ایلهام علیئو
ایلهام حیدر اوْغلو علیئو (د. ۲۴ دسامبر ۱۹۶۱، باکی، آذربایجان شوروی سوسیالیست جومهوریتی، شوروی) — آذربایجانلی بیر سیاستچی دیر کی ۲۰۰۳-جی ایلدن آذربایجان جومهوریتینین جومهورباشقانی دیر.
| ایلهام علیئو | |
|---|---|
 | |
| آذربایجان جومهوریتینین ۴-جی جومهور باشقانی | |
|
ایشله‌دیگی‌ایللر ۳۱ اوکتوبر ۲۰۰۳ – گۆنوموز | |
| رئیس‌جومهورون موعاوینی | مهربان علیوا |
| قاباقجا | حیدر علیئو |
| شخصی بیلگی‌لر | |
| دوغوم |
ایلهام حیدر اوْغلو علیئو ۲۴ دسامبر ۱۹۶۱ (۵۹ یاش) باکی، آذربایجان شوروی سوسیالیست جومهوریتی |
| وطن‌داشلیق |
 آذربایجان جومهوریتی |
| میللیت | آذربایجانلی |
| حیات‌یولداشی | مهربان علیوا |
| اوشاقلار | لیلا، آرزو و حیدر |
| آلما ماتر | موسکو دؤولت بین‌الخلق موناسیبتلر اینستیتوتو |
| ایش | سیاستچی |
حیاتیدَییشدیر
ایلهام علیئو ۱۹۶۱-جی ایل دسامبرین ۲۴-ده باکی[۱] شهرین‌ده آنادان اولموش‌دور. ۱۹۶۷–۱۹۷۷-جی ایللرده باکی شهرین‌دکی ۶ سای‌لی اورتا مکتب‌ده تحصیل آلمیش‌دیر. ۱۹۷۷-جی ایلده موسکو دؤولت بین‌الخلق موناسیبتلر اینستیتوتونا (MDBMİ) داخیل اولموش‌دور.
MDBMİ-نی بیتیردیک‌دن سوْنرا اینستیتوتون آسپیرانتوراسینا قبول ائدیلمیش، ۱۹۸۵-جی ایلده دیسسئرتاسییا مۆدافیعه ائدرک تاریخ علملری نامیزدی علمی درجه‌سی آلمیش‌دیر.
۱۹۸۵–۱۹۹۰-جی ایللرده موسکو دؤولت بین‌الخلق موناسیبتلر اینستیتوتون‌دا معلم ایشلمیش‌دیر.
۱۹۹۱–۱۹۹۴-جو ایللرده اؤزل بیزنئز ساحه‌سین‌ده چالیشمیش‌دیر. بیر سیرا ایستحصال-کوممئرسییا موسیسه‌لرینه رهبرلیک ائتمیش‌دیر.
۱۹۹۴-جو ایلدن ۲۰۰۳-جو ایلین آوقوست آیینادک آذربایجان جومهوریتی دؤولت نفت شیرکتینین ویتسئ-پرزیدنتی-ی، بیرینجی ویتسئ-پرزیدنتی اولموش‌دور. حیدر علیئوین نفت ایستراتئگییاسینین حیاتا کئچیریلمه‌سین‌ده فعال ایشتیراک ائتمیش‌دیر.
سووئرئن آذربایجانین نفت سیاستینین گئوسییاسی آسپئکتلرینه دایر بیر سیرا تدقیقات ایشلرینین مؤلفی‌دیر. سیاسی علملر دوکتورودور.
۱۹۹۵-جی و ۲۰۰۰-جی ایللرده آذربایجان جومهوریتی میلی مجلیسینه دئپوتات سئچیلمیش‌دیر. ۲۰۰۳-جو ایلده آذربایجان جومهوریتینین باش ناظیری وظیفه‌سینه تعیین ائدیلمه‌سی ایله علاقه‌دار اولاراق دئپوتات صلاحیتلرینه خیتام وئرمیش‌دیر.
۱۹۹۷-جی ایلدن آذربایجان میلّی اولیمپییا کومیته‌سینین پرزیدنتی‌دیر. ایدمانین و اولیمپییا حرکاتینین اینکیشافین‌دا بؤیوک خیدمتلرینه گؤره بین‌الخلق اولیمپییا کومیته‌سینین آلی اوردئنی ایله تلطیف ائدیلمیش‌دیر.
۱۹۹۹-جو ایلده یئنی آذربایجان پارتییاسی صدرینین موعاوینی، ۲۰۰۱-جی ایلده صدرین بیرینجی موعاوینی، ۲۰۰۵-جی ایلده ایسه پارتییانین صدری سئچیلمیش‌دیر.
۲۰۰۱–۲۰۰۳-جو ایللرده آوروپا شوراسیمجلیس آسسامبلئیاسیندا (آشپا) آذربایجان جومهوریتی میلی مجلیسینین نماینده هئیأتینین رهبری اولموش‌دور.
۲۰۰۳-جو ایلین ژانویه‌سینده آوروپا شوراسیمجلیس آسسامبلئیاسی صدرینین موعاوینی، آشپا-نین بورو عضوو سئچیلمیش‌دیر.
۲۰۰۴-جو ایلین آوریلین‌ده آشپا-نین فعالیتین‌ده فعال ایشتیراکینا و آوروپا ایده‌آللارینا صداقتینه گؤره آشپا-نین فخری عضوو دیپلومو و آشپا مئدالی ایله تلطیف ائدیلمیش‌دیر.
۲۰۰۳-جو ایل آوقوستون ۴-ده میلی مجلیس طرفین‌دن تصدیق ائدیلدیک‌دن سوْنرا آذربایجان جومهوریتینین باش ناظری تعیین ائدیلمیش‌دیر.
۲۰۰۳-جو ایل ۱۵ اوْکتوبردا آذربایجان رئپوبلیکاسینین پرزیدنتی سئچیلمیش‌دیر. پرزیدنت سئچکیلرین‌ده سئچیجیلرین ۷۶٪-دن چوخو ایلهام علیئوین لئهینه سس وئرمیش‌دیر. ۲۰۰۳-جو ایل اوْکتوبرین ۳۱-ده وظیفه‌سینین ایجراسینا باشلامیش‌دیر.
۲۰۰۸-جی ایلده یئنی‌دن پرزیدنت سئچیلمیش‌دیر و حاضردا پرزیدنت وظیفه‌سینی ایجرا ائدیر.
«تایمز» ژورنالی ایلهام علیئوی ۲۰۱۲-جی ایلده نفوذلو اولاجاق ۱۰۰ شخص سیاهی‌سینا داخیل ائدیلیب.[۲]
روس، اینگیلیس، فرانسیز و تورک دیللرینی سربست بیلیر.
عائله‌لی‌دیر. اوچ اؤولادی، اوچ نوه‌سی واردیر.
فخری دوکتورو اولدوغو اونیوئرسیته‌لردَییشدیر
آذربایجان جومهوریتی باکی دؤولت اونیوئرسیته‌سینین فخری دوکتورو؛
آمریکا بیرلشمیش ایالتلری لینکولن اونیوئرسیته‌سینین فخری دوکتورو؛
روسیه موسکو دؤولت بین‌الخلق موناسیبتلر اونیوئرسیته‌سینین فخری دوکتورو؛
قازاخیستان L.N.Qumilyov – آوراسییا میلی اونیوئرسیته‌سینین پروفئسورو؛
تورکیه بیلکنت اونیوئرسیته‌سینین فخری دوکتورو؛
اوکراین وئرگیلر اوزره میلی آکادئمییانین فخری دوکتورو؛
رومانی پلوئستی نفت و گاز اونیوئرسیته‌سینین فخری دوکتورو؛
بولغاریستان میلی و دونیا ایقتیصادیاتی اونیوئرسیته‌سینین فخری پروفئسورو؛
جنوبی کوره کیونگ هئ اونیوئرسیته‌سینین فخری دوکتورو؛
مجاریستان کوروینوس اونیوئرسیته‌سینین ایجتیماعی علملر اوزره فخری دوکتورو؛- روسیه M.V.Lomonosov آدینا موسکو دؤولت اونیوئرسیته‌سینین فخری پروفئسورو؛
- اوکراین تاراس شئوچئنکو آدینا کیئو میلی اونیوئرسیته‌سینین فخری دوکتورو؛
تورکمنیستان مخدوم‌قولو آدینا تورکمنیستان دؤولت اونیوئرسیته‌سینین فخری پروفئسورو؛
بلاروس بئلاروس دؤولت اونیوئرسیته‌سینین فخری پروفئسورو.[۳]
فخری وطنداش‌لیغیدَییشدیر
- روسیه هشترخان شهرینین فخری وطنداشی.[۴]
خاریجی کئچیدلردَییشدیر
- آذربایجان جومهوریتی پرزیدنتینین رسمی سایتی
- آذربایجان پرزیدنتینین رسمی یوتیوب ویدئوکانالی
- ایلهام‌لا ایره‌لی Archived 2009-05-01 at the Wayback Machine.
- ایلهام علیئو[اولو باغلانتی]
- آذربایجان پرزیدنتلری Archived 2016-03-11 at the Wayback Machine.
- آذربایجان جومهوریتینین پرزیدنتی ایلهام علیئوین نیطقلری، چیخیشلاری، موصاحیبه‌لری، بیاناتلاری Archived 2012-02-25 at the Wayback Machine.
- ایلهام علیئو و آذربایجانین نفت دیپلوماتییاسی Archived 2011-10-09 at the Wayback Machine.
- ایلهام علیئوین خاریجی سیاست فعالیتی. الکترون نشر
