عادلخان زیادخان
عادلخان ابولفتح آغا اوغلو زيادخان (1869-1954) ـ گؤرکملي دؤولت یئتگیلیسي – بیلگین، ديپلومات.
Adil Khan Ziyadkhanov Adil xan Ziyadxanov | |
|---|---|
 | |
| Deputy Minister of Foreign Affairs of Azerbaijan Democratic Republic (ADR) | |
| ایشده 26 October 1918 – 7 December 1918 | |
| رییس‌جومهور | علیمردان بی توپچوباشوو (Chairman of Azerbaijani Parliament) |
| قاباقکی | Office created |
| سونراکی | فتحعلی خان خویسکی |
| Azerbaijani ambassador to Iran | |
| ایشده 4 October 1919 – 22 June 1921 | |
| شخصی بیلگیلر | |
| دوغوم | ۷ اکتبر ۱۸۷۷ گنجه, Elisabethpol Governorate, روسیه ایمپیراتورلوغو |
| اؤلوم | ۱۴ دسامبر ۱۹۵۷ (۸۰ یاش) ایستانبول, تورکیه |
| سیاسی حزبی | Musavat |
یاشاییش
دَییشدیرعادلخان زیادخان ۱۸۶۹ –جو ايلده آذربايجان جومهوريتينين گنجه شهرينده دوْغولموشدو. گنجه خانی جاواد خان زیاد اوغلو قاجارین تورونو، آناسی آذر هومایون خانیم نایب السلطنه عباس میرزا قاجارین نوه‌سی، شاهزاده بهمن میرزه‌نین قیزی‌دیر.
تيفليس کلاسيک اوْرتا اوخولونو و موْسکو اونيوئرسيتهسينين حوقوق فاکولتهسيني بيتيرميشدي. ۱۹-جو یوز ایلین ۹۰-جي ايللرينده موْسکوداکي آز سايلي آذربايجانليلار توپلومونون اَن چالیشقان اویه لریندن بيري اوْلموشدو. گؤزل حوقوقشوناس اوْلماقلا بير سيرادا سؤزون تام آنلاميندا بير دوشونور ايدي. آنا ديليندن باشقا روس, فرانسيز, اينگيليس, آلمان و فارس ديللريني یاخشیجا بيليردي, دؤرد ديلده قولایجاسينا يازيردي. آدلیم بیلگین ۱۹۰۵ -جي ايلده آذربايجانين ميللي اوْيانيش حرکتينه قاتيلدي و آذربايجانين باغیمسیزلیغی اوغروندا چئشيتلي ياييلان قزئتلرله و گؤرکملي چاغداشلاری اوْ جوملهدن توْپچوباشی, خوْيسکی (خویلو), يوسف بگلي, محمد امین رسولزاده, جوانشير, مهمانداروْو و آغايئو کيمي وطنسئورلر ايله امکداشليق ائديب دیرَنیشه باشلادي و سوْنوندا ۱۹۱۸-جي ايلده آذربايجانين باغیمسیزلیغینی قازانيب, آذربايجانين بيرينجي جومهوريتيني قوردولار.
اونون یازدیغی، آنا دیلیمیزده و فرانسیزجا یاییملانمیش "آذربایجان" کیتابینین ۲- مین نوسخه‌سی ۱۹۱۹-دا پاریسه وئرسال سوله کونفرانسیندا آذربایجان گؤرَولی قورولون باشچیسی توپچوباشی یا گؤندریله‌رک آوروپا اؤلکه‌لرین‌ده، آمریکا بیرلشمیش اوستانلری و کانادادا یاییلمیشدی.
عادلخان، آذربايجان دؤولتينده بؤيوک سياسي گؤرَو لری- منصبلري الده ائتدي اوْ جوملهدن باغیمسیز آذربايجانين ديش ايشلري باخانليغينين یاردیمچیسی و بير نئچه واخت ايراندا و باشقا اؤلکهلرده يوردونون سياسي ائلچیسی(سفيري) اوْلموشدو. او، آذربايجانين باشي اوجاليغي و يوکسلمهسي اوچون بوتون اؤلکهلر آراسيندا اليندن گلني اسيرگهمهدي.
عادل خان، ایراندا اولارکن اؤزونون آنا دیلیمیزده‌کی "آذربایجان: تاریخی، ادبیاتی و سیاستی" آدلی کیتابینی یئرلی سویداشلاری آراسیندا یاییب، "قلمین اوچوشو" آدلی ایکی بؤلوملوک کیتابینی‌سا فارس دیلین‌ده یاییملایاراق آذربایجانین آزادلیق اوغروندا چارپیشماسیندان آیرینتیلی دانیشیب. بو کیتابلار شیخ محمد خیابانینین آزادلیق حرکاتینا(۱۹۲۰) بؤیوک ائلچی نین چوخ اینجه آرماغانی ایدی. جومهوریت باسقینا و اوچوروما اوغرادیقدان سونرا باکییا قاییتمایاراق تئهراندا قالدی. ۲۲ ایون ۱۹۲۱-ده سووئت حؤکومتی اونون دیپلوماتیک چالیشمالارینی دایاندیردی. بوندان سونرا تئهران بلدییه ایداره‌سین‌ده، سوسیال گووَنلیک باخانلیغیندا، تبریزده دمیریولو و گمیچی‌لیک ایداره‌سین‌ده چئشیتلی وظیفه‌لرده چالیشیب. ۱۹۳۴-ده ایستانبولا کؤچوب و عؤمرونون قالان بؤلومونو تورکییه‌ده یاشامیش، ایستانبول اونیوئرسیته سینده چالیشاراق اؤیرتمنلیک یاپمیشدیر.
عادلخان زيادخان ۱۹۵۴-جو ايلده ايستانبولدا دونیاسینی دَییشميش و اوْرادا توْپراغا تاپشيريلميشدير.[۱]
قایناقلار
دَییشدیر- ^ آذربایجان جومهوریتی یئتگیلیسی عادلخان زیادخانین یاشامینا قیسا بیر باخیش / فیروز یوسفی. آرشیولنیب اصلی نۆسخه‌دن on 2014-08-17. یوْخلانیلیب2015-09-19.
- ویکی پئدیا.