دومانلی تبریز (رومان)

دومانلی تبریز (وئرلیش) ایله قارؽشدؽرؽلمامالؽدؽر.

دومانلی تبریز محمد سعید اوردوبادینین تورکجهده یازیلمیش سئوگی-تاریخی رومانی. ادیب دومانلی تبریز اثری ایله آذربایجاندا تاریخی رومان ژانری‌نین ایلک گؤزل نومونه‌سینی یاراتمیشدیر.

دومانلی تبریز (رومان)
یازار	محمد سعید اوردوبادی
ژانر	رومان
اورژینال دیلی	تورکجه
اؤلکه	آذربایجان جمهوریتی

موضوع

ایگیرمینجی دؤنمین ایلک اینقیلابلار دؤورونون منظره‌سینی مؤلف محض بو اثرینده جانلاندیرمیشدیر. اوردوبادی‌نین آذربایجان‌داکی اینقیلابی تصویر ائدن دومانلی تبریز رومانی ستارخان و باقیرخانین قهرمانلیغیندان، عئینی زاماندا آذربایجان اینقیلابچیلاری‌نین اؤز اؤلکه‌لرینی ایران مورتجعلری و خاریجی ایمپئریالیستلری‌نین ظولموندن قورتارماق اۆچون آپاردیقلاری موباریزه گؤره دانیشیر.

اثرین اساس قونوسو مشروطه حرکاتیدیر. مشروطه حرکاتی 20-جی یوزایلده باش وئرمیش اؤزگورلوک و دموکراتیک اینقیلابلار اۆچون ایلک جیغیر آچمیشدی. بو معنادا مشروطه حرکاتینی یاخین و اورتاشرق اؤلکه‌لرینده کئچن یوزایللیک‌دکی میلّی و دموکراتیک حرکاتلارین "پیونئری" آدلاندیرماق اولار. 1905-1911-جی ایللرده باش وئرمیش مشروطه حرکاتی‌نین مقصد و مرامی یولوندا جانلارینی قوربان وئرنلرین سایی چوخدور. اصلینده بو حرکاتا پاک ویجدانلا قوشولانلار، اونو اوغورلو غلبه‌یه چاتدیرماق ایسته‌یَنلرین هامیسی قهرماندیر، تاریخیمیزده و یادداشیمیزدا همیشه یاشار اینسان‌لاردیر.

رومانین اوبرازلار گالریاسی الوان و زنگیندیر: میلّی آزادلیق حرکاتی‌نین رهبرلری ستارخان و باقیرخان، امیر حشمت نیساری، حاجی‌علی داوافروش، موجاهیدلر توتونچووغلو، حسن آقا، جاواد آقا، ماراقلی جیزگی‌لری ایله سئچیلن آذربایجانلی قادینلار ماهرو خانیم، نابات، تهمینه خانیم، زینب، روسیه و آمریکا سفیرلیکلری‌نین امکداشلاری نینا و هاننا، ایناندیریجی و یادداقالان خوصوصیت‌لری ایله وئریلمیش حاجی صمدخان، سردار رشید، شومشاد خانیم، مشهدی کاظیم آقا، روس ظابطی سمیرنوو، شیخ ابدولزل و ب. اوبرازلار بیتکین‌دیر و مؤلف اونلاری یالنیز آیری-آیری ائپیزودلارین ایشتیراکچی‌سینا چئویرمکله کیفایتلنمه‌یه‌رک طالعلرینی آخیرا قدر ایزله‌ییر. قدیم آذربایجان شهری تبریز اثرده بوتون چالارلاری، کولوریتی ایله، داخیلی حیاتی و اولوسلارآراسی عالمده یئری ایله گؤرونور.

بیرده باخ

• دومانلی تبریز (وئرلیش)