خندک‌باجی(اویون)
خندک‌باجی - آذربایجاندا ان چوخ یازقاباغی (بایرام قاباغی) گونلرده، ائلجه ده دیگر فصیللرده اساساً اوشاق و گنجلر آراسیندا گئنیش شکیلده اوینانیلان قدیم اویونلاردان بیری.
اویونون قورولوشو
دَییشدیراوّلجه بئش-اون آرشین (متر) اوزونلوغوندا بیر-بیریندن بیر-ایکی آرشین (متر) آرالی دوز خطلر چکیلیر و خطلرین آراسی خندک آدلاندیریلیر.
اویونو کئچیرمک اۆچون ساناما اوصولو ایله باشچی سئچیرلر. باشچی اوشاقلاری سیرایا دوزور و اوشاقلارا ساغدان سولا بیر-بیر الینی وورا-وورا دئییر:
نه سنده‌دیر، نه منده
حالوا چؤرک تندیرده
آنام دئدی: قال بوندا
"بوندا" سؤزونون "دا" حیصه‌سی کیمده قورتاریرسا، او دا خندگه دوشمه‌لی اولور. اویونون شرطینه گؤره، بئش-اون آرشین (متر) اوزونلوغوندا خندگین ایچی ایله خندک‌باجی او یان-بو یانا قاچیر. قالان اوشاقلار ایسه خندگین کناری ایله حرکت ائدیر، ایمکان دوشن کیمی خندکدن چیخماغا چالیشان خندک‌باجینی یئنه ده اؤز یئرینه ایتله‌ییب سالیرلار. خندک‌باجی دا اؤز نؤوبه‌سینده سعی گؤستریر کی، اونون آردینجا حرکت ائدنلردن بیرینی توتوب خندگه سالسین.
ایستگی باش توتاندا خندگه سالینان آداملا خندک‌باجی یئرینی دَییشیر و اویون بو مینواللا داوام ائدیر. .