لئوناردو دی‌کاپریو

لئوناردو ویلهلم دی‌کاپریو (اینگیلیسجه. Leonardo Wilhelm DiCaprio)، (دوغوم گونو. 1974 ژانویه 11، دوغوم یئری. هالیوود، کالیفورنیا) بئش دفعه اوسکار جایزه سی کاندیدی گؤستریلمیش آمریکالی اویونجو.

Leonardo DiCaprio
DiCaprio in 2016
دوغوم	Leonardo Wilhelm DiCaprio ۱۱ نوامبر ۱۹۷۴ ‏(۵۰ یاش) لوس‌آنجلس, کالیفورنیا ایالتی, United States
پئشه	Actor Film producer with Appian Way Productions
اکتیو ایللر	1989–present
ایشلر	Filmography
سیاسی حیزب	آمریکا بیرلشمیش ایالتلرین دموکرات حزبی
والیدین(لری)	George DiCaprio Irmelin Indenbirken
جایزه‌لر	Full list
وب‌سایت	Official website Leonardo DiCaprio Foundation

لئوناردو دی کاپریو، "وال استریت جاناواری" فیلمی نین لندن اکرانیندا، 2014

بیوقرافی

اوشاقلیق چاغی

آتاسی گئورگئ دی‌کاپریو، چیزگی رومان یاییملایان و داغیدیجیسی، آناسی ایرمالین دی‌کاپریو وکیلدیر. لئوناردو ایتالیا، آلمان و روس کؤکنلی دیر. آتاسی ایتالیا و آلمان اصیل‌لی، آناسی ایسه آلمان و روس اصیل‌لی‌دیر. آناسی هلن ایندنبیرکن (1915-2008) روسیه نین پرم کندینده دوغولموشدور. اصل آدی ائلئنا اسمیرنووا اولان هلنئ ایندنبیرکن آلمان وطنداشی اولموش و لئوناردونون بؤیوک دَدَسی آلمانلی ویلهلم ایندنبیرکن ایله ائولنمیشدیر. آدام فاررار اوگئی قارداشی‌دیر. داها بیر یاشیندا اولاراق آناسی و باباسی آیریلیق قراری آلدی‌لار. لئوناردو اوچ یاشیندا اولاندا اَن چوخ سئودیگی اوشاق وئرلیشینه چیخدی. آدینی لئوناردو داوینچی دَن آلمیشدیر.

اویونجولوق چالیشمالاری

1989دا چالیشما یولونا پارنت هود (Parenthood ) سریالیندا گَرری بوکمان رولو ایله باشلادی. داها سونرا سانتا باربارا سریالیندا ماسون کاپول کاراکتری‌نین گنج حالینی جانلاندیردی. 1991-1992 ایل‌لری آراسیندا قرووینگ پاینس سریالیندا 22 بؤلوم لوک براور اولاراق یئر آلدی. 1991 ایلینده کریترس 3 آدلی فیلمده جاش رولوندا ایدی.

ایکی ایل سونرا 1993ده روبرت دئ نیرو و ائلن بارکین ایله بیرلیکده بو اوغلانین یاشامی (This Boy's Life) آدلی فیلمده یئر آلدی. عئینی ایل عوذورلو بیر جاوانی جانلاندیردیغی What's Eating Gilbert Grape فیلمی ایله 19 یاش 90 گونلوک ایکن اَن یاخشی یاردیمچی کیشی اویونچو اوسکارینا آدای گؤستریلدی. (2010 ایلینه قدر بو اؤدولو ان گنچ آدای گؤستریلئن 7جی کیشی‌دیر.) 

1995 ایلینده The Basketball Diaries و Total Eclipse فیلملرینده یئر آلمیش، 1996 ایلینده رومئو + ژولیئت فیلمینده رومئو جانلاندیرمیش و برلین فیلم فستیوالیندا ان یاخشی کسیش اویونجویا وئریلن برلین گوموش  آیی (Silver Berlin Bear) اؤدولونو قازانمیشدیر. آیریجا فیلمدن 147 میلیون دولار آلمیشدیر. همن ایلMarvin's Room فیلمینده مئریل ایستریپ و دیانی کیتون ایله بیرلیکده چالیشمیشدیر. 

1997 ایلینده جک داوسون رولو ایله تایتانیک فیلمینده یئر آلدی. فیلم بوتون زامان‌لارین ان چوخ باخیلان فیلمی اولموش، 11 اوسکار اؤدولو قازانمیش. دی‌کاپریو بو فیلمی ایله قیزیل کوره (Golden Glob) آدای گؤستریلمیشدیر (ان یاخشی آکتور - دراما). 

1998 ایلینده کیشی دمیر ماسکدا (The Man in the Iron Mask) و سلبریتی، 2000 ایلینده ساحیل (The Beach) و 2001 ایلینده ( Don's Plum) فیلملرینده یئر آلمیشدیر. داها سونرا 2002 ایلینده مارتین اسکورسیسی یؤنلتدیگی و اون دالدا اوسکار آدایی اولان نیویورک گانگسترلری (Gangs of New York) فیلمینده و یؤنَتمَنی استیون اسپیلبرگ اولان منی توتابیلسَن توت (Catch Me If You Can) فیلملرینده یئر آلمیش، تام هنکس، مارتین شین، کریستوفر والکن و آمی آدامس کیمی اویونجولارلا بیرلیکده رول آلدیغی بو فیلمده کی اویونجولوغون‌دان دولایی قیزیل کوره یه گینه ده آدای گؤستریلمیشدیر. 

2004 ایلینده بیر باشقا مارتین اسکورسیسی فیلمی اولان آویاتور (The Aviator) فیلمینده هووارد هوقز'و جانلاندیرمیش و قیزیل کوره قازانمیشتیر. اوسکار، بفتا، اسکرین آکتورس قویلد (Screen Actors Guild) کیمی اؤدوللره آدای اولموشدور. 

2006 ایلینده گینه مارتین اسکورسیسی ایله چالیشمیش دؤنوکلر (The Departed)  فیلمیندهWilliam M. 'Billy' Costigan Jr. کاراکترینی جانلاندیرمیشدیر. اسکرین آکتورس قویلد، قیزیل کوره و بفتا اؤدوللرینه آدای گؤستئریلمیشدیر. ائله بو ایل بلود دیاموند (Blood Diamond) فیلمینده دَنی آرچر رولو ایله اوسکار و قیزیل کوره آدایی اولموشدور. 

2008 ایلینده گؤستریمه گیرَن سام مندسین یؤنلتیدیگی، کئیت وینسلت (Kate Winslet) و کتی بئیتز (Kathy Bates) ایله بیرلیکده رول آلادیغی دئوریملی یول (Revolutionary Road) فیلمینده فرانک ویلر کاراکترینی جانلاندیردی و Body of Lies ایله اؤزگورلوک اورکده (Freedom Within the Heart) فیلملرینده یئر آلدی.

2009 ایلینده مارتین اسکورسیسی فیلمی Shutter Islandده رول آلیبدیر.

2010 ایلینده کریستوفر نولان فیلمی Inceptionدا جاب رولونو اوینامیشدیر. کلینت ایستوود ایله ایلک چالیشماسی اولان و آمریکا تاریخی اۆچون چوخ اؤنَم داشییان جان ادقار هووئر (اف بی آی قوروجوسو)'نون یاشامینی اوینامیش و اَن یاخشی کیشی اویونجو دالیندا قولدن قلوب(Golden Glob)ا آدای اولوبدور. 2013 ایلینده ویزیونا گیرن تارانتینو ایمضالی زنجیرسیز و گینه همن ایل ویزیونا گیرن بؤیوک گتسبی فیلملرینده رول آلمیشدیر. بؤیوک گتسبی فیلمینده یؤنتمَن باز لورمان ایله اولان ایکینجی چالیشماسی‌دیر. مارتین اسکورسیسی ایله بئشینجی اورتاقلیغی اولان وال ایستریت جاناواری (The Wolf Of Wall Street) فیلمینده جوردن بلفور رولونو جانلاندیرمیشدیر. 2014 ایلینده وال ایستریت جاناواری فیلمینده کی رولو ایله قیزیل کوره ده ان یاخشی موزیکال-کومئدی کیشی اویونجو اؤدولونو آلمیشدیر. گینه عئینی رولو ایله 2014 آکادمی (اوسکار) اؤدوللرینه آدای گؤستریلمیشدیر.

قیساسی

• بیر ادعایا گؤره آلمانلی آناسی فلورانسداکی اوفیزی (Uffizi) موزه سینده داوینچی نین اثرلرینیی اینجَلرَک، هلَه دوغمامیش اولان لئوناردونون تپیکلرینه معروض قالاراق، اوغلونا لئوناردو آدینی قویمایی دوشونموشدور. 
• بیر یاشیندا اولاراق آناسی و آتاسی آیریلدی‌لار. 
• آتاسی ایتالیالی اصیل‌لی آمریکالی، آناسی روس-آلمان کؤکنلی آمریکالی دیرلار.
•  اوچ یاشیندا اولاراق اَن سئودیگی تلویزیون شو'وونا چیخدی. 
• ایمپایر درگی سینین "بوتون زامان‌لارین اَن یاخشی 100 فیلم اولدوزو" لیستینده 75جی سیرادا یئر آلدی (1997).
• پیپل (People) درگیسی نین "دونیانین اَن گؤزل 50 اینسانی" لیستینده سئچیلدی (1997 و 1998).
•  آمریکانین ایستار تی وی کانالیندا، 1990لارین ان یاخشی On Box Office ایستارلار لیستینده 6جی سیرادا یئر آلدی (2003).
• هالیوود دا اَن چوخ قازانان (پول چیخاردان) اویونچودور (2011).

فیلملری، روللاری، و یاشاییشی حاقّیندا

عمومن اَن سئودیگی یؤنَتمن اولدوغونو سؤیلدیگی مارتین اسکورسیسی ایله ایشلمیشدیر. (نیویورک گانگسترلری، گؤیلرین حاکیمی، Departed، زیندان آداسی، وال استریت جاناواری) 

گنللیکله گرچک حیاتدا اویغونلاشان روللری جانلاندیرمیشدیر. (بو اوشاغین یاشامی - Tobias Wolff ، گونلوک - جیم کارول، توتقونون شاعیرلری - آرتور ریمباود، دمیر ماسکلی آدام - کرال XIV. لوویس/فیلیپس، توتابیلسن توت - Frank Abagnale Jr.، گؤیلرین حاکیمی - هووارد هوقز، جی.ائدقار - جی.ائدقار هوور، وال استریت جاناواری - جوردن بلفورت) 

گنللیکله پوللو کاراکترلئری جانلاندیرمیشدیر. ( دمیر ماسکلی آدام- کرال XIV. لوویس/فیلیپس، توتابیلسن توت - Frank Abagnale Jr.، گؤیلرین حاکیمی - هووارد هوقز، زنجیرسیز - کالوین کاندی، بؤیوک گتسبی - جب گتسبی، پارا آوجی‌سی - وال استریت جاناواری - جوردن بلفورت) 

11 یاشیندا اویونجو اولماق ایستَیَن لئوناردو بیر تمثیلچی گؤروشمه یی باشلادی. تکجه تمثیلچی آدینی داها آمریکا طرزی بیر آدام اولان Lenny Williams اولاراق دَییشدیرمه سینی ایستَدی. لئوناردو بونو قبول ائتمه دی، و 13 یاشیندا اؤزونو آدی ایله قبول ائدن باشقا بیر تمثیلچی گؤروشمه یی باشلادی. 

1999 ایلینده وکیللری لئوناردونون اؤز آدی نین تئلیف حاقّینی اۆچون باش ووردولار. 

1995 دوزلمیشی باتمان دایما فیلمینده کی دیک قرایسون / روبین رولو اۆچون سئچمه لره گئتدی، آنجاق رولو کریس اودانل (Chris O'Donnell) آلدی. 

1997 ایلینده اودلو گئجه لر فیلمیندن تکلیف گلدی، آنجاق عئینی زاماندا تایتانیکدن ده تکلیف آلان لئوناردو اودلو گئجه لر فیلمینی مارک والبرگه بوراخدی. 

2000 ایلینده آمریکالی ساپیق فیلمینده کی باش‌رول تکلیفینی پروقرامینداکی اویوشمازلیق نَدَنی ایله ردد ائتمک زوروندا قالدی. رولو کریستین بئیل (Christian Bale) آلدی. 

2001 ایلینده هاروارد مان آدلی فیلم اۆچون تکلیف آلدی، آنجاق رولو دوشوک اوجرتی ندنی ایله قبول ائتمَدی. رولو یئرینه آدریان گرئنیر آلدی. 

2002ده اولدوز ساواشلاری: بؤلوم II - کلونلارین سالدیری‌سی فیلمینده آناکین اسکای‌واکر (Anakin Skywalker) رولو اۆچون دوشونولدو، آنجاق رول هایدن کریستینسن'ه (Hayden Christensen) وئریلدی. 

2009 ایلینده ایسه لئوناردو دی‌کاپریو خالق دوشمانلاری فیلمینده جان دیلینگر (John Dillinger) رولو اۆچون آدایلیغینی قویسا دا، رولو جانی دئپ(Johnny Depp)ه قاپدیرمیشدیر. 

2015ده استیو جابز یاشاییشینی عئینی آدی ایله سینمایا آختاراجاق اولان فیلمدن گلن استیو جابز رولونو ردد ائتدی و رول مایکل فاسبندر(Michael Fassbender)ه کالدی. 

ایندیپندنت درگیسینه (The Independent) ان سئودیگی اون فیلمی بو شکیلده سؤیلَمیشتیر; بیسیکلت اوغورلولاری (1948)، تاکسی سوروجوسو(1976)، عربیستانلی لورنس (1962)، سککیز یاریم(1963)، اوچونجو آدام (1949)، یوجیمبو ( 1961)، سانست بولواری (1950)، پارلاماق(1980)، جننت یولو (1955).

ان سئودیگی کیشی اویونچولارین رابرت دئ‌نیرو و جک نیکولسون اولدوغونو دئمیشدیر. 

ان سئودیگی خانیم اویونچونون ایسه مریل استریپ اولدوغونو دئمیشدیر. 

چئوره قورویان و دوغانی ساوونان(مودافع محیط زیست و طبیعت) بیری‌دیر. دونیا طبیعت قوروما وقفی عضوو دور.

فیلموقرافی

ایل	فیلمین آدی	رول	آچیقلاما
1991	مخلوقلار 3	جاش
1993	بو اوشاغین یاشاییشی	توبیاس وولف
	گیلبرتین خیاللاری	Arnie Grape	66جی اوسکار اؤدوللری‌نین اَن یاخشی یاردیمچی کیشی اویونچو آدایی
1995	سورعتلی و اؤلو	کید
	گونلوک	جیم کارول
	توتقونون شاعیرلری	آرتور ریمبائود
1996	رومئو + ژولیئت	Romeo Montague
	ماروینین اوتاغی	هنک
1997	تایتانیک	جک داوسون	55جی قیزیل کوره (Golden Glob) اؤدوللری دراما دالیندا ان یاخشی کیشی اویونچو آدایلیغی
1998	دمیر ماسکلی آدام	کرال XIV. لوویس/فیلیپس
	شؤهرَت	براندون داروو
2000	قومسال	ریچارد
2002	توتا بیلسَن توت	Frank William Abagnale Jr.	60جی قیزیل کوره (Golden Glob) اؤدوللری دراما دالیندا ان یاخشی کیشی اویونچو آدایلیغی
	نیویورک گانگسترلری	آمستردام والون
2004	گؤیلرین حاکیمی	Howard Hughes	77جی اوسکار اؤدوللری ان یاخشی کیشی اویونچو آدایلیغی 62. قیزیل کوره (Golden Glob) اؤدوللری دراما دالیندا ان یاخشی کیشی اویونچو آدایلیغی 58. بفتا اؤدوللری ان یاخشی کیشی اویونچو آدایلیغی
2006	قانلی آلماس	دنی آرچر	79. اوسکار اؤدوللری ان یاخشی کیشی اویونچو آدایلیغی 64. قیزیل کوره (Golden Glob) اؤدوللری دراما دالیندا ان یاخشی کیشی اویونچو آدایلیغی
	دؤنوکلر	بیلی کاستیقان	64. قیزیل کوره (Golden Glob) اؤدوللری دراما دالیندا ان یاخشی کیشی اویونچو آدایلیغی 60. بفتا اؤدوللری ان یاخشی کیشی اویونچو آدایلیغی
2007	11جی ساعات	آنلاتیجی
2008	خیاللارین دالیسیجا	فرانک ویلر	66. قیزیل کوره (Golden Glob) اؤدوللری دراما دالیندا ان یاخشی کیشی اویونچو آدایلیغی
	یالانلار اوستونه	راجر فریس
2010	زیندان آداسی	Edward "Teddy" Daniels
	باشلانغیج	Cobb
2011	J.Edgar	J.Edgar Hoover	69. قیزیل کوره (Golden Glob) اؤدوللری دراما دالیندا ان یاخشی کیشی اویونچو آدایلیغی
2012	زنجیرسیز	کاولوین کاندی	70. قیزیل کوره (Golden Glob) اؤدوللری دراما، موزیکال و کومئدی دالیندا ان یاخشی یاردیمچی کیشی اویونچو آدایلیغی
2013	بؤیوک گتسبی	جئی گتسبی
	وال استریت جاناواری	جوردن بلفورت	86. اوسکار اؤدوللری ان یاخشی کیشی اویونچو آدایلیغی 71. قیزیل کوره (Golden Glob) اؤدوللری دراما دالیندا ان یاخشی کیشی اویونچو آدایلیغی 67. بفتا اؤدوللری ان یاخشی کیشی اویونچو آدایلیغی
2015	دیریلیش	Hugh Glass

جایزه لَری

• 2015: 73. قیزیل کوره (Golden Glob) اؤدوللری دراما دالیندا ان یاخشی کیشی اویونچو اؤدولو  - دیریلیش 
• 2013: 71. قیزیل کوره(Golden Glob) اؤدوللری موزیکال و یا کومئدی دالیندا ان یاخشی کیشی اویونچو اؤدولو - وال استریت جاناواری 
• 2010: Teen Choice Awards شاتر ایسلاند فیلمی -قورخو/گئریلیم دالیندا ان یاخشی کیشی اویونچو اؤدولو 
• 2009: Nickelodeon Kids Choice Awards بؤیوک یاشیل یاردیم-اَن باخشی چئوره (محیط زیست) اؤدولو 
• 2005: 62. قیزیل کوره اؤدوللری دراما دالیندا ان یاخشی کیشی آکتور اؤدولو - گؤیلرین حاکیمی
• 1997: برلین گوموش آیی فیلم فستیوالی - ان یاخشی کیشی آکتور ، رومئو + ژولیئت فیلمی
• 1997: ام تی وی (MTV) فیلم اؤدوللری - ان یاخشی کیشی آکتور، تایتانیک 
• 1993: National Board of Review - ان یاخشی یاردیمچی اویونجو، What's Eating Gilbert Grape فیلمی
• 1993: لوس آنجلس فیلم مونتقیدلری - یئنی نسیل اؤدولو، This Boy's Life ve What's Eating Gilbert Grape فیلمی

قایناقلار

آنادولو تورکجه‌سی ویکی‌پدیاسی‌نین ایشلدنلری طرفیندن یارانمیش«Leonardo DiCaprio»، مقاله‌سیندن گؤتورولوبدور. (‏ ۲۰۱۶ ژانویه‌سی‌نین ۱۳ـو تاریخینده یوْخلانیلیبدیر).