قاراقان بؤلگه‌سی
قاراقان (فارسجا: خَرَقان) - شرقدن بوئین زهرا، غربدن خمسه، شیمالدان قزوین و جنوبدان همدان‌لا محدودلاشان تاریخی بؤلگه آدی‌دیر. قاراقان اوچ بؤلوکدن عبارتدیر: افشار قاراقانی، بکوشلو قارقانی و قوتلو قاراقانی. قاراقانین داغلاری 5000 نفردن عیبارت بغدادی آدی ایله تانینان شاهسئون ائلی‌نین یایلاغی‌دیر. قاراقان تورپاق‌لاری‌نین بیر حیصهسی خَرَرود، کلنجین، آوج و رودک چایلاریندان، اساس حیصهسی ایسه موختلیف بولاق‌لاردان، او جومله‌دن چوخلو سویو اولان و ارتش آباد یاخینلیغیندا یئرلشن چشمه‌علی (علی بولاغی)-دان سو ایچیر. بو بؤلوک اعلا دوز معدنی‌دیر و ائله‌جه بو بؤلوکدن کئچن قزوین-همدان شوسه یولونون یانیندا ساکین‌لرین و سیاحتچی‌لرین چیمدیگی گوگوردلو سوبولاغی وار.
قاراقان قزوین‌ین جنوب غرب حیصه‌سینده یئرلشیب شیمالدان دودانگه، افشاریه و بوئین زهرا کندلری؛ شرقدن ساوا خلجستانی ، جنوبدان همدانین درجزین کندی ، غربدن ایسه خمسه بؤلگه‌سی ایله محدودلاشیر.
حال-حاضیردا قزوین – همدان آسفالت یولو قاراقانی شرق و غرب حیصه‌لرینه آییریر. شرقی قاراقان حیصه‌سی‌نین مرکزی آبگرم ، غربی حیصهسی ایسه قزوین – همدان یولونونون اوزرینده، قزویندن 110کم جنوبدا یئرلشن آوج‌دیر. شرقی قاراقان کندلریندن بیری ده آوانین 24کم شرقینده یئرلشن کولونگون کندی‌دیر.کۆلۆنگۆن کئچمیشده داها اعتبارلی اولوب بوتون قاراقان مرکزی ساییلیردی.
قاراقان توپونیم‌لری
دَییشدیرپهلویلر دؤنمیدن باشلایاراق تورکجه توپونیم‌لرین فارسلاشدیرما سیاستی دوغرولتوسوندا قاراقان بؤلگه‌سی‌نین بیر چوخ کند، داغ، چای و ... آدلاری دَییشدیریلیب و یا تحریف ائدیلیبدیر. اؤرنک اوچون:
قاراقان (qaraqan): خرقان
آوا (Ava): آوج
کۆلۆنگۆن(külüngün) : کلنجین
ایلدیرئیین(İldireyin): ائلدرهجین
علی بولاغی(Əli Bulağı) : چشمه علی
سیمس آباد (Seyməs Abad): ارتش آباد
گؤو زمی(Gövzəmi): گاو زمین
گؤوگک(Gövgək): شهید آباد
هارئیین(Hareyin): هرآیین
ساران(Saran): ساغران سفلی
یئنگی کند(Yengi Kənd): ساغران علیا
ماداوا (Madava): طبلشکین
خرخره(Xərxərə): اسماعیل آباد
داخیرئیین(Daxireyin): داخرجین
کؤکه(Kökə): کوکج
نییه‌ریگ(Niyərig): نیریج
کامیش گۆن(Kamış gün): کامیشگان
قیرخ بولاغ(Qirx Bulağ): چهل چشمه
آلچان(Alçan): آروچان
چۆنه(Çünə): چوبینه
استه‌لک(Əstələk): استلج
پریسوانا(Pərısvana): پرسبانج
کیسسئیین(Kisseyin): کیسه‌جین
قیرخ قیزلار(Qirx Qızlar): چهل دختر
کوردلر قالاسی(Kürdlər Qlası): قلعه کرد
قهوه(Qəhvə): قهوج
قمیشلی(Qəmişli): قمشلو
مَشد(məşəd): مشهد
بایین(Bayın): بادجین
بییوْو(Bıyov): بیآب
شوروّو(Şorov): شور آب
بئشتیان(Beştiyan): بهشتیان
و ...
قالری
دَییشدیر
