عین جالوت دؤیوشو


عین جالوت دؤیوشو۳ سپتامبر ۱۲۶۰-جی ایلده مملۆک‌لر اوْردوسو ایله ائلخانلار آراسیندا٬ فلسطینده جلیل بؤلگه‌سی‌نین عین جالوت دئییلن یئرینده آپاریلان دؤیوش.

عین جالوت دؤیوشو
موْغول-مملۆک ساواشلاری

تاریخ ۳ سپتامبر ۱۲۶۰
بؤلگه عین جالوت٬ جلیل
سبب موغوللار حمله‌سی
نتیجه کسین مملۆک ظفری
طرفلر
میصر مملوک سولطانلیغیمملۆک سۇلطانلیغی موغول ایمپیراتورلوغو
  • ائلخانلارائلخانلار
  • گورجوستان شاهلیغیگۆرجوستان شاهلیغی
  • کیلیکیه ائرمنی شاهلیغیکیلیکیه ائرمنی شاهلیغی
باشچیلار
میصر مملوک سولطانلیغیسیف‌الدین قوْتاز ائلخانلارکیت بوغا نوْیان 
گۆجلر
۲۰٫۰۰۰
  • مملۆک آتلی‌لار
  • آتلی اوْخچولار
  • پیادالار
۱۰٫۰۰۰-۲۰٫۰۰۰
  • موغول آتلی اوْخچولار
  • ائرمنی شووالیه‌لر
  • گۆرجو پیادالار
ایتکینلر
آغیر بۆتون اوْردو قیریلدی

دؤیوشدن اؤنجه دَییشدیر

۱۰ فوریه ۱۲۵۸[۴]-ده باغداد شهرینی آلیب خلیفه المستعصم باللهی اؤلدورن هۆلاکۇ خانین باشچی‌لیغینداکی موْغول اوْردولاری٬ سوریهیه ایلَری‌له‌میشدیلر. هۆلاکۇدان آلدیغی تهدیدلر دوْلو مساژدان سوْنرا ایّوبی سۇلطانی ناصر یوسف٬ مملۆک‌لردن عاجیل کؤمک دیله‌میشدی. ۱۲ نوْوامبر ۱۲۵۹ گۆنو مملۆک تۆرکلری آراسیندا آپاریلان قۇرولتای‌دا٬ یاشی‌نین کیچیک اوْلماسینا گؤره سۇلطان منصور علی تختدن ائندیریله‌رک یئرینه سیف‌الدین قوْتاز چیخاریلمیشدی.

دؤیوش دَییشدیر

 
موْغول آتلی اوْخچولار
 
مملۆک آتلی‌سی

دؤیوشدن درحال اؤنجه میصرده سۇلطان اعلان ائدیلن سیف‌الدین قوْتاز٬ باشچی‌لیغینداکی ۲۰٫۰۰۰ نفرلیک بیر اوْدویلا٬ هۆلاکۇنون ان سئچکین باشچیلاریندان کیت بۇغا نوْیان باشچیلیغینداکی ائرمنی و گۆرجولرله داها گۆجلنمیش موْغول اوْردوسونو فلسطینده قارشیلادی. ایکی اوْردو ۳ اوکتوبر ۱۲۶۰-دا٬ عین جالوت دئییلن یئرده قارشیلاشدی. مملۆکلر بؤلگه‌نی یاخشی تانیدیقلاری اۆچون بۇ دؤیوشده تۆرکلرین و موْغوللارین چوْخ ایشلتدیگی هیلال تاکتیگینی ایشلتمیشدیر. ایکی باشدا بایبارس باشچیلیغینداکی کیچیک بیر بیرلیک موْغوللار اۆزرینه آنی بیر هۆجۇم دۆزنله‌ییب آردیندان یئنه عئنی سۆرعتله گئری چکیلمه‌یه باشلامیشدیر. کیت بۇغانین امری ایله مملۆکلری قوْوالایاراق داغلیق وادی‌یه گیرن موغول آتلی‌لاری٬ گیزلیجه آرخادان چئویرن قوْتاز باشچیلیغینداکی آتلی اوْخچولار و پاتلاییجی بوْمبا آتان پیادالار٬ موْغوللارا آغیر ایتکی‌لر وئرمیشدیر. داها سوْنرا ساختا قاچیشی بۇراخان بایبارس٬ عسگرلرینی توْپلایاراق موْغوللارا هۆجۇم ائدیب موْغول اوْردوسونون هامی‌سینی قیرمیشدیر. بۇ دؤیوشده کیت بوغا نوْیان دا اؤلدورولموشدور.

نتیجه دَییشدیر

موغوللار بۇ ساواشدان سوْنرا میصره اصلا گیره بیلمه‌دیکلری کیمی٬ بۇ مغلوبیت تاریخین دؤنوم نؤقطه‌لریندن بیری و موغوللارین سوْنونون باشلانغیچی اوْلموشدور. موغوللارین غربه ساری ایره‌لی‌له‌ییشی دۇردو. آنادوْلوداکی موغول بوْیلاری سۆرعتله ایسلاما تابع اوْلدو.

قایناقلار دَییشدیر

آنادوْلو تۆرکجه‌سی ویکی‌پدیاسی‌نین ایشلدنلری طرفیندن یارانمیش«Ayn Calut Muharebesi»، مقاله‌سیندن گؤتورولوبدور. (۲۰ مارس ۲۰۱۶ تاریخینده یوْخلانیلیبدیر).