ذاکر حسنوف

ذاکر عسگر اوغلو حسنوف (6 ژوئن 1959، آستارا رایونو) — آذربایجان سیلاحلی قووّه‌لری نین ژنرال-پولکوونیکی. آذربایجان جومهوریتی نین مودافیعه  ناظیری (2013-جو ایلدن).

ذاکر حسنوف
آذربایجان جومهوریتی مودافیعه ناظیری
موتَصدی
ایشه باشلادی 22 اوکتوبر 2013
رییس‌جومهور	ایلهام علیئو
قاباقکی	صفر آبی‌یئو
داخیلی ایشلر ناظیری‌نین موعاوینی
ایشده 17 ژانویه 2003 – 22 اوکتوبر 2013
رییس‌جومهور	ایلهام علیئو
شخصی بیلگیلر
دوغوم	ذاکر عسگراوغلو حسنوف ۶ ژوئن ۱۹۵۹ ‏(۶۴ یاش) آستارا رایونو
میلیت	آذربایجانلی
صنعتی	سیاستچی
نیظامی خیدمت
باغلانتی‌سی	شوروی آذربایجان جومهوریتی
بوداق/خیدمت	Soviet Army ارتش آذربایجان جومهوریتی
Years of service	1990–ایلیندن
درجه	ژنرال پولکونیک
موباریزه‌لر/ساواشلار	قاراباغ ساواشی

یاشاییشی و تحصیلی

ذاکر حسنوف 6 ژوئن 1959-جو ایلده آستارا رایونوندا آنادان اولموشدور. 

1976-جی ایلده جمشید ناخچیوانسکی آدینا ایبتیدایی حربی مکتبی بیتیریب. 

  1980-جی ایلده باکی عالی عوموم‌قوشون کوماندیرلر مکتبینی بیتیریب. 

1986–1987-جی ایللرده شوروی سیلاحلی قووّه لری نین باش قرارگاهی نین آکادمیک ایداره ائتمه کورس‌لارینی بیتیریب. 

  آلمان، اینگیلیس، روس و تورک دیل‌لرینده سربست دانیشا بیلیر. 

فعالیتی

1980–1985-جی ایل‌لرده آلماندا یئرلشن شوروی اوردوسو سیرالاریندا خیدمت ائتمیشدیر. 

1985–1993-جو ایللرده شوروی مودافیعه ناظیرلیگی نین سیبیری حربی دایره‌سی نین آلتای حربی کومیسسارلیغیندا چالیشمیشدیر. 

1993–2003-جو ایل‌لرده آذربایجان جومهوریتی میلّی تهلوکه‌سیزلیک ناظیرلیگی‌نین سرحد قوشون‌لاری باش ایداره‌سینده خیدمت ائتمیش، داها سونرا دؤولت سرحد خیدمتی‌نین بین الخالق علاقه‌لر ایداره سی‌نین رئیسی وظیفه‌سینه ایره لی چکیلمیشدیر. 

2003–2013-جو ایل‌لرده آذربایجان جومهوریتی داخیلی ایشلر ناظیری‌نین موعاوینی — داخیلی قوشون‌لارین کوماندانی وظیفه‌سینده چالیشمیشدیر. 

عالی حربی روتبه‌لری

  ژنرال-مایور (آذربایجان جومهوریتی پرزیدنتی نین 17 مه 2003-جو ایل تاریخلی 869 نؤمره لی فرمانی ایله). 

  ژنرال-لئیتِنانت (آذربایجان جومهوریتی پرزیدنتی نین 6 مه 2005-جی ایل تاریخلی 802 نؤمره لی سرانجامی ایله). 

  ژنرال-پولکوونیک (22 اوکتوبر 2013-جو ایلده آذربایجان جومهوریتی نین مودافیعه  ناظیری تعیین ائدیلمیش و ژنرال-پولکوونیک روتبه‌سی وئریلمیشدیر). 

عاییله‌سی

  عاییله‌لی‌دیر، 3 اؤولادی وار. 

تلطیف‌لری

 " سرحدده فرقلنمه‌یه گؤره" مدالی - (15 دسامبر 1980-جی ایل)

" حربی خیدمت‌لره گؤره " مدالی - (16 آقوست 2002-جی ایل)  

" آذربایجان بایراغی "  اوردِنی - (30 ژوئن 2004-جو ایل) 

 " وطن اوغروندا "  مدالی  (11 مارس 2008-جی ایل) 

 " آذربایجان بایراغی "  اوردِنی (19 آوریل 2016-جی ایل) 

" شؤهرت "  اوردِنی (5 ژوئن 2019-جو ایل) — آذربایجان جومهوریتی سیلاحلی قووّه‌لری نین دؤیوش قابیلیتی‌نین آرتیریلماسیندا خیدمت‌لرینه گؤره.