رحیم شهریاری
رحیم شهریاری — ایران آذربایجانی‌ندان اوْلان مشهور موغنّی و آراز موسیقی قوروپونون قوروجوسودور. موختلیف موسیقی اوسلوبلارینی تقلید ائدیب اوخویان رحیم شهریاری پوپ و موغام ریتملرينی بير یئرده ده ايفا ائدیر.
رحیم شهریاری | |
|---|---|
 | |
| عومومی معلوماتلار | |
| دوْغوم | ۱۳۴۹ تبریز |
| کؤک |  ایران |
| ژانرلار | پاپ |
| پئشه(لر) | مۆغننی |
| ساز(لار) | قارمان |
| وب‌سایت | arazrahim |
یاشامی
دَییشدیررحیم شهریاری ۱۳۴۹-جی هیجری گۆنشلی ايلده تبریزین شام‌غازان محله‌سینده آنادان اوْلمۇشدۇر.[۱] اوشاقلیق چاغلاریندان آذربایجانجا ماهنی‌لاری و تیرینگه‌لری اوخوماقلا اؤز ماراغینی موسیقی‌یه گؤرستدی. او یوسف عظیم‌زاده یانیندا قارمان سازینی اؤیرندی و آذربایجان جمهوریتی اوستادلاریندان دا چوخ فایدالاندی. او ۱۳۶۸–جی ایلدن اعتباراً، سهند (رشید وطن‌دوست رهبرلیگی‌ایله) و هلال احمر تبریز، دانشگاه آزاد کیمی موختلیف ارکستر گروپلاریلا امکداشلیق ائتمیش دیر. او ۱۳۷۵–جی ایلده آراز قوروپونو قورماقلا، اؤلکه ایچینده و خاریجینده بیر چوخ کنسرتلر وئریب‌دیر. اونون چالیشمالاریندان گلمه‌دین، یالان دونیا، هایدی سؤیله، ریحان، آرزو قیزیم، بیاض گئجه‌لر، ایپک، سن‌سیز، وفاسیز، آغلاما، عصرین گؤزه‌لی۸۲، خبرین یوخدور، گئتمه قال۸۴، گؤزل‌لرین گؤزه‌لی۸۶، کیم بیلیر۸۸، یاواش یئری۹۰ و سنه گؤره۹۲ آلبوملارینی سایماق اوْلار.[۱]
ماهنی‌لاری
دَییشدیر- بياض گئجه‌لر
- کوچه‌لره سو سپميشم
- آنا
- آختارما منی
- باهار ندير
- نار گولی
- اسن يئللر
- گله‌جگم
- تک قالديم
- بیر عالم وار
- بو گئجه
- دردیم اولماز
- گل آی پاراسی
- گوزللرین گوزلی
- شَکر
- یانیندا اولوم گرک
- و...
رحیم شهریاری‌نین خالق قارشیسیندا دورماغی
دَییشدیررحیم شهریاری نئچه ایل اولار داورانیشلارینی دئیییشیب، و کونسئرتلرینده خوشا گلمز و خالق سئومه یه ن ایشلر گؤرور و محبوبیتی گئت گئده آزالیب. اؤزللیکله ۱۳۹۵–جی ایلین یازیندا خیاو شهرینده بیر کونسئرتده بارماقلارینی بوزقورد سیمگه‌سی توتان بیر جاوان اوغلانا، "بیخود ائلیسن"، "وئررم قولاغیوی بورارلار"، و "اونو چیخاردین ائشیگه" کیمی پیس ایفاده‌لر ایشلدیب. بۇ حرکتین ویدئوسو توْپلۇمسال اینترنت شبکه‌لرده یاییلماقلا، میلّت شهریاری‌نین داورانیشینا آغیر تپگی (اعتراض) گؤستریب. شهریاری دا بونا گؤره دئییب کونسئرتلریمه "جواز" آلماق چتینلیگه گؤره بو ایشلری گؤرورم.
قایناقلار
دَییشدیر- آذربایجانجا و فارسجا ویکی‌پئدیا.
- تۆرکچه ویکی‌پدیا
- ^ ۱٫۰ ۱٫۱ روزنامه مردمسالاری: سیاست‌های موسیقی کشور باید اصلاح شود. آرشیولنیب اصلی نۆسخه‌دن on 2016-04-08. یوْخلانیلیب۲۰ مهٔ ۲۰۱۴.