قادین (درگی)
قادین | |
|---|---|
|
| |
| سوروملو مودور | مصطفی ابراهيم |
| باش یازار | آکا گوندوز |
| یاییلان ایللر | 1908-1909 |
| دیل | آنادولو تورکجه‌سی |
| یاییلان یئر | ایستانبول ، عثمانلی ایمپیراتورلوغو |
| موضوع | قادین مسله‌لری |
قادین- عثمانلی ایمپیراتورلوغو دؤورونده یاییملانان، آنادولو تورکجه‌سینده اولان ایلک قادین درگی‌سی.
تاریخ
دَییشدیر1908–1909-جو ایللرده عثمانلی ایمپراتورلوغونون سالونیک شهرینده (ایندیکی یونان) یاییملانان درگی اؤلکه‌ده‌کی قادین‌لارین تحصیل وضعیتی، اونلارین ایجتیماعی حیاتدا فعالیتی و تشکیلاتی درگی‌نین گوندمینده کی اساس مؤوضولار ایدی. درگی‌نین ایلک نؤمره‌سی 26 اوکتوبر 1908-جی ایلده یاییملانمیش، ایلک 30 نؤمره‌سی نین ایمتیاز صاحیبی مصطفی ابراهیم، مودیری ایسه آکا گوندوز ایدی. " عصر مطبعه‌سی "نده نشر اولونان درگی هفته‌لیک اولاراق بازار ائرته‌سینده نشر اولونوردو.[۱]
عثمانلی قادین‌لاری شفقت جمعیتی‌نین مطبوعات اورقانی اولان[۲] درگی قیزلار مکتب‌لرینه اؤدنیش‌سیز گؤندریلیردی. آبونه‌چی‌لیک هم مرکزی، هم ده قیراق ویلایت‌لره آچیق ایدی، آبونه حاقی ایسه آبونه‌چی‌نین نشریاتا اولان مسافه‌سینه گؤره موعین ائدیلیردی. دؤورون باب عالی کیتاب ماغازالاریندان بیری اولان "ایقبال" و "جمعیت" کیتابخانالاری درگی‌نین ایلک مرحله‌لرینده ساتیلدیغی یئرلر ایدی. اورتا حسابلا هر نؤمره‌سی 16 صحیفه اولان درگی‌ده تبلیغ‌لر اولوردو و شکیللی ایدی.[۱]
درگی‌نین تحریه هئیتی اساساً "گنج قلم‌لر" رداکتورلاریندان عیبارت ایدی. علی جانیپ یؤن، عمر سیف‌الدین ، مصطفی نرمی، عاقل قویونجو، محمد جاوید، بها توفیق، عبدالحق حمید ترخان، محمد امین یورداقول، حسین راقب، جلال ساهر و عبدالله جودت کیمی کیشی یازیچی‌لار درگی‌نین رداکتورلاریندان اولسالار دا، نیگار خانیم، فاطما سنیه، مژگان بنت عبدالله ، رفعیه شکران رافظه حسنا، صدیقه، اولیاازاده ناجیه کیمی قادین یازیچی‌لار دا بورادا فعالیت گؤسترمیشدیر.[۱]
اتک یازی‌لار
دَییشدیر- ^ ۱٫۰ ۱٫۱ ۱٫۲ Xaqan, 2009. səh. 147–151
- ^ Gülkızı, Ayşe. "26 Ekim 1908: 'Kadın' dergisi yayınlanmaya başladı Archived 2016-11-01 at the Wayback Machine.". Çatlak Zemin (türk). İstifadə tarixi: 16 mart 2021.