Province, Watchlist, about Wikipedia, This page was last modified on, View history, Project page, Azerbaycan, Iranian Azerbaijan, persian gulf, See also, References, Archive
بی باشکند تورکجه اولسایدی سیزین سؤزونوز دوزیدی. آنجاق باشکند یانی باش (تورکجه) + کند (سوغدجا-فارسجا) منیم نظریمه تانیش اولان فارسجا پایتخت یئرینه تانیش اولمایان باشکند یازماق ایمیل یئرینه پست الکترونیک یازماغا بنزر. بیرده آذربایجان تورکجه‌سینده تورکیه ترسینه کند شهر یوخ فارسجا روستا معناسیندادیر.--آلپ ار تونقا✉۲۸ سپتامبر ۲۰۱۵، ساعت ۰۹:۴۵ (UTC)جاواب
دئدیگینیز کیمی تۆرکجه‌میزده «کند» سؤزونون «شهر» آنلامیندا ایشلنمه‌دیگی «باشکند» سؤزونه ایشکال یارادا بیلیر. آنجاق «پایتاخت» یازماق دۆزگون‌دور. حؤرمتله --Ilğım (دانیشیق) ۲۸ سپتامبر ۲۰۱۵، ساعت ۰۹:۵۲ (UTC)جاواب
«باشکند» باشقا تورجه دیل‌لرینده اویغون کلمه اولا بیلر، آنجاق آذربایجان تورکجه‌سینده، کَند village آنلامیندا اولدوغونا گؤره شاید یاخشی اولمایا. لوغتنامه‌ده «باش‌شَهَر» ده گؤزه دییر. موسا (دانیشیق) ۲۸ نووامبر ۲۰۱۵، ساعت ۱۹:۱۸ (UTC)
مرکز کلمه سی نئجه؟ بیز اؤزوموز پایتاخت دان چوخ مرکز ایشلدیریک. کند ایله شهرده ده چوخ فرق وار. Matreeks (دانیشیق) ۱۸ دئسامبر ۲۰۱۵، ساعت ۲۳:۲۴ (UTC)
۱- مرکز ایله پایتخت سیاسی باخیمدان فرقلی معنالاری واردیر (هر اؤلکه‌نین محدود پایتختی و نامحدود مرکزی، اوستان/شهریستان/دهیستان/شهر/ساتیش و ... مرکزی اولا بیلر. ایکی مفهوم اوچون بیر کلمه ایشلتمک تکجه تورکجه‌نین دیقتینی آزالدیر.
مرکز. بیزیم اؤز دیلیمیزده مرکز ایشلنیر. مثلا دیلیمیزده دئییلیر: ایرانین مرکزی تهران دیر. یا قاباقجا معروف اولان بو شوعار: آذربایجان بیر اولسون مرکزی تبریز اولسون.
پایتخت کلمه سین هامی بیلیر و ایراندا ایشلنیر و دؤز شکلده تلفظ اولور ،یولداشلار دقیت ائدین بیز <ایران تورک لرینه> مقاله یازیریق تورکیه یه یوخ .اونلاردان سونرا باشکند فارسجا سغدی دیلیندن گلیب و تورکو دییل .۷-۶ تورک دیلده ده پایتخت ایشله نیر .تورکیه کلمه لری بیزیم دیلده ایشلنمیر و دیلیمیزین ظرافت و دیقتین آزالدیر.تورک دیل قورومو اگر کلمه یارادان اولسایدی رنگلر ،هفته گونلری،آیلار آدی ،عایله اعضاسی و....معادیل تاپاردی!اکتای (دانیشیق) ۲۱ دئسامبر ۲۰۱۵، ساعت ۰۹:۴۱ (UTC)
باشکندین گینه باشی تورکجه دیر، کندین ده تکجه تورکلر ایشلَدیر. آنجاق پایتاختین پایی دا فارسجادیر، تاختاسیداǃ باشکند ده چوخ تانیش بیر آد دیر آزربایجاندا. ان آزی 3 تورک کند واردیرː باشکند (اوجان)، باشکند (ماکی)، باشکند (ساراب) . --Arda Arpaçaylı (دانیشیق) ۲۱ دئسامبر ۲۰۱۵، ساعت ۱۱:۳۲ (UTC)
بولار کی سیز آدلارین گتیردیز اؤچو ده کنددیلر (ده ،روستا) .موشکولده بودو ،کند بیزه (روستا)معناسی وار و شهر یوخ.
اکتای پایتاخت دئییل، آنجاق باشکند بوتونلوکله بیر اسکی تورکجه سؤزلوک دور و اولابیلر اطرافلاریندا کند توپلوسونون باشکندلری اولوبلار. --Arda Arpaçaylı (دانیشیق) ۲۱ دئسامبر ۲۰۱۵، ساعت ۱۳:۲۰ (UTC)
Arda Arpaçaylı منجه یازیلاریمیز گرک میلت آراسیندا دانیشان دیلله چوخ آز تفاوتو اولا و بیر دیل اولاکی وجودو اولا، تورکیه دیلی یؤزلر فرقی بیزیم دیلله واریدی ،بیزده باشکند یازساق بونا بنزر اینگیلیسجه ده آلمانجا کلمه لری ایشله دک ،نتیجه بو اولار کی بیر دیل چیخار کی قاتیشیق نه آذربایجانلی دی نه ایستانبولی .هئچ یئرده ده دانیشیلمیر.بو بیزه صلاح دییل.اکتای (دانیشیق) ۲۱ دئسامبر ۲۰۱۵، ساعت ۱۳:۴۹ (UTC)
اکتای، میللت آراسیندا دانیشیلان دیلده دیللیک قالماییب. بیریسی عاییله ایچینده "منه سو وئر"، "منیم داراغیم هانی" ، "کیم آشی داغیتدی؟" و ... سویه سینده. قالان سؤزلر بوتونلوکله فارسیدان زورلا تپیلن رسمی سؤزلر دیر. تورکجه ویکی پدیا گرک اؤزونو شخصیتلی گؤسترسین و هر سؤزجوکه اویان بویانا ال اوزاتماسین. بو دا قالسین کی باشکند بیزیم دیلده اسکی بیر سؤزجوکدور و هر کیمسه بیرینجی دؤنه ائشیتسه ده بیلر باشکند نه آنلامدادیر. --Arda Arpaçaylı (دانیشیق) ۲۱ دئسامبر ۲۰۱۵، ساعت ۱۳:۵۷ (UTC)
Arda Arpaçaylı سؤزلرین چوخو دؤز، اما سن آغاجی اکمه میش میوه سین ایستییرسن.مقاله یازماغی ائله چتین توتورلار بغضی یولداشلار کی چوخلو بورا گلنلر قورخورلار مقاله یارادالار، ندنی ده بودور کی بیر دیللرده!!! بوردا مقاله وار کی(عجاییب) نه بیر آذربایجانلی اوخویا بیلیر نه بیر تورکیه لی.بورا گلنلر دئییرلر (بیز بو دیلی باشا دؤشموروک!!!!!!).اکتای (دانیشیق) ۲۱ دئسامبر ۲۰۱۵، ساعت ۱۴:۱۰ (UTC)
اکتای بورانی اوخویوب اوخوماماغین نَدَنی بیزیم نئجه یازماغیمیز دئییل. تورک ساوادی یوخدور میللت آراسیندا. بیزیم یولوموز بودور دوزگون و یاخشی تورک دیلینده یازاق. "مصنوعی قمر" و "پایتخت" یازساق میللتی اؤزوموزه گولدورروک. دئییَرلر نه یه اؤزوزو سریمیسیز، بو دیلده دیللیک و کیملیک قالماییب. ایکینجی سؤز، 8000 مقاله نمنه دیر کی اوندان میوه ایسته یَم؟! بیز بوردا یئرسیز تارتیشیریق. ویکی پدیا و بیلیکلیک فلسفه سین سورغو آلتینا آپاریریق! یوزده 5 ده، باشا دوشمه سه باشکند، اوزای، و ... آنلامی نه دیر، اوستونه بیر "کلیک" وورار باشا دوشَر. --Arda Arpaçaylı (دانیشیق) ۲۱ دئسامبر ۲۰۱۵، ساعت ۱۴:۱۹ (UTC)
عزیز یولداش آردا بی یا آردا خانیم(کیشی یا خانیم اولدوغوزو بیلمیرم). ویکی پدیا مدرسه دئییل. بیز بوردا نه فرهنگیستان ایشینی گؤره بیلریک نه مکتب ایشینی. بیز آختاریب تاپمالی ییق هانسی کلمه ادبی دیلیمیزده و خالق دیلینده ان چوخ یایقین دیر. تورکیه تورکجه سینین تورک دیلی کورورمو طریقی ایله یئنی یارادیلمیش و تورکیه دؤلتی سرمایه سی یولویلا تورکیه لیلر آراسیندا یاییلمیش کلمه لرینین سای سیز حساب سیز ایشلدیلمه سی دیلیمیزی آذربایجانلی اوخوجو یانیندا مونزوی ائدر. یازیلانلاری کیمسه گلیب اوخوماز و توز باسار مقاله لریمیزی. بیز ایندی دینامیک یازمالی ییق. آذربایجان جومهوریتینده ایشلنن دیل بیزه تورکیه ده کیندن باش دیر. احساسی باخمایاق قضیه یه. آنادولو تورکجه سی ایله بیزیم دیلده بئش یوز ایل تحوول و دیرچلیش فرقی وار. فضولی و شاه ایسماعیل طرزی ایله عوثمانلی طرزینین فرقلرینه باخین. سیز یازیلاریزدا مثلا اوچون یا ایچون یئرینه ایچین یازیرسیز. و باشقا چوخ بئله بئله کلمه لر . بئله قاباغا گئدیلسه «گلیرم» یئرینه «گلیوروم» یا «منه چؤرک وئر» یئرینه «بانا اکمک ور» یازانلار دا ویکیه گلرلر. سیزین یاراتدیغیز بعضی مقاله لر عینا آنادولو تورکجه سی نین الیفبا کؤچورمه سی دیر و تکجه ه-لار یئرینه خ و ک-لار یئرینه ق قویموسوز، والسلام! . سای سیز حسابسیز آنادولو تورکجه سیندن ایستیفاده ائتمک دیلیمیزه فارس دیلی کلمه لرینین سایسیز حسابسیز ایستیفاده سی کیمی ضربه وورار. ایفراط و تفریط هر ایکیسی بیزه ضرری وار. سیز نییه آذربایجان دیلینین لاتین الیفباسیندان فایدالانمیرسیز؟ آذربایجانی اؤزگه بیلیرسیز؟ اونوتمایین بو مقیاسدا آنادولو تورکجه سینین ایستیفاده سی دیلیمیزی کؤکدن یوخ ائده بیلر. احساسی باخمایاق قضیه یه. نورمال آذربایجان تورکو «اوزای، اویدو، دونانیم-یازیلیم ، سالدیری، ایچین، ائشیت، تارلا ، اورمان ، قونوشماق» و بئله بئله کلمه لری مقاله ده گؤرسه رؤعب ائدیب قاچار و اؤز اؤزونه دئیر بو منیم دیلیم دئییلمیش، ائله فارسلار دوغرو دئییرلر بیزلر آذری ییک و تورک دئییلیک! سیزین ایشلریزین نفسی یاخشی دیر. آما فارسلار دئمیشکن «دوستی خاله خرسه» ناغیلینی دا اونوتمایین.
سیز اینگیلیس یا فرانسه دیللرینه باخین. دونیانین ان یایقین و گوجلو دیللری. بیزیم آرزوموز بو دیللرین سویه سینه چاتماق دیر . بو دیللرده هر پاراقرافدا یوزده اللی دن چوخ کلمه لر آلینما دیر. ایندی سیزدن بیر سوال. اولار نیه دیللرینی اؤزگه کلمه لردن تمیزله میرلر؟ یانی سیز اولاردان چوخ بیلیرسیز؟
بیرده مقاله باشلیغینین چوخ اهمیتی وار. اوخوجو باشلیغی چتین آنلاسا یا آنلاماسا اوتوماتیک اولاراق مقاله‌نین ایچینه ده باخماز. نورمال اوخوجو مقاله‌نین آنلانیلماز باشلیغی‌نی گؤردوکده مقاله‌نین ایچینده یازیلانلاری داها چتین فرض ائدر و دئیر باشلیق بئله چتین دیر گؤر مقاله‌نین اؤزو نه قدر داها چتین دیر و بورا منیم یئریم دئییل دئیه‌رک آذب ویکی یئرینه فارس یا اینگیلیس ویکیسینه گئدر. آما بیز ساده باشلیق ایله اوخوجونو بورایا جلب ائده بیلریک، اوخوجو مثلا آنلانیلان باشلیقلی مقاله‌نی اوخویارکن ایچینده اونون موعادیل کلمه‌سینین آنلامینی دا اؤیرنه بیلر.
اونوتمایین دیلیمیزی دؤلت حیمایت ائتمیر. بیز ویکیده ایختیراعی یا یایقین اولمایان کلمه لری یازساق بونلاری خالق آراسیندا مرسوم ائده بیلمریک. دوغرو جهتی اونوتمایین:
دوغرو جهت: خالق ادبی و دانیشیق دیلی -----> ویکیپدیانین دیل طرزی
سایین Matreeks، بیر. ارکک دیشی اولماق اؤنملی دئییل؛ آنجاق آردا اوغلان آدی دیر. آنلامی دا خلیفه و جانشین دیر. یازیلارین سونوندا یازارلار ها "آردی وار"، کؤکو اوردان دیر. ایکی. یازیبسیز "ویکی پدیا مدرسه دئییل" !! به نمنه دیر؟ بورانین آدی بیلیکلیک دیر، دایره المعارف دیر، بیلیم یایماق و بیلیم پایلاشماق یئری دیر. بیلیم ده ثابیت و وحی مونزل دئییل. هر نه دَییشه بیلیر. دیل ده تاریخ بویو دَییشیب ائتکیلنیر گنیشلنیر. اوچ. نه دن بو قدر تورک دیللری لهجه لرین آراسیندا بالاجا فرقلری آشیری درجه بؤیوتمک ایستیرسیز؟ بیر یاندان دئییرسیز اینگیلیسلی لر فرانسه لردن چوخلو سؤزجوکلر آلیرلار؛ آما سیز نه دن تورکیه دن آلینما تورکجه سؤزلرین قارشیسیندا دورورسونوز؟! تورکیه دن مجانی سؤزجوک آلماغین قورخوسو یوخدور! ایندی ده اویدو ساتلایت و ایلیشکیلر دؤنمی دیر، هامی تیلویزیونلارا سایتلارا باخیر ، اسکی زامان دئییل هئچ کیمسه بو سؤزجوکلری باشا دوشمه سین. دؤرد. باشلیغا گؤره من سیزدن 180 درجه فرقلی دوشونورم. باشلیق چون گؤرونور؛ دیلین ویترینی دیر؛ "مصنوعی قمر" یازی نین باشیندا اولسا ، هامی دئییَر باشلیق ایچین سؤزجوکلری یوخدور گؤر ایندی یازی نین ایچینده نه شلم شوربا دی!!! بئش. بورانین آدی تورکجه دیر، و اؤز کیملیگینی داشیماسا، یوز ده یوزه بورانی توز باساجاق. آلتی. الویس پریسلی یازیسی چوخ اوزون ایدی و هله ائدیت ائتمه میشم، آنجاق بیر آز اوخوسایدین و باشقا ویکیلرینه ده باخسایدن بیلردین کی بو یازی اولدوزلو آزربایجان تورکجه سی ویکی پدیاسیندان کؤچورولوب، تورکیه تورکجه سیندن یوخ! --Arda Arpaçaylı (دانیشیق) ۲۱ دئسامبر ۲۰۱۵، ساعت ۲۰:۳۹ (UTC)
بوردا هدف بیرینی محکوم ائتمک دئییل. بحثدن هدف دوز یولو تاپماق دیر. بیزیم دیلده ائرکک دیشینی اینسانا ایشلتمزلر. تورکیه طرزی یازیرسیز. بیرده ارکک یوخ ائرکک. یئنه تورکیه طرزی. بورا مدرسه دئییلدن منظور کلمه اؤیرنمک باخیمیندان دئییلمیشدیر نه علم اؤیرنمک باخیمیندان(بونو سیز بیلیرسیز آما جهل ائتمک اوچون بوردا یازیرسیز!). یازمیشسیز یوزده دوخسان دوققوز اوخوجو اوزای و اویدونون آنلامینی بیلیر و یوزده بیر بیلمه ین ده کلیک ائدیب اؤیرنر! بیلمیرم هاردا یاشاییرسیز آما بئله توهومدن اویانمالیسیز. سیز ایستانبول ایله زنجان مراغا اورمیه نی عوضی توتوبسوز. منیم اوسته یازدیقلاریمی بیر دفعه دوز عملی اوخوسایدیز بئله ناموکمل و مبحثدن اوزاق جواب یازمازدیز. حؤرمتله. Matreeks (دانیشیق) ۲۱ دئسامبر ۲۰۱۵، ساعت ۲۱:۲۳ (UTC)
---
Matreeks، یازیلاری اوخومادان موغالیطه ائتمک و منطیقسیز ایلیشکیلر قوروب و باشقا بوداقلارا قونوب بیر چالیشمانی دَیَرسیزلندیرمک سیزین تارتیشمانیزین اوسلوبودور! سؤزلر "باشکند" قونوسوندا یازیلیب، من ده یوخاری دا سند مدرکله اوچ "باشکند" آدی اؤرنک یازدیم و دئدیم ان آزی 3 تورک کند واردیرː باشکند (اوجان)، باشکند (ماکی)، باشکند (ساراب) . آما سیز آردیجیل "یئنه تورکیه طرزی" "یئنه تورکیه طرزی" دئییرسیز! بونلار هامیسی دیلیمیزده واردیلار، و اصلن ده عجیبه غریبه سؤزجوکلر دئییللر. اولابیلر من تورکیه دیلیندن ائتکیلنم، و بو دا دوغال دیر، تورک دیلیمی گوجلندیرمک ایچین تورکیه سایتلارینی اوخوماق و کاناللارینا باخماق زوروندایام. بو مملکتده نئچه دنه تورکجه دوزگون کانال و یا نئچه تورک درگی یاییملانیر؟! اصلن یاییملانیر؟!! "ارکک"ده "اَر"دن قایناقلانیب. عجیبه غریبه سؤزجوک "ناموکمل" سؤزونو ایشلتمک دیر! هاردان چیخارتدین ناموکملی؟!! ویکی پدیا دا دا اؤیرتمک ایچین محدودیت و سینیر یوخوموز دور؛ بیلیم ائوی نین کرپیچلری بو سؤزجوکلر دیرلر. --Arda Arpaçaylı (دانیشیق) ۲۲ دئسامبر ۲۰۱۵، ساعت ۰۶:۱۵ (UTC)
من همیشه چالیشیرام نتیجه سیز بحثلردن چکینم. من سیزی یوزده یوز آنلاییرام. ان طبیعی گؤرسنن یوللارین بیرینی سئچیب قاباغا گئدیرسیز. سیزین ایشلرینیز بوتونلوکله آلقیشا لاییقدیر. سیز واختینیزی قویوب، بوردا آنا دیلینیزین دیرچلیشینده دئینیزی ادا ائدیرسیز. هر ایکیمیزین هدفی بیر دیر. آما بو هدفه یئتیشمکده یوللار بیراز فرقلیدیر. بو ویکینین یارانما سئیرینه باخسانیز چوخ شئیلر الده ائده بیلرسینیز. آزویکی ده عرب الیفباسی ایله یازماق، بیزلری اوردا بایکوت ائتمک، انکوباتور یاراتماق، اوردا چالیشماق، اون مین مقاله میزین آزویکیده سیلینمه سی، اونلار ایله جدل بحث ائتمک، ..... ویکیمدیایا مکتوب یازما، شیکایت آپارما، ..... ان سوندا ایسه بورانین یئنی یارانماسی. بو پروسسلری ایزله مک و موثبت تجروبه لریندن درس آلماق و اؤیرنمک بیزلره بیر وظیفه کیمی دیر. بو یولدا داها چوخ آنلانیلمالی یازماق و مقاله یاراتماق ان عاغیللی ایستراتژی اولا بیلر. بیزیم دیل وب دونیاسیندا دا مظلوم و مونزوی اولوبدور. دیلیمیزده یازان آزدیر، بو یازانلارین چوخو دا غئیر—ایستاندارد بیر طرز ایله یازدیقلاری اوچون اوخوجوسوز قالیرلار. اوخوجو جذب ائتمگه ایستراتژی یوخدور. گنج و جاوانلار تورکجه مقاله اوخوماقدان قاچیرلار، چونکی اوردا معناسینی بیلمه دیکلری کلمه لره و چتین آنلاملی یازی طرزلرینه راست گلیرلر و اوخوماقدان پشمان اولوب گئدیرلر فارسجا یازیلان وبسایتلارا. بیزیم اینترنت عالمینده بیر دنه ده اولموش اولسا دا تورکجه عرب الیفباسیندا دوز عملی و فعال بیر وبسایتیمیز یوخدور، اولان وبسایتلارین دا آلکسا وب سایتیندا روتبه لرینه باخاندا آدام اوتانیر. وضیعیتیمیز وب دونیاسیندا فاجیعه لی دیر. خوشوموز گله گلمه یه تورکجه اوخوماغا ایقبال آز دیر. عیلتی نی هامی بیلیر. دیلیمیزده تحصیل یوخدور. نئجه ایقبالی چوخالدا بیلریک؟ چتین یازماق دیر می بونون یولو؟ غیر-ایستاندارد یازماق دیر می؟ هرکس کئفی چکن کیمی یازیر. هرکس اؤزونه بیر فرهنگیستان آچیب عشقی چکن کلمه لری و یا یازی طرزینی ایشلدیر. 1380 ده قرارلاری قبول ائدیلن یازی قوراللاری اونودولوب. هئچ بیر ایستراتژی یوخوموز. بونلار هامیسی دیلیمیزه ضربه وورور. نیه بیزیم دیلده ورزش 3، تابناک، فارس نیوز، عصر نیوز ، بی بی سی فارسی، ... و یوزلرجه بئله بئله فعال وبسایتلارین تایی یوخدور؟ نئچه میلیون قات تورکجه یازیلان وبسایتلاردان چوخ اوخوجولاری وار بونلارین. بو وبسایتلارا گئدنلرین ده یاریسیندان چوخو آنا دیلی تورکجه اولان اوخوجولاردیرلار. بو بؤیوک پوتانسیئللری بیزلر اونوتمامالی ییق. دوشونمه لی ییک نئجه بونلاری جذب ائده بیلریک. عاغیللی ایستراتژیلر ایله اوخوجونو یئنه و یئنه جذب ائتمه لی ییک. پسیکولوژیک، روانشیناسی یوللاری اوستونده ایشله ییب اوخوجو جلب ائتمه لی ییک. ویکیمیزده ده بئله اولمالی دیر. Matreeks (دانیشیق) ۲۳ دئسامبر ۲۰۱۵، ساعت ۰۱:۱۶ (UTC)
@Matreeks: اوندا CENTER -ه نه دئیک؟--آلپ ار تونقا✉ ۲۳ دئسامبر ۲۰۱۵، ساعت ۱۲:۱۴ (UTC)
بورداکی مبحث تام مرکزه گؤره دئییل. عومومی بیر بحث ایدی. من اؤزوم پایتخت و مرکزی بینیرم. باشکند ده یازساق خالق اونو دفع ائده جک. باشکند یانی کندلر ایچره باش موقعیتی اولان. نه دؤلتین سیاسی مرکزی اولان بیر شهر. آذربایجاندا هئچ کیم شهر یئرینه کند ایشلتمیر. تهرانا بیز باشکند دئسک خالقا گولونج گلر. دئیرلر هاچاندان بری تهران بؤیوک بیر شهردن بیر کنده چئوریلیب! Matreeks (دانیشیق) ۲۳ دئسامبر ۲۰۱۵، ساعت ۱۶:۱۸ (UTC)
@Matreeks: اوْندا موافیق اوْلساز CENTER اۆچون مرکز و capital اۆچون پایتخت یازاق.--آلپ ار تونقا✉ ۲۴ دئسامبر ۲۰۱۵، ساعت ۱۲:۲۲ (UTC)
فیکریمجه باشقا ایشلدنلر ده دوشونجه لرینی بونا گؤره یازمالیدیلار. بیزیم خالقین آغیز دیلی و بعضی شوعارلاردا مرکز دئییلیر آنجاق پایتخت کلمه سی آذربایجان جومهوریتینده یایقین دیر. پایتختین موشکولو یوخ منیم نظریمده آما تام فارسجا اولدوغو اوچون بعضی یازیجیلاریمیز اونو آز قارشیلاییرلار. خونثی عربجه اولان مرکز کلمه سی یا اؤلکه مرکزی اوسته آز بحث آپاریلیب. مرکز کلمه سی center آنلامیندا دا ایشلنیر. نئجه کی capital کلمه سی سرمایه آنلامینی دا داشیییر. من عزیز ایشلدنلردن نظر لرینی بونا گؤره ایستردیم. منیم نظریمه هانسی کلمه چوخ محبوبت و منطیق باخیمیندان داها چوخ حیمایت قازانسا سئچیلمگه لاییقدیر. Matreeks (دانیشیق) ۲۴ دئسامبر ۲۰۱۵، ساعت ۱۶:۲۷ (UTC)
پایتختین فارسجا اولماسی ایرادی یوخدو مین لر تورک کلمه فارسجا دا وار نه ایرادی وار نئچه کلمه فارس دان تورکویه گله.باشنکد خلق آراسیندا یئر آچین جاق تورکجه دن تورکجه لیک قالماز.احساسی قضیه یه باخمیاق، بیر قیسا مدت ده اولماز میلتین ییرمی، اوتوز، قیرخ ایل دانیشان دیلی سیلیب یئنیدن دولدوران ،ویندوز دییل 7 سیلیب 8 نصب ائلیه ین .OKTAY (دانیشیق) ۲۵ دئسامبر ۲۰۱۵، ساعت ۰۹:۴۱ (UTC)
هاواخدان شهره کند دئییللر، بو فایداسیز دانیشیخلاری بوراخیب بیر آز مقاله یازین.--Great azerbaycan (دانیشیق) ۲۹ دئسامبر ۲۰۱۵، ساعت ۱۵:۱۷ (UTC)
@Ilğım: بی، زحمت اوْلماسا، دلیل و قایناق‌لارا باخاراق سئچیلمیش سؤزجوگو بللی‌لشدیرین.
--آلپ ار تونقا✉ ۲۹ دئسامبر ۲۰۱۵، ساعت ۱۶:۴۹ (UTC)
سایین Great azerbaycan ، تاشکند آدلی بیر یئره باشکند دئییلن گوندن کؤی و کند فرقلی اولوب. بو سؤزجوک و یازماق طرزلری تارتیشمالاری اولماسایدی بو ایکی آیدا 100 یازی یئرینه 300 یازی یاراداردیم. اؤزو ده سنین چالیشمالاریوا باخدیم، آوقوست آییندا یارانمیش اکانت وارین و بو 5 آیدا یاراتدیغین یازیلارینین سایی سی سؤزونله اوست اوسته گلمیر! اولمیا بوگون سَس سایی سی نین اؤنمی وورغولانانیب و ...؟! --Arda Arpaçaylı (دانیشیق) ۲۹ دئسامبر ۲۰۱۵، ساعت ۱۷:۱۷ (UTC)
اکتای بی، منیم سؤزلریمه چاتدیز؟ بوتون سایتلار و وبلاقلاریمیزی فیلتر ائدیبلر و بورا اینترنتده دیلیمیز اۆچون سوْن فرصتدیر آنجاق بو ایشلرله بورانی بیر فایداسیز و اوخوجوسوز یئره چئویریبلر. یاریم ساعات وقت قویوب مقاله یاراتدیم، ایلغیم گلیب اوستانی ایالت ائتمکله بیر ثانیه ده آفتافا گؤتوردو ایچینه. سیز عراق یاراتدیز گلیب عیراق ائتدی، هامی بیلیر ایران دا هئچ کیمسه عراق یئرینه عیراق دئمیر آنجاق چون باکی دا عیراق دئییرلر بیز ده اولارین غلامی کیمی گرک گؤزوموزو تیکک باکی قورومساقلارین آغزینا طوطی کیمی اوْنلار هر نه دئدی بیز ده دئیک. سیز آذویکی ده استاتوس یئرینه دوروم یازساز، بن ائدیب دئیرلر باس اشیه گئت ترویکی یه، بورا سنین یئرین دئییل. سیز نه حقله ۲۰-۳۰ نفری ۲۰-۳۰ میلیون آدامین دیلینه تصمیم توتورسونوز، اونلار خوشلاییبلار باشکند یئرینه پایتخت، ایالت یئرینه اوستان دئسینلر، سیز اونلارین تصمیمی و دیلینه احترام قویماساز اونلاردا سیزین یازیلارینیزی هئچ توالت دستمالی دا ائتمزلر. دیلیمیز آرادان گئتسه، پانفارسلارین تقصیری یوْخ سیزین تقصیرینیز دی کی تورکجه یازیب اوْخوماغی چتینلشدیریرسینیز. بئله گئتسه بورانین باغلانماسی، قالماسیندان داها یاخشیدیر.--آلپ ار تونقا✉۱۵ مئی ۲۰۱۶، ساعت ۱۱:۰۱ (UTC)جاواب
دیللرین یازی شکلی دانیشیق شکلی ایله فرقلی اولار. یازی شکلینین قایناغی سؤزلوکلر و دیل بیلیمی کیتابلاری‌دیرلار. ایشی چتین ائدن بودور سیز هئچ سؤزلوگو و هئچ دیل بیلیمی کیتابین قبول ائله‌میرسیز. سیز بیر کیتاب بیر سؤزلوک بویروز اونون اۆزویله قاباغا گئدک.--Arslanteginghazi (دانیشیق) ۱۵ مئی ۲۰۱۶، ساعت ۱۴:۵۴ (UTC)جاواب
حؤرمتلیArslanteginghazi بی مسئله سؤزلوک دئییل ،ایتیفاقا شاهمرسی ده دیرلی کیتابدیر مسئله بۇدورکی سیز ائله کلمه‌لر اۆستونه ال قوْیورسوز کی تانینمامیشدیر.مثلا ائله بۇ پایتخت کیتابدا وار یا پیام ،تبعید اما سیز سئچن کلمه‌لر باشکند ،مساز ،سۆرگونلوک دور،آیرلاری دا سیاست =پولوتیکا،خلیج =کؤرفز ...یازماغی بَینیرلر بغضا نیت فقط تورکیه دیلینه بنزتمکدیر یوْخسا هر ایکی کلمه‌ده اؤزگه‌دیر و بو ایشی چتینله‌شدیریر.یوْخسا من دئمیرم هر یوْلدان کئچن کلمه‌نی دیلیمیزه سوْخاق .بوْنلاردان سوْنرا فارس و عرب دیللرینین آلتیندان چیخماق بۆتون ادبیتاتیمیزی آتماق دیر.مثلا خورشید بانو ناتوان یا فضولینین شعرلرینه باخساز یاریدان چوخو عرب-فارس کلمه‌لردی بۇ شعرلری آتانماریق یوْخسا دیلیمیز یوْخا چیخار،ایندی تورکیه‌ده آتاتۆرکون( 90ایللیک) مثلا گئنچلیگه خیطابهسین موعلیملر باشا دۆشمورلر اما بیزیم 10-12 یاشیندا اوشاق 90% راحت آنلار اوْنلارا بۇ ایش تحمیل اولدو، سیزده اونلار زورلا تحمیل اولان جریانی ایستیرسیز ایختیارلا باشیمیزا گتیرسیز ، اؤز تۆرکجه (هر دیل) چیخماز بیر یوْلدو .ایلیغم بی بویوردوغو کیمی بۇراسی «بیلیکلیک»دیرو علم ،بیلم پایلاشماق یئریدیر دیل مدرسه‌سی دئییل علم مدرسه‌سی دیر.
من اؤز تۆرکجه آختارانلاردان دییلم، یاراتدیغیم مقاله‌لردن ده آیدین‌دیر. دقت ائتسه‌یدیز سۆرگونلوک سؤزجوگون تبعید ایله یان یانا ایشلتمیشدیم، نییه کی عربجه‌دن دیلیمیزه گلن کلمه‌لری اؤز دیلیمیزده اولان کلمه‌لرین یانیندا ساخلاماغا اینانیرام. اما نییه بیز تازا تندیردن چیخمیش پهلوی و سانسکریت سؤزجوکلری دیلیمیزده ایشله‌دک؟ مسئله فقط پایتخت دییل، بو گون باشکندی پایتخت یازساق صاباح، اینانماغی «باور ائله‌مک» یازدیراجاقلار!--Arslanteginghazi (دانیشیق) ۱۵ مئی ۲۰۱۶، ساعت ۱۸:۱۸ (UTC)جاواب
بۇ مسأله چوْخ جالیب گلیر: «بۇ تۆرکیه/باکی دیلیدیر٬ تۆرکیه‌ده قوْندارما سؤزجوکلر چیخاریلیب٬ ...» دئیه تۆرکجه سؤزجوکلرین ایشلنمه‌سینه قارشی چیخان یوْلداشلاریمیز٬ «فرهنگیستان-فارسی» چیخاردان سؤزجوکلری ایشلتمکدن هئچ چکینمه‌ییرلر! آنجاق ویکیپدیانین قایناق اصلی بۇ مسأله‌نی ده حل ائده‌جکدیر؛ اثرلرینی ایندیدن گؤره بیلیریک... حؤرمتله Ilğım (دانیشیق) ۱۶ مئی ۲۰۱۶، ساعت ۰۶:۱۱ (UTC)جاواب
1-من بیر یا نئجه سوزلوگو اساس آلماقلا موشکولوم یوخدو ،سوزلوکدن سئچدیگینیز کلمه‌لرله موشکولوم وار .مثلا فارسلار معین سوزلوکلرین اساس توتوقلارینا رغما ایمکانی یوخدو مثلا :ورجاوند،آبخوست،گجسته و....کیمی سوجوکلری ایشله‌ده‌لر دلیلی بو دورکی کیمسه بونلاری آنلاماز.بویاندا دا سیز تورکجه ده بو مودل کلمه‌لری یئریتمگه ایصرارینیز وار.اودا او شرایطده کی چوخ آز آدام تورکجه‌نی (راحت) اوخویابیلیر ،طرف زورلا حرفلری بیربیرنه یاپیشدیریر اوخویا بو بیر بویوک موشکولدور؛ اویاندان دا سیز یازان کلمه‌لرین ده معناسین بیلمیر بو دا ایکی موشکول ، اؤز اؤزه‌نه دئییر "بو نه دیلدیر" سونرا بورواخیب گئدیر دالینادا باخمیر.چوخ آیدین دیر چالیشانی اولمویان ویکینین اوخویانیدا یوخدو .بیرآز دا سیزین کیمین دوستلار آرتیق هیمت ائله‌سه و تورکجه‌نین کؤکونه بالتانی دیبدن وورسالار هامی یاواش یاواش فارسلاشار چون بیر طرف میخی خطدیر(آددا تورکجه) بیر طرفده (زبان شیرین فارسی!) ؛صاباح دا دئیین محمود افشارین روحو خلقیمیزی فارس ائله‌دی(:
پایتخت گنه نئچه یوزایل تورکجه‌ده یازیلیب، اوخونوب اما باشکند هم تازا کلمه‌دیر همده کند فارسجادا (سغد) کؤکووار. لاپ گولمه‌لیدیر، دئییرلر؛ "تورکجه‌ده کلمه یوخسوللوغوندان گئدیبلر اؤلو سغد دیلیندن کلمه یارادیبلار" ائله بو ایشی ده فارس فرهنگیستانیدا گؤرور دا، بیر طرفدن فرهنگیستانی پیسله‌یین بیرطرفدن ده اونلارا تای ایش گؤرون! (پارداوکس)
2-فرهنگیستان کلمه‌لری:مثلا شهردار ،شهر دیلیمیزده وار یا یوخ؟ البته وار دار اکی ده وار ،قیلیچدار،مالدار،دیندارو.....موقایسه ائله‌ین بلدیه باشقانی یلا نه بلدیه دیلمیزده یایقیندیر نه باشقان، دیلین ایجازین آپاریر و آنلامانی چتینله‌شدیریر.سونرا اگرده دار اکینی بینمه‌سز هئچ یئرده ایشلهتمه‌گین.
شهریستان :گنه شهر واریمیزدی،ـستان دا تماما قبول اولموش اک دیر،فارسلارین اؤزو ایشه‌تمین یئرلرده ده ایشله‌نیر :
یونانیستان،فارسیستان،داغیستانو....بوداکی بوتون دیلیمیزده وار.
3-من ده قورخورام بوگون باشکند یازاسیز صاباح دا آتا یا: بابا ،اودا: آتش،منه :بن،شئه:نم،پیشیگه:کئدی،دؤیویه:پیرینچ،......بلکه‌ده اؤز یئرینه کندی یازاسیز.هارادان معلوم؟!؟!
ساغ قالین بَیلرM.XIII (دانیشیق) ۱۶ مئی ۲۰۱۶، ساعت ۱۱:۴۴ (UTC)جاواب
منجه باش‌شَهَر ان یاخشی سؤزجوک اولا بیلر، چون کند سؤزجوگی بیزیم دیلیمیزده روستا و ده معناسین وئریر، پس باشکند سؤزجوگی ایشکال یارادا بیلر، پایتخت سؤزجوگی دا کاملاً فارسجا دیر، پس باش‌شَهَر سؤزجوگی او بیری سؤزجوکلردن موجه تر و مقبول تر اولا بیلر، چون ان آزی باش سؤزجوگی تورکجه دیر و شهر ده بیزیم دیلیمیزده ائله اؤز معناسیندا گلیر.Mr,p balçi (دانیشیق) ۱۱ مارس ۲۰۱۹، ساعت ۲۳:۱۷ (UTC)جاواب
@Alp Er Tunqa: سلاملار حؤرمتلی آلپ ار تونقا بی. اوْرتایا آتیلمیش ایستیدلال‌لارا باخارساق، باشکند سؤزجوگو سئچیلمه‌لیدیر. باشکندی بَیَنمه‌ییرسه‌نیز، بو سس‌وئرمه ان آزی هله‌لیک نتیجه‌سیز بیر دورومدا قالمالی دیر. سسلرین ساییسینا گلدیگیمیزده، بعضی ایشلدنلرین (اؤزللیکله زاپاس حسابلارین) سسلری اعتیبارسیز دیر. اؤرنک اۆچون ایشلدن Faanee یالنیز 6 گۆن ویکیمیزده چالیشیب و دییشدیرمه سایی‌سی 100-ه بئله چاتمیر. (البته دییشدیرمه‌لرینین ده یاریسی سؤزجوک سس‌وئرمه‌لرینده اولوب!) ایشلدن Great azerbaycan دا دقیقا بو شراییطده دیر. (20-دن آز دییشدیرمه ایله!) یازدیقلاریما دایاناراق، دییشدیرمه‌نیزی گئری قایتارماغینیزی ایسته‌ییرم. سایغیلارلا -- Bir Morty (دانیشیق) ۲۲ دسامبر ۲۰۲۱، ساعت ۱۵:۱۳ (UTC)جاواب
@Bir morty: بی، منیم چالیشدیغیم طرفسیز اولوب بَیَنمه‌لریمی ایداره‌چیلیک وظیفه‌لریمده دیخالت وئرمه‌مکدیر و چوخلو زامانلار اؤزوم موخالیف اولدوغوم باخیشی ایشلدنلر ایجماعی اولدوغو اوچون جمع بندی‌ده سئچیب، اونا بویون اَیمیشم. منجه ده بویوردوغونوز کیمی بو دانیشیق هله‌لیک آچیق قالمالیدیر. حؤرمتله Alp Er Tunqa☎۲۳ دسامبر ۲۰۲۱، ساعت ۰۶:۲۵ (UTC)جاواب
@Alp Er Tunqa: حؤرمتلی آلپ ار تونقا بی سیزین ایداره‌چی اولاراق طرفسیز داورانماغا چالیشمانیزدا شکیم یوخ. اومورام سؤزلریمدن اینجیمه‌یه‌سینیز. آنجاق سیزدن بیر ایداره‌چی اولاراق و اوندان اؤنملی ویکیمیزین ان سابیقه‌لی و ان چالیشقان ایشلدنلرین‌دن بیری اولاراق، خواهیش اولونور بوجور ایختیلافلی قونولارین اهمیتینی درک ائدیب و داها احتیاطلی داوراناسینیز. هم ده یازدیقلاریما سایغی و منطیقله جواب وئردیگینیزدن چوخ مینتدارام. سایغیلارلا -- Bir Morty (دانیشیق) ۲۳ دسامبر ۲۰۲۱، ساعت ۱۸:۲۱ (UTC)جاواب
آچیقلاما: سلام حؤرمتلی ایشلدنلر. منجه دیلیمیزده پایتخت سؤزجوگو داها یایغین سؤزجوکدور. باشکند سؤزجوگو یالنیزجا بعضی میلتچی قوروپلار آراسیندا ایشله‌نیر، آنجاق خالق آراسینده چوخ رایج دئییل. بیرده اوستده بعضی یولداشلار یازدیغی کیمی، کند سؤزجوگو تورکجه بیر سؤزجوک دئییل و هابئله کند سؤزجوگو بیزیم دیلیمیزده روستا (village) موعادیلی‌دیر و بو اۆزدن باشکند کلمه‌سی ائشیدنی ایشتیباها سالا بیلر (گومراه ائده بیلر). یازدیغیم ندنلره گؤره من پایتخت سؤزجوگونو داها اویغون بیلیرم. حؤرمتله Trkgs (دانیشیق) ۲۳ دسامبر ۲۰۲۱، ساعت ۰۸:۵۰ (UTC)جاواب
بیز ایرانین اوستانلارینا ایشاره ائدنده اوستان کلمه‌سیندن ایستیفاده ائده بیلریک و باشقا اؤلکه‌لرینکیلرینه ایالت کلمه‌سیندن. مثلا: زنجان اوستانی، تگزاس ایلالتی، ایزمیر ایالتی. Matreeks (دانیشیق) ۱ آقوست ۲۰۱۵، ساعت ۱۱:۴۴ (UTC)جاواب
منجه ایکی کلمه بلدیه ، ایالت بیزیم قدیم سوزجوک لردن دیر کی دیلیمیزده ایشلنیب اوستان کلمه سی یئنی بیرکلمه اولسا دا تانیش اولسا دا هم بو کی فرهنگستان زبان و ادب فارسی نین وارداتی بیر کلمه لرین دن دیر هم بو کی (پهلوی) دیلیندن آلینمیش بیر سوزجوک من نهایت بو سوزجوک له مخالیفم آنجاق بونو دا دئملییم سانجاق دا ایشلتمک بیر آز غئیر طبیعی گلیر اوندا گرک مقاله لرده یازاق باتی آذربایجان سانجاقی کی راوام دئییل آمما ایالت سوزجوگو ایندی ایستفاده اولونماسادا تانیش اویغون هابئله چوخلو شهرلریمیزه بو آدلارا ساختمان و مئیدان وار میثال ایالت مئیدانی اورمودا--Amir a57 (دانیشیق) ۱ آقوست ۲۰۱۵، ساعت ۱۲:۳۴ (UTC)جاواب
اسکیلیک، یئنی‌لیگه دئییل. منجه عربجه ایالت ایله فارسجا اوستان‌دان، بیزیم ملتیمیز اوستان‌لا داها چوخ تانیش‌دیر. بیرده اوستان ایله ایالت آنلام‌لاری فرقلیدیر. چونکو ایالت فدرال و خودمختار بؤلگه‌لره، اوستان دا بسیط اؤلکه‌لرین بؤلگه‌لرینه دئییلیر. منجه ساده اؤلکه‌لرده (ایران، فرانسه، چین و ...) ده اوستان فدرال اؤلکه‌لرده (اوستورالیا، آمریکا، هیند و ...) ده فا ویکی کیمی ایالت یازمالی‌ییق.--Koroğlu (دانیشیق) ۱ آقوست ۲۰۱۵، ساعت ۱۷:۴۳ (UTC)جاواب
بیزه هانسی تاریخی مقطع ده فدرالیق وئریب لر بو دا اولا 2 جی سی ؟؟؟آذربایجان فئدرالیق وئردیلر قالدی باتی آذربایجان بابا بو سوزلرلره اوزونوزو توجیه ائتمه ین ایتیب باتمیش دیلین لوغتین گتیریب ضوروندان بو دیله سوخمایین مین دنه لوغت بو دیلده ایشتباهی ترجومه اولوب صفحه نی ذخیره ائت اولوب صفحه نی ساخلا - آذربایجانی جنوبی اولوب - آذربایجان ایران و هابئله ....... من بیلمیرم نیه بونا گیر وئریب سیز پهلوی شونیست لر قورخمایین مندن سیزدن یاخشی دوشنوردونلر ایالت معناسی نمنه اولور و بونا گوره ده یوخ عربجه اولماغینا گوره اونو دییشیب لر .--Amir a57 (دانیشیق) ۱ آقوست ۲۰۱۵، ساعت ۱۸:۰۳ (UTC)جاواب
منجه ایران ویلایتلرینه دئییلدیگی کیمی «اوستان»٬ آذربایجان ویلایتلرینه «رایون»٬ تۆرکیه ویلایتلرینه و بؤلگه‌لرینه «ایل» و «ایلچه»٬ و باشقا اؤلکه‌لرین ویلایتلرینه «ویلایت» سؤزوندن ایستیفاده ائتمه‌لی‌ییک؛ فدرال ویلایتلر اۆچون ده ذاتاً «ایالت» سؤزو ایشلنمکده‌دیر. «ویلایت» سؤزو «اوستان» سؤزو فارسجا فرهنگیستان طرفیندن یارانمامیشدان اؤنجه ایراندا بئله ایشلنمکده‌یدی (اؤرنک اۆچون: اوْندان قاباق، بۇ بؤلگه گیلان ولایتی یوْخسا بیرینجی اوستان آدلانیردی.)٬ حال-حاضیردا افغانیستان بؤلوملری اۆچون ده ایشلنمکده‌دیر[۲][۳][۴]. «ویلایت» سؤزونو «ایالت» قیراغیندا ایشلتمک بۇ ایکی سؤزجوگون معناسینداکی یاخینلیغی دا آیدین‌راق گؤستره بیلر. حؤرمتله --Ilğım (دانیشیق) ۳۱ مئی ۲۰۱۶، ساعت ۰۹:۰۴ (UTC)جاواب
ایرانا اوستان و فدرال اۇلکه لره ایالت ایشلتمک له سؤزوموز یوخدور آنجاق آیری اؤلکه‌لره ندن تورکیه / آذربایجانین آیری یئرلرله فرق قویمالیییق یا گرک هامیسینا یئرلی سؤزلردن (رایون، ایل، کانتون و ...) ایشله‌دک یادا هامیسینا اؤز اؤلکه میزده ایشلتدیگیمیز و تانیش اوْلان سؤزو ایشله‌دک.--آلپ ار تونقا✉۳۱ مئی ۲۰۱۶، ساعت ۱۶:۴۱ (UTC)جاواب
1-بو کلمه‌لرین اۆچوده اؤلکه‌دن اؤلکه‌یه و فرقلی شرایط ده و اؤز یئرینده ایشلنملیدیر.آمّا اوخوجولارین تورکجه ساوادلاری آز اولدوغونا گؤره مطلبین ساده‌لیگی ده اهمیتلیدیر.
2-اوستان سوزجوگونه ده بو قدر حساسیت لازیم دئییل،اوستان ائله همان _ستان (مثلاً:تورکیستان=>تورک+{او}ستانی) اکی دیرکی فرهنگیستانین یارانماسیندان یؤزلر ایل قاباق تورکجه‌یه گیریب و اورجینال آراشیدرمادا شامیل اولمور ذاتاً دیلمیزده وار.M.XIII (دانیشیق) ۳۱ مئی ۲۰۱۶، ساعت ۱۷:۳۵ (UTC)جاواب
بیر نۆکته‌نی آچیقلامالی‌یام: بعضی یوْلداشلارین دلیللری اوستانی سئچمک اۆچون بو دور کی اوستان فدرال اوْلمایان اؤلکه‌لرده و ایالت فدرال اؤلکه‌لرده ایشلنمه‌لیدیر. آنجاق Province بعضاً فدرال اؤلکه‌لرده ده ایالت معنی‌سینده ایشلنیر (اؤرنک اۆچون: کانادا). من ایالت/ویلایت ایکیسی ایله ده یاناشی‌یام، آنجاق اوستانا دا قارشی دئییلم. سایغیلاریملا -- Bir Morty (دانیشیق) ۲۷ دسامبر ۲۰۱۸، ساعت ۱۹:۳۰ (UTC)جاواب
