نادیر ایلاهی
نادیر ایلاهی ـ چاغداش آذربایجانلی شاعیر و اؤیرتمن.
یاشامی
نادیر ایلاهی 1337 اینجی ایلده باتی آذربایجانین سویوق بولاق شهرینده دونیایا گؤز آچیب، آتاسی‌نین ایشی اۆچون ایرانین شهرلرین دولانماق زوروندا قالان «نادیر»، ایلکین مکتبینی بیرینجی کیلاسدان بئشینجی کیلاسا کیمی دزفول شهرینده بیتیررکن، آلتینجی کیلاسدان دیپلوم آلینجا خیاو شهرینه کؤچدویو اۆچون بۇ شهرده اوخویوب، او عؤمرونون یاشیل یاشلاریندا منوچهری آدلی اوْرتا اؤیرتیم مکتبینده (دبیرستان) تجربی ریشته سینده دیپلوماسینی آلیب.
مکتبینی بیتیردیکدن همن سوْنرا معللیم‌چیلییکله مشغول اولارکن عئینی حالدا آچار دوزلتمه توکانیندا چالیشیب. 1361 اینجی ایلینده اوستاد پدیده و قهرمان حئیدر خطیبی جنابلاریلا بیرلیکده اوستاد شهریارلان تانیش اوْلوب و شهریارلا ایلگیسینی شهریارین گؤز ایشیغی سونن واختا کیمی قورویوب و اونون تؤوصیه‌سینی یئرینه یئتیرمک اۆچون 1370 اینجی ایلده تبریز دانیشگاهیندا فارس ادبیاتیندا لیسانسینی آلیب.
«نادیر ایلاهی» اوشاغ یاشلاریندا شئعیر دونیاسینا آددیمین آتارکن 14 یاشیندا ایلک شئعیر یازیب، عؤمرونون چوخونو آذربایجان شاعیرلری بیرلیک کئچیرن نادیر جاوان شاعیرلره ده ائتکیلی بیر شاعیر اوْلوب. او 1385 اینجی ایلده شاعیر دوستو بهمن خادم مسجیدین ائوینده رحمتلیک حسین منزوی زنجان شاعیرله تانیش اولارکن 2010 اینجی ایلین یای ماجالیندا آذربایجانین گوجلو و آدلیم شاعیری رامیز رؤوشنین الینی سیخیب و ایندیه کیمی او بؤیوک شاعیرله باغلیلیقی اوْلوب. ایندیکی حالدا «نادیر» آموزش و پرورش ایداره سیندن اَمَکلی (بازنشسه) اولارکن دَیَرلی عؤمرونو تورک ادبیاتیلا کئچیریر. [۱][۲]
اثرلری
قایناق
- ^ GÜNEY AZERBAYCAN EDEBİYATINDA MODERNLEŞME AŞAMALARI. آرشیولنیب اصلی نۆسخه‌دن on 2017-12-02. یوْخلانیلیب2017-08-25.
- ^ "نادر الهی" و جایگاهی منحصر بفرد در غزل ترکی/ از ستاره ی آسمان ادبیات آذربایجان تجلیل شد
- ^ نادر الهی “بو قفس اوچدو بلکه” (یول پرس)