پروین اعتصامی
پروین اعتصامی ـ چاغداش ایرانلی شاعیر.
Parvin E'tesami | |
|---|---|
پروین اعتصامی | |
.jpg) | |
| دوغوم | Raḵšanda Eʿteṣāmī ۱۹۰۷ |
| اؤلوم | ۴ آوریل ۱۹۴۱ (عیبارت خطاسی: تانیمایان نوقطالنمیش یازی «{» یاش) |
| تحصیل یئری | Iran Bethel School |
| پئشه | Poet |
| حیات‌یولداشی(لاری) | Fazlollah Etesami (1934–1935, separation) |
| والیدین(لری) |
|
| قوهوملاری | Abolhassan Etessami (uncle) |
حیاتی
دَییشدیرپروین اعتصامی‌یه مشهور اولان رخشنده اعتصامی آذربایجانین بؤیوک شاعرلریندن ساییلیر. او 1285-جی ایلین اسفند آیی‌نین 25-ده تبریز شهرینده دوینیایا گؤز آچدی. آتاسی میرزا ابراهیم آشتیانی‌نین اوغلو یوسف اعتصامی، اعتصام الملک آشتیانی آدینا مشهور ایدی. آناسی مقدم العداله‌نین قیزی بانو اختر فتوحی ایدی.
او «تربیت نسوان» آدیندا کتابی یازان عالم آتاسینین تربیتی اینن بویا باشا چاتیر. عرب و فارس دیل‌لرینی‌ده آتاسیندان اؤرگشیر و آتاسی ایله بیرلیکده تهرانا گئدیر. 8 یاشیندان شعر دئماغا باشلاییر.
پروین 28 یاشیندا یعنی 1313-ده کرمانشاهدا شهربانی رئیسی اولان عمیسی اوغلو اینن ائولنیر. آما اونون لطیف روحی نظامی خصلتینن توتمور. و نهایتده ایکی آی یاریمدان سونرا بوشانیب آتاسی ائوینه قاییدیر.
بیر ایل سونرا یعنی 1314-ده پروین اعتصامی‌نین بیرینجی شعر کتابی چاپ اولور.
پروین بیر مدت تهرانین عالی دانشسراسیندا کتابچی کیمی چالیشیر و عینی حالدا شعر قوشماغا ادامه وئریر. نهایتده اجل پروینی 35 یاشیندا یعن 1320-جی ایلین فروردینین 15-ده ادب و شعر دونیاسیندان آلیر و پروین قم شهرینده عایله مقبره‌سینده آتاسی جیواریندا تورپاغا تاپیشیریلیر.
پروینین دیوانیندا 248 قطعه شعر وار کی اونلارین 65 قطعه‌سی مناظره کیمی یازیلیب.
یاشاییشی
دَییشدیر"پروین اعتصامی" 1285- نجی ایلین اسفند آیی‌نین 25- ینده تبریزده دونیایا گؤز آچدی. اوشاق‌ایکن آتاسی ایله بیرلیکده تهرانا کؤچوب، فارس و عرب دیل‌لرینی آتاسینین یانیندا اوخویوب، اینگلیسجه‌نی آمریکالی‌لارین تهراندا کی قیز مدرسه‌سینده اؤیرندی. اونون آتاسی "یوسف اعتصامی" بؤیوک ادیب و بیلگین بیر یازیچی‌ایدی. بونونلا دا پروین ائله اوشاقلیق چاغلاریندان شعر و ادبیاتلا تانیش اولدو.
پروینین دولغون شعرلری اوخوجویا بؤیوک تاثیر قویاراق، حیاتین شیرین‌لیک و آجی‌لیق‌لارینی تانیتدیریب، اونو آرتیق دوشونمه‌یه چاغیریر. اعتصامی‌نین شعرلرینی اوخویارکن سانکی اؤلکه‌نی کوچه – کوچه، قاپی – قاپی دولانیر، توزلو تورپاقلی کوچه‌لردن سوووشور، سوواقلی داخمالاردا قوناق اولور، چیلپاق اوشاق‌لارلا گؤروشور، یوخسول آتالارلا دردلشیر، میسکین یئتیم‌لرین گؤز یاشلارینین، ییرتیجی شاهلار تاجینین پاریلداماسینی آیدین گؤرورسن. پروینین شعرلری گئرچک‌لری عکس ائتدیرن جانلی تابلولار کیمی تصویر اولونموش‌دور.
کیچیک یاشلاریندان ادبیات وورغونو اولوب شعر سؤیله‌مه‌یه باشلایان پروینین آرتیق چیخارلی اولدوغو بللی‌ایدی و آتاسینین گؤروشونه گلن عالیم‌لر اونون چیخیشلاریندان حیرته دالیردیلار. پروین 1313 ده آتاسینین عمواوغلوسیلا ائولندی، آما بو ائولنمه اینجه خیال شاعیرین لطیف دویغوسویلا توتمادیغینا گؤره ایکی آی یاریمدان آرتیق داوام گتیرمه‌دی.
چوخ آز زامان‌دا ایرانین باشاباشیندا تانینیب شهرت قازانان بؤیوک شاعیر 1320- نجی ایلین فروردین آیی‌نین 15- نجی گونو، 12 گون خسته‌لیکدن سونرا دونیادان کؤچدو. اونو قوم شهرینده، حضرت معصومه حرمی‌نین اتابکی صحنینده، آتاسینین مزارینین یانیندا تورپاغا تاپشیردیلار.