دده قورقود کیتابی (گونئیلی)

دده قورقود کیتابی ـ دده قورقودا منصوب، حسین محمدخانی (گونئیلی) تصحیحی ایله ایراندا یاییملانان اثر.

تانیتدیرما

بو اثر اوچ بؤلومدن عیبارتدیر:

الف- دده قورقود کیتابی نین متنی. مؤلّیف دده قورقود کیتابی نی درئسدئن نوسخه سینین اوزوندن بو گونکو ایملا قایدالاریمیزلا یئنیدن یازاراق, بو گونه قدر دده-قورقودشوناسلارین دقیق اوْخویابیلمه دیگی چوخلو سؤزلری اوْخویابیلیب, آذربایجان جومهوریتینده, تورکیه ده و ایراندا بو گونه قدر چاپ ائدیلن دده قورقود متنلری ایله اوْنو توتوشدوروب, عالیملر طرفیندن چئشیتلی شکیللرله اوْخونموش کلمه لر اوزه دایانمیش و عالیملرین هر بیری نین او کلمه نی نئجه و نه اوْخودوغونو اتک یازیلاردا گؤسترمیش, اثری تانیتدیرماق مقصدیله اوْنا اؤن سؤزو ده یازیب چاپ ائتدیریبدیر.

- اثرین ایکینجی بؤلومو اوْخوجولارا چتین آنلاشیلان و بعضاً آنلاشیلماز اولان سؤزلر و اوْنلارین آنلامی دیر؛ تخمیناً ۳۵۰۰ سؤزجویو ائحتیوا ائدن بو سؤزلوک متنین آردیندا یئرلشیبدیر.

- آدلار بؤلومو. بو بؤلومده بوْیلاردا گئدن یئر آدلاری, شخص آدلاری, آت آدلاری, ائل آدلاری و ساییره نین هر بیری باره ده بیلگی لر و آچیقلامالار وئریلیر) چاپ ایلی:۱۳۷۹.