قطور کورپوسو
قطور کورپوسو ایران و تورکیه دمیر یوللارینی خوی شهرینین ۲۵ کیلومتر اوزاخلیغیندا، بیر بیرینه باغلایان بیر کورپودور. کورپونون مهندیسینین بیر آلمان قادین اولدوغو سویله نیلیر. بو کورپونون دوزلمه سی ۱۳۴۹-جی گونش ایلینده (۱۹۷۰-جی ایل) سونا چاتیبدیر . بو کورپونون تۆرۆ «آلتدان کمان» دیر. و اورتادوغو نون ان بویوک کورپو کمانلاریندان بیری ساییلیر. ایران و عراق ساواشیندا بو کورپونون دیرکلریندن بیر نئچه سی عراق طرفیندن آتیلان راکتلر ایله داغیلمیش دیر. کورپونون اوزونه راکت دیمه دیغی اۆچون، دیرکلری یئنی لییب و کورپونو آیاقدا ساخلاماغی باشاریبلار. گونوموزده ده کورپویه دیققت له باخدیغیمیزدا یئنی دیرکلر بللی اولونور.
خوصوصیتلری
دَییشدیر۱۳۴۷-نجی ایلده، بیر ایران(رانکین) و بیر اتریشلی(پور) شیرکت طرفیندن دیرک لر و بتن آیاقلاری دوزلیبدیر، کورپونون اوست قسیمتی ده، دمیر شاسی سی، آمریکالی لار طرفیندن جورلنیبدیر. کورپونون اوزونلوغو ۴۴۸ متر اولارکن، دمیر شاسی سینین اوزونلوغو ۲۲۳ متر دیر. اوجالیغی ۱۱۸،۲۸ متر دیر و ۱۰ دنه بتن دان آیاقی واردیر.
گئچمیش ده قیرمیز رنگ ده اولان کورپو، ایران و عراق ساواشیندا گوزدن ایتمک آماجی ایله تورپاق رنگینه بویانمیش دیر.