على واصب
على واصب افندی (د. ۱۳ اوْکتوبر ۱۹۰۳؛ ایستانبول، عثمانلی ایمپیراتورلوغو - اؤ. ۹ دسامبر ۱۹۸۳؛ اسکندریه، میصر)، سولطان بئشینجی مرادین نوه‌سی، شاهزاده احمد نهاد افندینین اوْغلودور. آناسی ایسه صافرو خانیم‌افندی دیر.[۱][۲][۳]
| على واصب | |
|---|---|
 | |
| عثمانلی سولاله‌سی‌نین ۶-جی باشچی‌سی | |
| حؤکوم | ۱۹ ژانویه ۱۹۷۷ – ۹ دسامبر ۱۹۸۳ |
| قاباقکی | محمد عبدالعزیز افندی |
| سوْنراکی | محمد اورخان |
| دوغوم | ۱۳ اوْکتوبر ۱۹۰۳ ایستانبول، عثمانلی ایمپیراتورلوغو |
| اولوم | ۹ دسامبر ۱۹۸۳ (۸۰ یاش) اسکندریه، میصر |
| دفن | سولطان رشاد توربه‌سی، ایستانبول |
| حیات یولداشی | امينه مقبله سولطان (ائولی ۱۹۳۱–۱۹۸۳) |
| اوشاقلار | عثمان صلاح‌الدین افندی |
| سولاله | عثمانلی |
| آتا | احمد نهاد |
| آنا | صافرو خانیم |
حیاتی
دَییشدیرشاهزاده على واصب افندی ۱۹۰۳-جو ایلده چیراغان ساراییندا دۆنیایا گلدی. آتاسی سولطان بئشینجی مرادین اوْغلو محمد صلاح‌الدین افندینین اوْغلو احمد نهاد افندی دیر، آناسی ایسه اوْنۇن ایلک خاتونو صافرو خانیم‌افندی دیر. شاهزاده قالاتاسارای لیسه‌سی (مکتب سولطانی) و حرب اوْخولو (مکتب عسگری)ده تعلیم آلمیشدیر. بۇندان باشقا عثمانلی اوْردوسونون پیاده بیرلیک‌لرینده خیدمت ائتمیش، "خاندان عالی عثمان" و "بیر درجه‌لی مجیدیه" نیشانلاری ایله موکافاتلانمیشدیر. على واصب افندی بیر یاشینا قدر دده‌سی سولطان بئشینجی مرادین حبس اوْلدوغو چیراغان ساراییندا یاشادی. ۱۹۰۴-جو ایلده سولطان مرادین وفاتیندان سوْنرا عائیله‌سی سارایی ترک ائتمک مجبوریتینده قالدیلار و ایستانبولون فرقلی یئرلرینه سۆرگۆن اوْلدولار. ۱۹۲۴-جو ایلده سلطنتین لغو اوْلدوغو و بۆتون سولاله اۆیه‌لری سۆرگۆن ائدیلدیگینده، على واصب عائیله‌سی ایله بیرلیکده ایلک بوداپسته، بیر نئچه آی سوْنرا ایسه فرانسه‌‌نین گونئیندکی نیس شهرینه کؤچدو. على واصب افندی ۱۰ ایله قدر فرانسه‌ده یاشادی. شاهزاده ۱۹۳۱-جی ایلده بئشینجی محمدین نوه‌سی امینه مقبله سولطان ایله ائولندی و عائیله‌سی ایله بیرلیکده ۱۹۳۷-جی ایلده اسکندریه‌‌یه داشیندیلار. على واصب افندینین تکجه اؤولادی عثمان صلاح‌الدین افندی ۱۹۴۰-جی ایلده ایسکندریه‌‌ده دۆنیایا گلدی.[۴][۵][۶]
۱۹۷۴-جو ایلده سۆرگۆن قراری لغو ائدیلمه‌سینین آردیندان على واصب افندی ایللر سوْنرا یۇردا دؤندو حتی ایستانبولدا بیر ائو داهی آلدی. بۇ ایللرده شاهزاده على واصب افندی "بیر شاهزاده‌نین خاطیره‌لری: وطن و سۆرگۆنده گؤردوکلریم" آدلی کیتابی یازدی. ۱۹۷۷-جی ایلده محمد عبدالعزیز افندینین وفاتیندان سوْنرا سولاله‌نین باشچی‌لیغی على واصب افندیه چاتدی. نهایت‌ده على واصب افندی ۱۹۸۳-جو ایلده دۆنیاسینی دگیشدی و اوْردا دفن اوْلوندۇ آمما ۲۰۰۷-جی ایلین مئی آییندا جنازه‌سی اوْغلو عثمان صلاح‌الدین افندینین ایستگی ایله تورکیه‌‌یه گتیریلدی و سولطان رشاد توربه‌سینده دفن ائدیلدی.[۷]
قایناقلار
دَییشدیر- ^ Almanach de Gotha, 184th edition, p. 365, 912–915. Almanach de Gotha. (2000).
- ^ Burke's royal families of the world. Second edition. p. 247. Burke's peerage. (1980).
- ^ [۱] "The Ottoman empire". History Files.
- ^ [۲] Archived 2008-08-21 at the Wayback Machine. Genealogy of Ali Vasib.
- ^ Archived copy. آرشیولنیب اصلی نۆسخه‌دن on 2008-07-29. یوْخلانیلیب2022-02-14. Genealogy of Turkish royalty. Accessed 20 July 2012.
- ^ [۳] Family history of Mahmud II Retrieved 20 July 2012.
- ^ Bir Şehzadenin Hâtırâtı. Osmanoğlu, Osman Selaheddin. Yapı Kredi Yayınları. (2003) Turkey. آی‌اس‌بی‌ان 975-08-0878-9 .
![[۳]](http://tarihvemedeniyet.org/wp-content/uploads/2009/08/Hanedan-bu-g%C3%BCnk%C3%BC-Osmanoglu-ailesii.png){kind=link}