حمید باکری
حميد باكری ـ (تلفظ: Həmid Bakeri دوغوم: 1334 نجو ایل، اورمو) ایران عراق ساواشی شهیدلریندن، علی باکری و مهدی باکرینین قارداشی.
یاشاییشی
دَییشدیرشهيد حميد باكری، 1333- نجو گونش ايلينده، اورميه شهرينده دونيايا گؤز آچدی. حميدين ياشاييشی نيسگيل‌له باشلانير، چون 2 ياشی اولار ـ اولماز آناسينی بير تصادف حادثه‌سينده الدن وئرير و عاييله‌سی ايله بيرليكده عمه‌سی ايله ياشاماغا گئدیر و دئمك اولار عمه‌سی اونا آنالیق ائدیر.
مدرسه ده اولدوغو زامان بؤيوك قارداشينی ساواك شهيد ائتدیر و بو اوزدن آتاسی اونون سياسی چاليشمالارينی آزالدیر. اورتا تحصيلاتينی بيتيرندن سونرا سرباز گئدیر و سربازليغی قورتاراندان سونرا، قارداشی مهدی و بير آيری دوستونون يارديمی ايله بيليم يوردونا (دانشگاها) يول تاپیر. بيليم يوردوندا اينقلابی و مذهبی چاليشمالارينی آرتيریر و سونرالار اينانج‌لارينی گوجلنديرمك اۆچون و ايراندا اولان سيخينتي‌لارا گؤره اؤلكه‌دن چيخماق قرارينا گلیر، اؤنجه توركيه‌يه گئدیر و اورانين دورمونو گؤردويونده، آلمان دا اولان دايی‌اوغلوسويلا يازيشمايا (مكاتبه‌يه) باشلاییر و سونوندا آخئن شهرينده يئرلشیر، نئچه واختدان سونرا روح‌الله خمينی‌نين (ره) پاريس شهرينه سورگون (تبعيد) اولدوغونو بيلدييينده، خمینی‌نین سؤزلرينی واسيطه‌سيز ائشيتمهك ایسته‌ییر. او آزجادان سونرا اسلحه داشيماغی باشلاییر و اسلحه‌لری ايران و توركيه سينيرينا كيمی گتيريب اوردان اوتايانيدا مهدی قارداشينا تاپشيرير.
حميد، ايسلام انقلابي‌نين گئرچکلشدیرمه‌سی اۆچون ايرانا گلیر و خالقين تظاهراتلارينا قاتيشیر و سونوندا انقلاب اولور، انقلابدان سونرا حميد اورميه‌نين سپاه پاسدارانينا عضو اولور. نئچه واختدان سونرا ايمامين بويوردوغويلا بسيج تشكيل تاپیر و حميد اوستان بسيجي‌نين مسئولو اولور و خانيمي دا خانيملار بسيجي‌نين مسئولو سئچيلیر.
اورميه ياواش - ياواش اينقلابدان قاباق دورومونو اونودوب انقلاب رنگينه قاتيشیر... جمعه نامازلاري‌نين بيرينده آيت الله خامنه‌ای سنندجی ضد انقلاب و دئموكراتلارين اليندن آلينماسينا امر ائدیر و حميد بونا گؤره اؤزو ايله 150 نفر سپاه عضولریندن سنندجه آپاریر و سونوندا سنندج و حتتا سویوق بولاق دوشمن اليندن آزاد اولور. اوندان سونرا حميد جهاد كميته‌سي‌نين مسئولو سئچیلیر و حميد جبهه داليندا و جبهه ده فعاليت ائدير. 1360 - نجی ايلينده حميد آتا اولور و اوغلونون آدين‌ی «احسان» قويور و سونرا عاييله‌سينی‌ده اؤزويله بيرليكده اهوازا آپاریر. اورادا عمليات‌لار باشلانير و حميد چوخوندا حاضیر اولور: فتح‌المبين، بيت‌المقدس، رمضان، مقدماتی والفجر، دؤردونجو والفجر و ...آما حميدين سون عملياتی خئیبر ايدی. قارداشی مهدی، اونا تئلفون ائديب و جبهه‌يه گلمه‌سينه امر ائدر، اودا عاييله‌سيله ساغوللاشيب اورا گئدر، مهدی اؤز معاون‌لرين تانيتديرار، بيرينجی‌سی حميد باكری و ايكينجی‌سی مرتضی ياغچيان و بو عملياتدا حميد مجنون آداسينين كؤرپوسونو قورويان زامان عراقلي‌لارين الي‌ایله شهيد اولار و ياغچيان اونون يئرينه كئچر، آما نئچه واختدان سونرا ياغچيان دا شهيد اولار، اما مجنون آداسی ساخلانيلار.
قایناقلار
دَییشدیر- شهید سردار حمید باکری Archived 2015-08-19 at the Wayback Machine.