حسین محمدخانی «گونئیلی» (دوغوم: 1334) ـ فولکلورچو، ادبیاتچی، مصحح و یازیچی.

یاشاییش دَییشدیر

حسین محمدخانی ۱۳۳۴- جو ایلده تبریزین قوزئی ـ باتی‌سیندا یئرلشن گونئی بؤلگه‌سی (شبستر شهرستانی)نین "مئشین" آدلی کندینده اکینچی بیر عائیله ده دونیایا گؤز آچمیش، ایلک مکتب تحصیلینی همین یئرده آلمیش، اوْرتا مکتبی ایسه تبریزده باشلامیش، تهراندا بیتیرمیشدیر.

اوْن اوچ یاشیندان یعنی ۱۳۴۷- جی ایلدن شعر سؤیلَمَیه باشلایاراق، اؤز طبعینی مرثیه ادبیاتی هم ده ساتیریک شعرده سینایان مؤلّیف، دیل و ادبیات علم لرینی اؤیرنمکده اؤنجه رحمتلیک اوستاد عبدالکریم منظوری خامنهنین اؤزل کیلاسلاریندا درس آلماغا باشلامیش، اوْنون داوامیندا اوستاد منظوری‌نین گؤستریشی ایله ۱۳۶۳- جو ایلدن بری «وارلیق» درگی سینده چاپ اوْلان مقاله لردن، اؤزللیکله ده مرحوم پروفئسور دوْکتور حمید نطقی و پروفئسور دوکتور جواد هیئت جنابلاری نین مقاله لریندن یارارلانمیشدیر. ۱۳۶۹- جو ایلدن ۱۳۷۳- جو ایله دَک تهران بیلیم یوردلاریندا کئچیریلن، پروفئسور دوکتور حسین محمدزاده صدیقین درس وئردیگی تورک دیلی- ادبیاتی کیلاسلارینا قوشولموش، همین کلاسلارین اعلاچی(اوستون روتبه قازانان) اؤیرَنجی لریندن اوْلموشدور. دیلیمیزین نحوینی اؤیرَنمکده رحمتلیک پروفئسور محمدتقی زهتابی نین درسلریندن هم ده اثرلریندن داها آرتیق یارارلانمیشدیر.

اوْ، ۱۳۷۸- جی ایلدن باشلایاراق تهران بیلیم یوردو، صنعتی شریف بیلیم‌یوردو، تهران تربیت معلم بیلیم یوردو، ائله جه ده تبریز آزاد بیلیم یوردوندا ادبیاتیمیز و فوْلکلوروموزدان، اؤزللیکله ده اؤزونون ایشله دییی و یایینلادیغی دده قوْرقود کیتابیندان تورک اؤیرنجی لره درس دئمه یه، تهراندا خواجه نصیر طوسی، تهران، شهید رجایی، الزّهرا علم و صنعت بیلیم یوردلاریندا کئچیریلن تۆرکجه‌ درس کیلاسلاریندا ادبیاتیمیز و فولکلوروموزدا اؤزل قونولاردا دانیشماغا چاغریلمیشدیر. او، دده قوْرقود کیتابی اوزره آپاردیغی تدقیقاتا اساساً ۱۳۸۳- جو ایلده فخری دوْکتورا درجه سینه لاییق گؤرونموشدور.[۱]

ژورنالیستی چالیشمالاری دَییشدیر

حسین گونئیلی، ۱۳۶۴- جو ایلدن باشلایاراق بۇ گونه کیمی اونلارجا درگی اوْ جومله دن وارلیق، امید زنجان، سهند، شمس تبریز، آوای اردبیل، نوید آذربایجان، مهد آزادی، فجر آذربایجان و چوخلو باشقا شهرستانلار نشریه لری ایله فخری امکداشلیق ائتمیش، سؤزو گئدن نشریه لر و اؤیرَنجی سل درگی لرده ائله جه ده قونشو اؤلکه لر نشریه لرینده گنللیکله یوزدن آرتیق شعری، مقاله سی و قوْنوشماسی چاپ ائدیلمیشدیر. اوْ، بعضی درگی لرین ده باش یازاری اوْلموش، ادبیاتیمیز و فوْلکلوروموز اوزره کئچیریلن اونلارجا یئرلی، یابانجی و قونشو اؤلکه لرده علمی کونفرانسلارا چاغیریلمیش، اوْنلارین بیر سیراسینا قوشولاراق چیخیش ائتمیش، علمی باخیشلارینی سؤیله میشدیر.[۱]

اورخون یایین‌ائوی دَییشدیر

شاعیر و آراشدیریچی گونئیلی ۱۳۷۲- جی ایللردن آراشدیرما ایشلره باشلامیش و اورخون یایین ائوی باسین مرکزینی همین ادبی و کولتورل آراشدیرمالارا اساساً قورموشدور ، همین چالیشمالارین سوْنوجو اوْلاراق (اؤنجه کی سطیرلرده سؤزو گئدن) اؤزونون یازدیغی و توْپلادیغی کیتابلاردان علاوه چوْخلو باشقا شاعیرلر، یازیچی لار و تدقیقاتچی‌لارین دا کیتاب‌لاری نین علمی دؤزَلیشچیسی اوْلموش، اؤز دیلینده درس اوخویابیلمه میش، تۆرکجه‌ یازارلارین اثرلرینی دیلیمیزین صرفی، نحوی ایله اویغونلاشدیرمیش، شعرلرینی شعر صنعتی اساسیندا دوْغروتموش، وزن- قافیه- ردیف، باشقا شعر اؤلچولری ایله اوزلاشدیرمیش، قوْنو و صنعت اساسیندا آییرمیش، تدوین ائتمیشدیر. بئله کی اوْنون یازدیغی و علمی رئداکتورو اوْلدوغو اثرلرین سایی۱۳۸۹- جو ایلین ایکینجی یاریسیندا ۱۵۰ جیلددن آرتیقدیر. سؤزو گئدن کیتابلارین بیر سیراسی نین سیاهیسی آشاغیدا وئریلیر.[۱]

اثرلری دَییشدیر

دوکتور حسین گونئیلی نین یازیب یاراتدیغی و بۇ گونه قدَر چاپ ائتدیردیگی اثرلری:

  • 1- بیلیجی بهلول لطیفه‌لری
بو اثر, بهلول داننده یه منسوب ۳۵ فولکلوریک حکایه لردن عیبارتدیر کی مؤلّیف اونلاری نظمه چکیبدیر). اثر ۱۳۶۶- جی ایلده چاپ ائدیلیبدیر.
  • 2- گونئی مدنیّت اوْجاغی (1). مؤلّیفین ترتیب ائتدیگی و چاپا حاضیرلادیغی بۇ کیتاب (گونئی مدنیّت اوْجاغی نین اویه لری نین (عضولری نین) بیر سیراسی نین هم ده اونون اؤزونون یازیلاری نین توپلوسودور). بۇ اثر ۱۳۷۳- جی ایلده چاپ ائدیلیبدیر.
  • 3- علی کمالی‌نین حیات و یارادیجیلیغی. ( لاتین الیفباسی ایله یازیلان بۇ کیچیک اثرده تحقیقاتچی علی کمالی نین حیات و یارادیجیلیغی و علمی ایشلریندن معلومات وئریلیر) بۇ کیتابچا ۱۳۷۵- جی ایلده تورکیه ده میلتلر آراسی تورک میلّتلری قورولتاییندا یاییلدی.
  • 4- مئشین ( یازارین دوْغوم یئری اوْلموش کندین مونوقرافیاسی دیر.) بۇ کیتاب ۱۳۷۸- جی ایلده گون اوزو گؤردو.
  • 5- دده قورقود کیتابی.
  • 6- دده قورقود بوْیلاری. ( مؤلّیف بۇ اثری عوموم خالق اۆچون, اؤزللیکله ده عاشیقلار اۆچون ایشله ییبدیر, بئله کی دستانلارین دیلینی موعاصیرلشدیریب, شعرلرینی ایسه قوْشما و گرایلی بیچیملرینده و عاشیق شعرلری کیمی قوْشوبدور) بۇ کیتاب ۱۳۸۱- جی ایلده چاپ اوْلوبدور.
  • 7- عاشیق قشمین یاشاییش و یارادیجیلیغی. (مؤلّیفین، عاشیق قشمین اوغلو عاشیق مظاهرین امکداشلیغی ایله ایشله دیگی بۇ اثرده, عاشیق قشمین یاشاییش و یارادیجیلیغی اوزره معلومات وئریلیر, هم ده اوْنون چاپ اولمامیش شعرلری گؤستریلیر). چاپ ایلی ۱۳۸۳.
  • 8- دینمه! ( یارادیجیلیغینی شعریله باشلامیش مؤلّیفین سوسیولوژیک, تنقیدی و ساتیریک شعرلری توپلوسودور) چاپ ایلی: ۱۳۸۲.
  • 9- دان سؤکوله جک ( مؤلّیفین میلّی و سیاسی شعرلری نین توپلوسودور ) چاپ ایلی: ۱۳۸۲.
  • 10- فولکلور توپلاما قیلاووزو. ( بۇ اثر, فولکلوروموزو علمی مئتودلارلا توپلاماق اۆچون حاضیرلانمیشدیر. اثرده فوْلکلور توْپلاماق ایسته ینلره گؤستریشلر وئریلیر و اونلار, فولکلوریک قونولار ایله تانیش ائدیلیر. بۇ کیتاب, آذربایجان جومهوریتی, تورکیه, کرکوک و فارس قایناقلاریندان فایدالاناراق, حؤرمتلی قلمداش مهندس عسکر علیایی(یاشیل) جنابلاری نین امکداشلیغی ایله یازیلمیش, ۱۳۸۴- جو ایلده چاپ ائدیلمیشدیر).
  • 11- هر باغدان بیر گول مؤلّفین اؤزونون و تهران- کرجده یاشایان بیر سیرا چاغداش شاعیرلرین حیاتی, یارادیجیلیغی و شعر نومونه لری توپلوسودور. مؤلّیف بۇ اثرین توپلایانی، بیر بؤلومونون یازاری، علمی رئداکتورو, اؤن سؤز و آچیقلامالاری نین مؤلّیفی دیر.« چاپ ایلی: 1375»
  • 12- گونئی مدنیت اوجاغی(3). مؤلّیفین، هم ده گونئی مدنیّت اوجاغی عونوانلی درنَگین اویه سی اولان، بعضاً ده آیری قلم صاحیبلری¬نین یازدیغی شعرلر و مقاله لر توپلوسو. چاپ ایلی: 1387
  • 13- گونئی مدنیّت اوجاغی(4) مؤلّیفین، هم ده گونئی مدنیت اوجاغی عونوانلی درنَگین اویه سی اولان، بعضاً ده آیری قلم صاحیبلری نین یازدیغی شعرلر و مقاله لر توپلوسو. چاپ ایلی: 1388

یاییملاناجاق اثرلری دَییشدیر

چاپا حاضیرلانمیش و چاپ اولماقدا اوْلان اثرلری نین سیاهیسی:

14- ناغیللار (گونئی بؤلگه سی روایتلری ایله سایی قیرخدان آرتیق اوْلان, آغیزلاردان توْپلادیغی و کاغیذ اوزَرینه گتیردیگی فوْلکلوریک ناغیللار).

15- شاه بهرام- بانو حوسن. (خوراسان تورکلری نین فولکلوریک – حیماسی- لیریک- اوسطوره وی داستانلارینداندیر کی, مؤلّیف بیرینجی دؤنه اوْلاراق اونو علم عالمینه تانیتدیریر).

16- زین العرب- محمد حنیفه دستانی. (خوراسان تورکلرینین فوْلکلوریک– حیماسی- لیریک داستانلارینداندیر کی, مؤلّیف بیرینجی دؤنه اوْلاراق اونو علم عالمینه تانیتدیریر ).

17- رسول(ص)، ابراهیم ابن محمد و حضرت فاطمه(س)نین وفاتی «اؤزبک تورکجه سینده».

18- قان قیلینجا اوستون گلیر. ( مؤلّیفین چاپ اولمامیش مذهبی شعرلری توپلوسودور ).

19- از هویت زدایی تا هویت خواهی. (بیر حیصّه سی یئرلی و یابانجی باسینلاردا مقاله لر شکیلینده چاپ ائدیلمیش, میلّی وارلیغیمیز و ایجتیماعی پروبلئملریمیز اوزره مقاله لر توپلوسو).

20- مئشین فوْلکلورو.

21- گونئی دئییملری

22- گونئیده ایشلَنَن آتالار سؤزلری.

23- گونئی فولکلور درلَمه لری

24- بوزلو جهنّم. بۇ اثر آذربایجان جومهوریتی نین موباریز شاعیری«امین عابید»( گول تکین)ین شعر توپلوسودورر. اثرین توپلایان و نشر ائدنی علی شامیل, لاتین الیفباسیندان عرب الیفباسینا کؤچورنی ح. م. گونئیلی اوْلموشدور.

25- عمادالدین نسیمی و صمد وورغوندان کؤچورمه لر.

26- گولمه جه لر.«فولکلوردا گولمه لی حئکایه لر، روایتلر، هجولر توپلوسو»

27- دده قورقود کیتابی اوزره. «دده قورقود کیتابی اوزره چئشیتلی قونولارلا باغلی مقاله لر و آچیقلامالار توپلوسو.»

28- درسلیکلر. «دیلیمیز اوزره حاضیرلانمیش سس- صرف درسلیکلری»

29- ائل بیلیملری- ادبیات. «ادبیات و فولکلوروموز اوزره یازیلمیش چوخلو مقاله لر توپلوسو»

30- شهریورین اون ایکیسی. 1324 و 1325- جی ایللرده آذربایجاندا باش وئرن اولایلار و فیرقه دؤولتی نین ایشلری. یازان آذربایجان دموکرات فیرقه سی نین مرکزی شؤعبه سی. دوزَلیشچی و چاپا حاضیرلایان و اؤن سؤز یازان: ح. م. گونئیلی.

رئداکته ائدیب اؤن‌سؤز یازدیغی اثرلر دَییشدیر

اوستاد گونئیلی, آشاغیدا باشلیقلاری وئریلن کیتابلارین علمی رئداکتورو (دوزَلیشچیسی), تنظیم و ترتیب ائدنی و اؤن سؤزلری نین یازانی اوْلموشدور.

الف- چاپ اوْلموش اثرلر:

31- پناه علی- آسیه حئکایه‌سی. «لیریک- حماسی داستان», یازان: درویش بهروان, علمی رئداکتور, اؤن سؤز و آچیقلامالاری یازان: ح. م. گونئیلی. « چاپ ایلی: ۱۳۷۷»

32- سؤنمز ائللرین اوْجاغی. «شعر توپلوسو» یازان: درویش بهروان, علمی رئداکتور, اؤن سؤز و آچیقلامالاری یازان: ح. م.گونویلی. « چاپ ایلی: ۱۳۷۸»

33- تورشا- شیرین. «شعر توپلوسو» یازان: صمد مرادی, علمی رئداکتور, اؤن سؤز و آچیقلامالاری یازان: ح. م. گونئیلی. « چاپ ایلی: ۱۳۷۹»

34- آی ساوالان. «شعر توپلوسو» یازان: بختیار علی مرادی, علمی رئداکتور, اؤن سؤز و آچیقلامالاری یازان: ح. م. گونئیلی. « چاپ ایلی: ۱۳۸۰»

35- قانلی بایراق «مذهبی شعرلر توپلوسو» یازان: عباس عباسزاده, علمی رئداکتور, اؤن سؤز و آچیقلامالاری یازان: ح. م. گونئیلی. « چاپ ایلی:1388»

36- میسکین دیوانی. «شعر توپلوسو» یازان: عباس عباس زاده, علمی رئداکتور, اؤن سؤز و آچیقلامالاری یازان: ح. م. گونئیلی. « چاپ ایلی: ۱۳۸8»

37- چیچکلی داغلار. «شعر توپلوسو» یازان: بخشعلی صحراگرد, علمی رئداکتور, اؤن سؤزونو یازان: ح. م. گونئیلی. « چاپ ایلی: ۱۳۸۰»

38- آنا یوردوم بوئین زهرا. «شعر توپلوسو» یازان: درویش بهروان, علمی رئداکتور, اؤن سؤز و آچیقلامالاری یازان: ح. م. گونئیلی. « چاپ ایلی: ۱۳۸۱»

39- آچین پنجره نی. «شعر توپلوسو» یازان: رحیم گؤزل, اؤن سؤزو یازان: ح. م. گونئیلی. « چاپ ایلی: ۱۳۸۱».

40- بیزه نه بایرام؟ «شعر توپلوسو» یازان: بشیر فرض اله زاده «درد اوغلو», علمی رئداکتور, اؤن سؤز و آچیقلامالاری یازان: ح. م. گونئیلی. « چاپ ایلی: ۱۳۸۱»

41- دده م قورقود . (دده قورقود کیتابی نین فارسجایا ترجومه سی) ترجومه ائدن: بهزاد بهزادی, ویراستار: ح. م. گونئیلی. « چاپ ایلی: ۱۳۸۱»

42- خزانسیز باهار. «شعر توپلوسو» یازان: عسگر علیایی «یاشیل», علمی رئداکتور و اؤن سؤزونو یازان: ح. م. گونئیلی. « چاپ ایلی: ۱۳۸۱»

43- آغلی داغ. «شعر توپلوسو» یازان: ولی شاه محمدی, علمی رئداکتور, اؤن سؤز و آچیقلامالاری یازان: ح. م. گونئیلی. « چاپ ایلی: ۱۳۸۱»

44- کؤنول نغمه لری. «شعر توپلوسو» یازان: حسن شایسته, علمی رئداکتور, اؤن سؤز و آچیقلامالاری یازان: ح. م. گونئیلی. « چاپ ایلی: ۱۳۸۲»

45- بولقاوار- یایچی (اردبیل اطرافیندا بولقاوار و یایچی آدلی کندلرین مونوقرافیاسی). یازان: عارف رفیعی, علمی رئداکتور , اؤن سؤز و آچیقلامالاری یازان: ح. م. گونئیلی. « چاپ ایلی: ۱۳۸۲»

46- پیامهای نامرئی. «فارسجا نثر», یازان: حسن شایسته, علمی رئداکتور ح. م. گونئیلی. « چاپ ایلی: ۱۳۸۲»

48- قارتال قایناغی. «شعر توپلوسو» یازان: ولی شاه محمدی, علمی رئداکتور, اؤن سؤز و آچیقلامالاری یازان: ح. م. گونئیلی. « چاپ ایلی: ۱۳۸۲»

49- آنا. «شعر توپلوسو» یازان: اسماعیل موسی پور. علمی رئداکتور, اؤن سؤز و آچیقلامالاری یازان: ح. م. گونئیلی.« چاپ ایلی:۱۳۸۳»

50- یاشا کندیم. «شعر توپلوسو» یازان: درویش بهروان, علمی رئداکتور, اؤن سؤز و آچیقلامالاری یازان: ح. م. گونئیلی. « چاپ ایلی: ۱۳۸۳»

51- آنا یوردوم قیصره. «شعر توپلوسو» یازان: عاشیق رحیم مردانی, علمی رئداکتور, اؤن سؤز و آچیقلامالاری یازان: ح. م. گونئیلی. « چاپ ایلی: ۱۳۸۳»

52- منظومه ی روستا. «شعر توپلوسو» یازان: سجاد شاه مرادی, علمی رئداکتور, اؤن سؤز و آچیقلامالاری یازان: ح. م. گونئیلی. « چاپ ایلی: ۱۳۸۳»

53- طوفاندی مش غضنفر. «شعر توپلوسو» یازان: صمد مرادی, علمی رئداکتور, اؤن سؤز و آچیقلامالاری یازان: ح. م. گونئیلی. .« چاپ ایلی: ۱۳۸۴»

54- گؤزل یاز «شعر توپلوسو» یازان: بخشعلی صحراگرد, علمی رئداکتور, اؤن سؤز و آچیقلامالاری یازان: ح. م. گونئیلی. « چاپ ایلی: ۱۳۸۴»

55- سن گولنده «شعر توپلوسو» یازان: محمد کئشکلانی, علمی رئداکتور : ح. م. گونئیلی. « چاپ ایلی:۱۳۸۴»

56- بایاتی سازی. «بایاتی شعرلری توپلوسو» یازان: سخاوت عزیزی, علمی رئداکتور ح. م. گونئیلی. « چاپ ایلی: ۱۳۸۴»

57- آنا حسرتینده. «شعر توپلوسو» یازان: عسگر علیایی «یاشیل», علمی رئداکتور و اؤن سؤزو یازان: ح. م. گونئیلی. « چاپ ایلی: ۱۳۸۴»

58- آنا یوردوم کوْمار. «شعر توپلوسو» یازان: میرهادی میرفتحی زاده, علمی رئداکتور ح. م. گونئیلی. «چاپ ایلی: ۱۳۸۴»

59- قایالار ترلانی بابک. «بابکله باغلی تاریخی حادیثه لر توپلوسو» یازان: اصغر بدری اهری, علمی رئداکتور و اؤن سؤزو یازان: ح. م. گونئیلی. « چاپ ایلی: ۱۳۸۵»

60- گلین- گلین اوشاقلار. «اوشاق شعری توپلوسو» یازان: بشیر فرض اله زاده «درد اوغلو», علمی رئداکتور, اؤن سؤز و آچیقلامالاری یازان, یئنی الیفبایا کؤچورن: ح. م. گونئیلی. چاپ ایلی: ۱۳۸۵

61- ال- اله «شعر توپلوسو» یازانلار: تقی ابراهیم خانی- کمال ابراهیم خانی. علمی رئداکتور و اؤن سؤزو یازان: ح. م. گونئیلی. « چاپ ایلی: ۱۳۸۵»

62- آلیشا- علیشاه « علیشاه کندی‌نین مونوقرافیاسی» یازان: عاشیق احد ملکی. علمی رئداکتور و اؤن سؤزو یازان: ح. م. گونئیلی. « چاپ ایلی: ۱۳۸۵»

63- یوخاری طارم.«شعر توپلوسو» یازان: دوکتور قاسمی, علمی رئداکتور, اؤن سؤز و آچیقلامالاری یازان: ح. م. گونئیلی. « چاپ ایلی: ۱۳۸۴».

64- تیکمه داش.«شعر توپلوسو» یازان: رحمان مهرزاد(قاینار). چاپ ایلی: ۱۳۸۵. علمی رئداکتور و اؤن سؤزو یازان: ح. م. گونئیلی.

65- یات او یاتان میلّت ایله. «شعر توپلوسو» یازان: محمد سلیم اوْغلو. چاپ ایلی: ۱۳۸۶ علمی رئداکتور و اؤن سؤزو یازان: ح. م. گونئیلی.

66- ایناللی دیوانی. «شعر توپلوسو». یازان: درویش بهروان«ایناللی». چاپ ایلی: ۱۳۸۴ علمی رئداکتور و اؤن سؤزو یازان: ح. م. گونئیلی.

67- آتشین سؤنمه سی. «مرحوم شاعیر آتشین اؤلومو ایله ایلگیلی شعرلر و مقاله لر توْپلوسو» چاپ ایلی: ۱۳۸۱ علمی رئداکتور و اؤن سؤزو یازان: ح. م. گونئیلی

68- آیدین- آیگون «عاشیق صنعتی اؤزره رومانتیک درسلیک». یازان علی فرضی زاده «سئل اوْغلو» چاپ ایلی: ۱۳۸۶ علمی رئداکتور و اؤن سؤزو یازان: ح. م. گونئیلی.

69- تیلیم خان دیوانی. توْپلایان: اسدا... امیری. چاپ ایلی: ۱۳۸۶ علمی رئداکتور و اؤن سؤزو یازان: ح. م. گونئیلی.

70- یادنامة تیلیم خان. توْپلایان: اسدا... امیری. چاپ ایلی: ۱۳۸۶ علمی رئداکتور و اؤن سؤزو هابئله متنین بیر حیصه سینی یازان: ح. م. گونئیلی.

71- ناغیل نباتی(1). توپلایان علی اکبر منظوری خامنه. دوزَلیشچی: ح. م. گونئیلی. چاپ ایلی: ۱۳۸۷

72- ناغیل نباتی(2). توپلایان علی اکبر منظوری خامنه. دوزَلیشچی: ح. م. گونئیلی. چاپ ایلی: ۱۳۸۸

73- قورآن- کریمین تۆرکجه‌ ترجومه سی. کؤچورن: عبدالکریم و علی اکبر منظوری خامنه. چاپ ایلی ۱۳۸۶ رئداکتور: ح. م. گونئیلی

74- آغلامالی گولمه جه لر: یازان- توپلایان: صمد مرادی. علمی رئداکتور و اؤن سؤز یازان: ح. م. گونئیلی. چاپ ایلی: ۱۳۸۷.

75- خامنه سرزمین گلها و شکوفه های بادام. نویسنده علی زاهدی پور خامنه. ویراستار و نویسندة مقدمه: حسین. م. گونئیلی. سال چاپ: ۱۳۸۷.

76- اونسوز دا ابدی یم کیتابیندان سئچیلمیش شعرلر. یازان: خلیل رضا(اولو تورک). کؤچورن: حجت هارای. دوزَلیشچی: ح. م. گونئیلی. چاپ ایلی: ۱۳۸۷.

77- قارا میل. بۇ اثر ساوه نین مرغئی کندیندن اوْلان شاعیر علی سیفی نین یازدیغی شعر توپلوسودور. علمی رئداکتور و اؤن سؤزو یازان: ح. م. گونئیلی.

78- اونودولماز گونلر یا موغان سفری: یازان صمد مرادی - علمی رئداکتور و اؤن سؤزو یازان: ح. م. گونئیلی

79- ائل گؤروشو. شاعیر درویش بهروان ایناللی نین یاراتدیغی ایجتیماعی حئکایه. علمی رئداکتور: ح. م. گونئیلی. نشر انتشارات پینار.

80- دادا. ابوالقاسم حبیبی نین شعر توپلوسو. علمی رئداکتور: ح. م. گونئیلی

81- گونئیده پارلایان اوْلدوزلاردان، پروفئسور محمد مبارز علیزاده نین یاشاییش و یارادیجیلیغی باره ده. یازان علی اکبر منظوری خامنه. علمی رئداکتور: ح. م. گونئیلی.

چاپا حاضیرلانمیش اثرلر دَییشدیر

بو کیتابلارین دا چوخو چاپ و نشر ائدیلمیش، بعضیلری ایسه چاپ و نشر اجازه سی الده ائتدیکدن سوْنرا چاپ ائدیله جکلر):

82- کؤنول شراره سی «شعر توپلوسو» یازان: محمد کئشکلانی «دوزَلیشچی و چاپا حاضیرلایان: ح. م. گونئیلی».

83- قرآن و امّت. (قرآندا میلّی مسئله لر), یازان: پروفئسور زهتابی - ویراستار, اؤن سؤزو و اتک یازیلاری یازان, عالیمین بیوقرافیاسینی فارسجایا ترجومه ائدن: ح. م. گونئیلی. (بو اثر فارسجادیر).

84- سارا و محمد اویون اثری و ملیک ممّد یا روبابه خالانین ناغیلی. یازان دوکتور محمد تقی زهتابی - ترتیب و تنظیم ائدن و ایملاء دوزلیشچیسی ح. م. گونئیلی.

85- وطنده ده غربت حیسّی. «شعر توپلوسو» یازان: پروفئسور زهتابی - ترتیب و تنظیم ائدن, آچیقلامالاری یازان و ایملا دوزلیشچیسی ح. م. گونئیلی

86- پروفئسور زهتابی نین عائیله وی شعرلری. «شعر توپلوسو» یازان: پروفئسور زهتابی - ترتیب و تنظیم ائدن, آچیقلامالاری یازان و ایملا دوزلیشچیسی ح. م. گونئیلی.

87- وطن اونودولمور. «شعر توپلوسو» یازان: پروفئسور زهتابی - ترتیب و تنظیم ائدن, آچیقلامالاری یازان و ایملا دوزلیشچیسی ح. م. گونئیلی.

88- پروفئسور زهتابی نین تنقیدی شعرلری. «شعر توپلوسو» یازان: پروفئسور زهتابی - ترتیب و تنظیم ائدن, آچیقلامالاری یازان و ایملا دوزلیشچیسی ح. م. گونئیلی.

89- پروفئسور محمد تقی زهتابی نین توپلادیغی شعر توپلولاری(۶- جیلدده), ترتیب و تنظیم ائدن, ایملا دوزلیشچیسی ح. م. گونئیلی.

90- تئلیم خان دیوانی نین تنقیدی متنی. (تئلیم خان زندیّه و قارجار دؤورونون اوّللرینده, ساوه شهری نین «مرغئی» کندینده یاشامیش, لیریک شعرلر و تایسیز تجنیس شعرلرین اوستادی اوْلموش). شاعیرین دیوانینی توپلایان علی کمالی, تنقیدی متنینی حاضیرلایان ح. م. گونئیلی.

91- اکبرخان رزّاقی نین ۵ جیلدلیک دیوانینا سؤزلوک حاضیرلاما ایشی. (چاغداش شاعیر اکبرخان رزّاقی ساوه شهرینین میصیرقان کندینده یاشامیش, آرتیق ساتیریک شعرلر اوستاسی اوْلموش, هیجری شمسی ۱۳۷۰- ایلده دوغوم یئرینده و تخمیناً ۷۰ یاشیندا دونیاسینی دَییشمیشدیر. او, تۆرکجه‌ شعرلرینده چوخلو عرب و فارس سؤزلری ایشلتمیشدیر). شاعیرین دیوانینی توپلایان علی کمالی, بۇ ۵ جیلدلیک دیوانا تخمیناً حجیم بیر سؤزلوک حاضیرلایان ح. م. گونئیلی اوْلموشدور.

92- آتالار- آنالار سؤزلری خامنه آغزیندا. توپلایان: علی زاهدیپور خامنه. «دوزَلیشجی و چاپا حاضیرلایان: ح. م. گونئیلی».

93- شانجان کندی نین مونوقرافیاسی. یازان: عبدالعلی مجازی(اسلان). چاپ ایلی ۱۳۸۶ علمی رئداکتور و اؤن سؤزو یازان: ح. م. گونئیلی.

94- محبت ماهنیسی ۳- جیلدده. شعرلری قوشان: عباسقلی دهقان. دوزَلیشچی و اؤن سؤز یازان: ح. م. گونئیلی. چاپ ایلی ۱۳۸۷.

95- مش غضنفر داده چات: یازان: صمد مرادی. علمی رئداکتور و اؤن سؤز یازان: ح. م. گونئیلی.

96- من دونیالیق یارانمیشام: یازان: علی محبی(تایماز). رئداکتور و لاتین الیفباسینا کؤچورن: ح. م. گونئیلی. چاپ ایلی: ۱۳۸۷

97- بینیسلی ممّدین مذهبی شعرلری. : یازان: محمد کئشکلانی(بینیسلی ممد). علمی رئداکتور و اؤن سؤز یازان: ح. م. گونئیلی.

98- شاعیر اورَییم. اثر موغانین پارس آباد شهرینده یاشایان شاعیر بختیار علیمرادی نین شعر توپلوسودور. علمی رئداکتور و اؤن سؤزو یازان: ح. م. گونئیلی.

99- عؤمرومون آغاجیندان بیر یارپاق. بۇ اثر ده موغانین پارس آباد شهرینده یاشایان شاعیر بختیار علیمرادی نین یاراتدیغی حئکایه دیر. علمی رئداکتور و اؤن سؤزونو یازان: ح. م. گونئیلی.

100- تلَسیک هارا گئدیرسن؟ شبستر شهرینده یاشایان شاعیر داور زمانخانی(دؤنمزین) شعر توپلوسودور. علمی رئداکتور و اؤن سؤزو یازان: ح. م. گونئیلی

101- یاواش یئری، چوخ یئری! شبستر شهرینده یاشایان شاعیر داور زمانخانی(دؤنمزین) شعر توپلوسودور. علمی رئداکتورو و اؤن سؤزونو یازان: ح. م. گونئیلی.

102 - کربلا: یازان رحمان مهرزاد"قاینار"ین مذهبی شعرلری. علمی رئداکتور و اؤن سؤزو یازان: ح. م. گونئیلی.

103- آذربایجان: (شعر توپلوسو) یازان: رحمان مهرزاد. علمی رئداکتور و اؤن سؤزو یازان: ح. م. گونئیلی

104- گلشن شعر و ادب. فرج ا... شاهی نین فارسجا شعری توپلوسو. علمی رئداکتور و اؤن سؤزو یازان: ح. م. گونئیلی.

105- بیزیم یوردوموز. برجعلی شفیع زاده نین تۆرکجه‌ شعرلری توپلوسو. علمی رئداکتور: ح. م. گونئیلی.

106- دورنا قانادیندان دوشن للَکلر(شعر توپلوسو). یازان یوسفعلی گلدسته«قوجا». علمی رئداکتور و اؤن سؤزو یازان: ح. م. گونئیلی

107- چیچکلی آغاج. تقی ابراهیم خانی نین شعر توپلوسو. علمی رئداکتور و اؤن سؤزو یازان: ح. م. گونئیلی.

علی کمالی ایله ایش‌بیرلیگی دَییشدیر

هـ- رحمتلیک دوکتور علی کمالی نین اوْرتا ایران تورکلری قایناقلاریندان توپلادیغی (اورتا ایران تورکلری روایتلری اساسیندا) چوخلو فولکلوریک ال یازمالار و سس لئنتلریندن, سایین دوکتور گونئیلی آشاغیدا عونوانلاری وئریلن داستانلارین ال یازمالاری و سس لئنتلرینی آییریب, کؤچوروب, یئنیدن یازیب, تنظیم و ترتیب ائدیب چاپا حاضیرلاییبدیر :

108- کوْراوغلو.

109 - محمود ایله نیگار.

110- عاشیق غریب- شاه صنم.

111 معصوم – افروز.

112- خان عسکر- محبوب.

113- شاه اسماعیل.

114- عابباس- گولگز.

115- کلبی- حوری زاد.

116- همراه- سروناز- ساناز.

117- طاهیر میرزه- زؤهره.

118- محمد- پری.

119- اصلی- کرم.

120- بهرام- گول اندام.

121- صئیدی- پری.

122- صیّاد- سادات.

123- فرهاد- گولشاد.

124- فرشاد- گولشاد.

125- قوربانی – پری.

126- نجف- ماه جمال.

127- ورقا – گولشن.[۱]

قایناقلار دَییشدیر