا، گنجلرين سيناق مئيدا‌نينا چئوريلير، ائلين چئويک، مرد، ماهير چاپارلاري بورادا موعين ائديلير. جيدير اؤتري ياريش، ساده‌جه آت اويناتماقلا محدودلاشان اَيلنجه دئييل، بورادا پرستيشين، اينامين، سِحر و اووسونون ايزلري ده واردي.

قایناق

• نووروز بايرامي ائنسکلوپئديياسي. باکي-2008 (شرق-غرب). ص.53.