عثمان فؤاد
عثمان فؤاد افندی (د. ۲۴ فوریه ۱۸۹۵؛ ایستانبول، عثمانلی ایمپیراتورلوغو - اؤ. ۱۹ مئی ۱۹۷۳؛ نیس، فرانسه)، تورک ژنرال، فنرباغچه کولوبونون ۶-جی باشقانی، سولطان بئشینجی مرادین نوه‌سی و محمد صلاح‌الدین افندی‌‌نین اوْغلودور.[۱][۲]
| عثمان فؤاد | |
|---|---|
 | |
| عثمانلی سولاله‌سی‌نین ۴-جو باشچی‌سی | |
| حؤکۆم | ۴ ژوئن ۱۹۵۴ – ۱۹ مئی ۱۹۷۳ |
| قاباقکی | احمد نیهاد |
| سوْنراکی | محمد عبدالعزیز افندی |
| ۶-جی فنرباغچه کولوبو باشقانی | |
| دؤنم | ۱۹۱۱ – ۱۹۱۳ |
| قاباقکی | قالیپ کولاکسیزاوغلو |
| واریث | حمید حوسنو کایاجان |
| دوغوم | ۲۴ فوریه ۱۸۹۵ ایستانبول، عثمانلی ایمپیراتورلوغو |
| اولوم | ۱۹ مئی ۱۹۷۳ (۷۸ یاش) نیس، فرانسه |
| دفن | بوبیقنی مزارلیغی، پاریس |
| حیات یولداشی | کریمه خانیم (ائولی ۱۹۲۰–۱۹۳۲) |
| سولاله | عثمانلی سولاله‌سی |
| آتا | محمد صلاح‌الدین افندی |
| آنا | ژاله‌فر خانیم |
| حربی فعالیتی | |
| باغلیلیق |  عوثمانلی ایمپیراتورلوغو |
| قوشون | عثمانلی قورو قوشونلاری |
| خیدمت ایللری | ۱۹۰۹–۱۹۲۲ |
| روتبه |  فریق اول |
| بیریم | آفریقا قروپلاری عومومی کوماندانلیغی |
| کوْماندانی | قوزئی آفریقا اوْردولار قروپو |
| دؤیوشلر/ساواشلار | ایتالیا-عوثمانلی ساواشی بالکان ساواشلاری بیرینجی دونیا ساواشی |
حیاتی دَییشدیر
شاهزاده محمد صلاح‌الدین افندی و ژاله‌فر خانیم‌افندی‌نین اوْغلو اوْلاراق ۱۸۷۶ ایلینده تخت‌دن ائندیریلن دده‌سی بئشینجی مرادین عائیله‌سی‌نین تامام فردلری ایله بیرلیکده گؤزآلتیندا توتولدوغو چیراغان ساراییندا دوْغولدو. دده‌سیندن موسیقی و بسته‌کارلیق درسلری آلاراق بؤیودو. ۱۹۰۴-جو ایلده بئشینجی مرادین اؤلوموندن سوْنرا عائیله‌جه توتوقلوق دورومونون لغو ائدیلدیگیندن سوْنرا عسگرلیک مسلگینه گیردی.[۳] همچینین عثمان فؤاد افندی ۱۹۱۱–۱۹۱۳ ایللری آراسیندا فنرباغچه کولوبونون باشقانلیغی‌نی یاپمیشدیر.[۴]
۱۶ یاشیندا گؤنوللو اوْلاراق گئتدیگی ایتالیا-عوثمانلی ساواشی جبهه‌سینده لیبی‌‌ده ایتالیان‌لارا قارشی ساواش دی. بۇ جبهه‌ده یۆزباشی مصطفی کمال پاشا ایله تانیشدی و سیرنک عملیاتیندا ایشتیراک ائتدی. ایتالیا-عوثمانلی ساواشی جبهه‌سی دؤنۆشۆ ۱۹۱۴ده ملازم ثانی روتبه‌سی‌نی حربیه‌دن آلدی. ۱۹۱۵ده ملازم اول، ۱۹۱۶دا ایسه یۆزباشی روتبه‌سینه ترفیع ائتدی. شاهزاده عبدالرحیم و عبدالحلیم افندی‌‌‌‌لر ایله برابر آلمانا تحصیله گؤندریلدی و برلین حربی آکادمی‌سینده اوْخودو.
پوتسدامدا سوواری آلاییندا تحصیل آلدی. اۆچ شاهزاده ۱۲ نوْوامبر ۱۹۱۴ده ایکینجی ویلهلم‌‌ین برلین‌دکی قرارگاهی‌نی زیارت ائتدیلر. ایمپیراتور، شاهزاده‌لره اؤزل نیشان وئردی. اؤلکه‌یه دؤندوگونده ۱۱ نوْوامبر ۱۹۱۹دا بین‌باشی روتبه‌سی ایله ایستانبول مرکز کوماندانلیغینا تعیین اوْلوندو. ۱۹۲۰-جی ایلده کاوالالی محمد علی پاشانین نوه‌سی و عثمانلی دؤولتینده والیلیک و ناظیرلیک یاپان آیریجا صدراعظم سعید حلیم پاشانین قارداشی عباس حلیم پاشانین قیزی کریمه خانیم‌افندی ایله چیراغان ساراییندا ائولندی، بۇ ائولیلیکدن اوشاقی اوْلمادی.[۵] ۱۹۲۴-جی ایلده عثمانلی سولاله‌سی سۆرگۆن ائدیلینجه فرانسه‌یه یئرلشدی. آغابیگی شاهزاده احمد نیهاد افندی‌‌نین اؤلوموندن سوْنرا ۱۹۵۴ده عثمانلی سولاسی‌نین باشچی‌سی اوْلدو. حرب سیراسیندا شخصی دوْستلوق قوردوغو ژنرال شارل دو قول، واسیطه‌سی ایله دیپلوماتیک پاسپوْرت آلدی و رسمی و یا غیر رسمی صیفات ایله سیاحت‌لره چیخدی. سلطنت دوام ائتسیدی، ۳۹-جو سولطان اوْلاجاقدی. وطن حسرتی، ۲۹ یاشیندا بیر سوبای کن یۇردو ترک ائتمک ایله بیرلیکده ۴۹ ایل سۆرموشدور. عثمان فؤاد افندی نهایت‌ده ۱۹۷۳-جو ایلده نیس‌ده ۷۸ یاشیندا وفات ائتدی و پاریس‌ده بوبیقنی موسلمانلار قبریستانیندا دفن ائدیلدی.[۶]
قایناقلار دَییشدیر
- ^ Almanach de Gotha (184th ed.). Almanach de Gotha. 2000. pp. 365, 912–915.
- ^ Burke's Royal Families of the World (2 ed.). Burke's Peerage. 1980. p. 247.
- ^ Vâsıb, Ali; Osmanoğlu, Osman Selaheddin (2004). Bir şehzadenin hâtırâtı: vatan ve menfâda gördüklerim ve işittiklerim. Yapı Kredi Yayınları. YKY. pp. 33, 63. ISBN 978-975-08-0878-4.
- ^ OUR PRESIDENTS.
- ^ Libya Çöllerinde Bir Osmanlı Şehzadesi. Prof. Dr. Ekrem Buğra Ekinci. ekrembugraekinci.com (21 September 2011).
- ^ Öztuna, Yılmaz, "Devletler ve Hanedanlar" Cilt:2, Kültür Bakanlığı Yayınları, Ankara (1996),