قاسم جومارت توقایف
قاسم جومارت کِمِل اوغلو توقایف (قازاقجا: Qasım-Jomart Kemelulı Toqayev
| قاسم جومارت توقایف | |
|---|---|
.jpg) قازاخیستانین ایکینجی جومهور باشقانی | |
| دوْغوم تاریخ | 17 مئی 1953 آلماتی- قازاخیستان شوروی |
| آیری آدلار | قاسم جومارت کمل اوغلو توقایف |
| دین | ایسلام |
Қасым-Жомарт Кемелұлы Тоқаев؛ 17 مئی 1953، آلماتی) — قازاخیستانلی سیاستچی و دیپلومات. 16 اوکتبر 2013-جو ایلدن 19 مارس 2019-جو ایله‌دک قازاخیستان سنا مجلیسی‌نین صدری وظیفه‌سینی ایجرا ائدیب. 19 مارس 2019-جو ایل تاریخیندن اعتیباراً قازاخیستان جومهور باشقانی وظیفه‌سینی ایجرا ائدیر.[۱][۲] 11 ژانویه 2007-جی ایلدن 15 آپریل 2011-جی ایله‌دک و 16 اوکتبر 2013-جو ایلدن 19 مارس 2019-جو ایله قدر ایله‌دک قازاخیستان سنا مجلیسی صدری اولموشدور.[۳] توفایف 1 اوکتبر 1999-جو ایلدن 28 ژانویه 2002-جی ایله‌دک قازاخیستان باش باخانی، 12 مارس 2011-جی ایل تاریخدن 16 اوکتبر 2013-جو ایل تاریخینده ایسه ژنو‌ده‌کی بیرلشمیش میلّتلر تشکیلاتی‌نین قرارگاهینین باش مدیری وظیفه‌سینی ایجرا ائتمیشدیر.
حاقّیندا
دَییشدیرشوروی
دَییشدیرآتاسی کِمِل توفایف(1923–1986)، ایکینجی دونیا ساواشی حربچیسی و تانینمیش بیر قازاخیستان یازیچیسی ایدی. آناسی توُرار شاباربایئوا(1931-2000)، آلماتی خاریجی دیللر مؤسیسه‌سینده ایشله‌میشدیر. 1970-جی ایلده توفایف موسکو دؤولت بین‌الخالق موناسیبتلر مؤسیسه‌سینه داخیل اولموشدور. بئشینجی ایلینده او، آلتی آیلیق چین–شورویائلچی‌لیگینده تعلیم دؤوره‌لرینه گؤندریلدی. موسکو دؤولت بین الخالق موناسیبتلر مؤسیسه‌سیندن 1975-جی ایلده مأذون اولدوقدان سونرا شوروی خاریجی ایشلر باخانلیغینا قاتیلیب و سنقاپورداکی شوروی ائلچی‌لیگینه ائلچی کیمی گؤندریلیب. 1979-جو ایلده شوروی خاریجی ایشلر باخانلیغینا قاییدیر. 1983-جو ایلده پکن بیلم‌یوردوندا کئچیریله‌جک تعلیم دؤوره‌لری اۆچون چینه گئتدی. 1984-1985-جی ایللرده خاریجی ایشلر باخانلیغیندا ایشله‌میشدیر. داها سونرا پکن‌ده‌کی شوروی ائلچی‌لیگینه گؤندریلدی، 1991-جی ایله‌دک ایکینجی کاتیب، بیرینجی کاتیب و مصلحتچی وظیفه‌سینی ایجرا ائتدی. 1991-جی ایلده موسکودا شوروی خاریجی ایشلر باخانلیغی‌نین دیپلوماتیک آکادِمیسینده یوکسک سویه‌لی دیپلوماتلار اۆچون تعلیم دؤوره‌سینه داخیل اولموشدور.
قازاخیستان
دَییشدیر1992-جی ایلده توفایف قازاخیستان جومهوریتی‌نین خاریجی ایشلر باخانی‌نین یاردیمچیسی تعیین ائدیلدی. 1993-جو ایلده خاریجی ایشلر باخانی‌نین بیرینجی یاردیمچیسی، 1994-جو ایلده خاریجی ایشلر باخانی تعیین ائدیلدی. 1999-جو ایلین مارس آییندا باش باخان یاردیمچیسی وظیفه‌سینه یوکسلدی. 1999-جو ایلین اوکتبروندا مجلیسین تصدیقی ایله قازاخیستان جومهوریتی جومهورباشقانی‌نین فرمانی ایله باش باخان تعیین ائدیلدی. 2002-جی ایلین ژانویه‌سینده ایستعفا وئردی، سونرا خاریجی ایشلر باخانی‌نین دؤولت کاتیبی تعیین اولوندو. توفایف 2007-جی ایلین ژانویه آیینا قدر قازاخیستان جومهوریتی مجلیسی‌نین سنا صدری سئچیلمکله خاریجی ایشلر باخانی وظیفه‌سینی ایجرا ائتمگی داوام ائتدیردی.
توفایف اون ایل بویونجا خاریجی ایشلر باخانلیغی وظیفه‌سینده اولموشدور (1994–1999، 2002–2007).
خاریجی ایشلر باخانی کیمی، توفایف آتوم سیلاحی‌نین یاییلماماسی ساحه‌سینده ائتکین رول اوینامیشدیر. 1995 و 2005-جی ایللرده نیویورکدا آتوم سیلاحلاری‌نین یاییلماماسی حاقیندا آنلاشما اوزره تدقیقات کونفرانسلارینا قاتیلمیشدی. 1996-جی ایلده نیویورکدا یئکون آتوم تِستی یوخلاما حاقیندا آنلاشما‌یا و 2005-جی ایلده سِمیپالاتینسک‌ده اورتا آسیادا آتوم سیلاحلاری سربستجه موباریزه سؤزلشمه‌سینه ایمضا آتدی. او، موستقیل دؤولتلر بیرلیگی و شانقهای امکداشلیق تشکیلاتی خاریجی ایشلر باخانلاری شوراسی‌نین صدری سئچیلدی. توفایف بیرلشمیش میلّتلر تشکیلاتی‌نین باش مجلیسی‌نین 10. ایجلاسینا قاتیلیب.
او، "فؤوق‌العاده و صلاحیتلی ائلچی" دیپلوماتیک روتبه‌سینه مالیکدیر.
قازاخیستان مجلیسی‌نین سنا صدری توفایف 2008-جی ایلده اوروپا تهلوکه‌سیزلیک و امکداشلیق تشکیلاتی‌نین باش مجلیسی نین باشقان نایبی سئچیلیب.
قازاخیستانین سیاسی سیستمینه دایر فیکیرلری: "گوجلو جومهور باشقانی، نوفوذلو مجلیس، حساباتلی حؤکومت" (آستانادا کئچیریله‌جک مجلیس کونفرانسیندا دئمیشدیر؛ 24 نویابر 2014)
22 سئنتیابر 2017-جی ایل تاریخلی تحصیل اوزره مجلیسده کئچیریلن دانیشیقلاردا، قازاق دیلی‌نین لاتین یازیلارینا چئوریلمه‌سی مسله‌سینده:
" بیز استراتژی اهمیت داشییان وظیفه‌نی یئرینه یئتیرمک مجبوریتینده قالمالی‌ییق: لاتین الیفباسینا کئچید. دؤولت باشچیسی‌نین قئید ائتدیگینه گؤره، قازاخیستانین لاتین دیلینه کئچیدی قلوبال علم و تحصیل سیستمینه اینتقراسیون ائتمک، معنوی بیرلیگیمیزی تأمین ائتمک اۆچون بیر آددیمدیر. بو ایشی دوشونجه و تدریجاً "بؤیوک سیچراییشلار" اولمادان آپارمالی‌ییق. اساس اودور کی، سهو ائتمک حوقوقوموز یوخدور. "
بیرلشمیش میلّتلر تشکیلاتی (بمت)
دَییشدیر2011-جی ایلین مارس آییندا بیرلشمیش میلّتلر تشکیلاتی‌نین باش کاتیبی توفایفین، ژنو‌ده بیرلشمیش میلّتلر تشکیلاتی‌نین باش قرارگاهینین مدیری و بمت سیلاحسیزلاشدیرما کونفرانسی‌نین باش نوماینده‌سی تعیین اولدوغو اعلان ائدیلدی. سیلاحسیزلاشدیرما کونفرانسی‌نین باش کاتیبی وظیفه‌سینده چالیشمیشدیر.
توفایف سیاسی علملر دوکتورودور. او، بین الخالق مسله‌لرله باغلی 9 کیتابین و چوخسایلی مقاله‌لرین مؤلیفیدیر. دونیا اینجه‌صنعت و علملر آکادمیسی‌نین عوضوو، مونیخ تهلوکه‌سیزلیک کونفرانسیندا گؤرکملی شخصلرین پانِلی‌نین عوضوو، سنچژِن بیلم یوردونون فخری پروفسورو، روسیه فدراسیونو خاریجی ایشلر باخانلیغی‌نین دیپلوماتیک آکادمیسی‌نین فخری پروفسورو و دوکتورودور. ژنو دیپلوماسی و بین‌الخالق موناسیبتلر فاکولته‌سینین فخری دِکانیدیر. UNOG باش مدیر اولاراق، ژنو بیلم یوردوندان "Academicus" موکافاتینی آلدی. روسیه بیوقرافیا تشکیلاتی‌نین معلوماتینا گؤره، توفایف "2018-جی ایلین آدامی" آدلاندیریلیب.
شخصی حیاتی
دَییشدیرتوفایف قازاخ، روس، اینگیلیس و چین و فرانسه دیللرینی بیلیر. قازاخیستاندا و دیگر اؤلکه‌لرده بیر نئچه دؤولت موکافاتی‌نین صاحیبیدیر. 13 ایل قازاخیستانین میز اوستو تنیس فدراسیونون باشقانی اولموشدور. توفایف ائولیدیر و تیمور آدلی بیر اوغلو وار.
اتک یازیلار
دَییشدیر- ^ "Kazakh President Nazarbaev Abruptly Announces Resignation" (ing.).RadioFreeEurope/RadioLiberty.
- ^ "Nursultan Nazarbayev istefa verib". report.az. 20 mart 2019 tarixində arxivləşdirilib. İstifadə tarixi: 20 mart 2019.
- ^ "Kairat Mami to be the new Senate Speaker". 26 yanvar 2019 tarixində arxivləşdirilib. İstifadə tarixi: 20 mart 2019.