چاپار محمدپور
چاپار محمدپور (آغری) تخلوصی ایله تانینمیش ، ایران آذربایجان ماراغالی چاغداش تورکجه و فارسجا یازان شاعیر
| چاپار محمدپور | |
|---|---|
 | |
| آد | چاپار محمدپور |
| قیسا بیلگی | شاعير |
| دوْغوم تاریخ | ۱۳۴۹ ه.ش شهریور آیی ماراغا چلان علیا |
| میللیت | ايران |
| آیری آدلار | آغری |
یاشاییش دَییشدیر
چاپار محمدپور ۱۳۴۹ گونش ایلی شهریور آییندا ماراغا شهری نین چلان علیا کندینده اکینچی بیر عایله ده دونیایا گؤز آچمیشدیر.
۴یاشی اولدوقدا ماراغا شهرینه کؤچورلر و ۱۹یاشیندا واقتسیز اؤلوم گنج آتاسینی الیندن آلیر. ائوین بؤيوك اوشاغی اولدوقدا آتاسیز بیر دورومدا حیاتین بیتیب سونا چاتمایان چتینلیک لری ایله ساواشا گیریر.
ایل‌لرین آجیناقلی گونلری اوندان بیر چالیشقان و یاشامین آغیرلیغی قارشیسیندا بئلی بوکولمه ین بیر انسان بئجردیر.
۲۵ یاشی چاتدیق‌دا ، سینمای جوان انجمنی طرفیندن فیلم سازی مدرکی آلیر و تصویربرداری ایشینه باخیر و اونلا برابر هونر و ادبییات چاپارین دویغولاندیراراق آرا سیرا شعر یازماغا ماراق گؤسترير .
شعر درنك‌لرینه اؤز شهرینده و باشقا شهرلرده حاظیراولور و هونر گؤسترير.
او یاشامی نین فیرتینالاریندان گؤزللمه چیخارتماغی باجاران، اولو بیر شخصیته مالیک اولان ، ائلی نین دردین کدرین اورکده داشییان آغری تخلوصی ایله نیسگیل لرین ، حسرت لرین ، سؤز لرين واراق اوستونه گتیریر و باجاریغین چوخلو تورکجه و فارسجا شعرده عروض و هجا وزنینده گؤسترير.
اثرلری و چالیشمالاری دَییشدیر
•آغری داغی ۱۳۹۸ - شعر توپلوسو
•یازار و شاعیر:چاپارمحمدپور(آغری)
•انتشارات نسیم دانش کهن
•ویراستار : احد فرهمندی
چوخراق درگی‌لرده گونده‌لیک لرده میثال اوچون مهدتمدن ، مهد آزادی ، زنگین یول ، ادبی کؤرپو، اوْلدوز درگی‌سی، باکی‌نین ادبیات قزئتی ،اورمونون آغری قزئتینده شعرلری چاپ اوْلدو .
نئچه سای شعرلریندن شاعیرلرین جمعی شعیر کیتابیندا گونده بیر غزل ، گونده بیر قوشما ، گونده بیر روباعی و ... عنوانیندا آذربایجانین شاعیرلری ایله بیرلیک ده چاپ اولوندو .
۱۳۹۸ ایلینده ایلک شعر کیتابینی "آغری داغی " آدیندا چاپا یئتیردی.
بو کیتابدا کئچیریلن سوسیال(اجتماعی) فولکلور و آنلام فضالاری دئمک اولار شعرلرین اینجه روحو و شاعیرین اینسان و توپلوم‌لا اوْلان دوشونجه‌سی کیتابی نین اوخونولماسیندا ائتگی بوراخدی.
شعرلریندن اؤرنك دَییشدیر
لای لای
لای-لای اوره ییم ! سئوگی سنی قانمادی لای - لای!
ائللر سنی بیر سووزی قده‌ر سانمادی لای - لای!
گوردوم یانیسان ائللره نیسکیل اوجاغیندا
یاندون ! اودووا بیرجه نفر یانمادی لای - لای!
بیر پنجره تک سندن اثر چارچووا قالدی
بیرکیمسه ندندیر سنه بویلانمادی لای - لای!
چیرپینما گؤیرچین کیمی پوزقون قفسینده
خوش گون سنه بیر لحظه آداخلانمادی لای -لای!
یاندین یار اودوندا سنه نیسگیل یارا باغلار
گؤزلرسنه هئچ بیر گیله ایسلانمادی لای -لای!
"آغری"ن نه یامان باغریما تونقال قالاییبدی!!!
لای-لای اوره ییم ! سئوگی سنی قانمادی لای - لای!
دانيشير
گؤزومون دولماقی یالنیز، او باخیشدان دانیشیر
سوسوزوندان باغیمیز گونده یاغیشدان دانیشیر
منیم آلنیمدا جیغیرلار ،قارا گوندن سوز آچیر
بئله پوزقون یازیلار،اسکی تانیشدان دانیشیر
ایچیمیزده بوغولان سوزدو یونور بئینیمیزی
کیم سنه داغلی اوره کلرده ناخیشدان دانیشیر؟
من ائلین باخچاسینین غم چیله ین بولبولویم
منه شن گون قازاماتلاردا یاخیشدان دانیشیر
دیلیم آغزیمدا سوسوب، یوخسا هارای چکمه لییم
سوسور هرگون آنا یوردوم ،قارا قیشدان دانیشیر
اوزو آرغین سوزو یورغون ،بئله بیر چنلی کونول
دردی کوکسومده گزیر،آغری باریشدان دانیشیر
آجيغيم گلیر
دوننان- دونا دوشور، رنگ دن -رنگه
راستینا گلنده باغلار توفنگه
یولداشین اوره یین گتیریر تنگه
دوستون یالتاغیندان آجیغیم گلیر
قدیم دن قالیب دی ؛ سینه به سینه
بللی دیر یوخودور بینووره- بینه
بیلینمیر باغلی دیر هانسی بیر دینه
دوستون یالتاغیندان آجیغیم گلیر
قیپچینمیر دوسنونو یادا ساتاندا
سویونور آرانی بیری قاتاندا
دالدان خنجر وورور دوستو یاتاندا
دوستون یالتاغیندان آجیغیم گلیر
راضی دیر دونیانی سئللر آپارا
دوستونون تارلاسین یئللر آپارا
ایستمیر بهره سین ائللر آپارا
دوستون یالتاغیندان آجیغیم گلیر
یولداشین ییخماغا یامان تله سیر
یالاندان دوستونا اوره یی اسیر
گیرینه دوشنده بیلک دن کسیر
دوستون یالتاغیندان آجیغیم گلیر
خئیریده -شرریده آرانی قاتیر
چوره یین کسمه یه دالیندا یاتیر
بئش اون تومن پولا، یولداشین ساتیر
دوستو ن یالتاغیندان آجیغیم گلیر
دوستو آخسایاندا اوره کدن گولور
یالاندان گوزونون یاشینی سیلیر
غافیلدی، بیلمیر کی، دوستودا بیلیر
دوستون یالتاغیندان آجیغیم گلیر
دوشمنین ازلدن پیسلیک دیر ایشی
هئچده فرق ائله مز ارکک یا دیشی
مگر نارو وورار دوستونا کیشی؟
دوستون یالتاغیندان آجیغیم گلیر
قارغیش آغیر اولار، قارغیشلامارام
حوققا باز آدامی آلقیشلامارام
اولسمده بیله سین باغیشلامارام
دوستون یالتاغیندان آجیغیم گلیر
قورد -قویون دونوندا بودادی منی
تانییا بیلمه دیم دوستو -دوشمنی
بو نیسکیل آی " آغری" یاندیرار سنی
دوستون یالتاغیندان آجیغیم گلیر
گئتمه
تالان -تالان تالانیب ،اووخالانمیشام گئتمه
ائلیم تهر بولونوب ،پارچالانمیشام گئتمه
بوگون سولوب سارالیبدیر ،یاشیل-یاشیل چمنیم
یامان کدر توزونا چولقالانمیشام، گئتمه
غمین هورومجک اولوب ،هورسون ائومیزین باجاسین
هوروبدو قاپ باجامی ،تاختالانمیشام گئتمه
الین الیمدن اولاندان ،گوزوم دولور بوشالیر
دولوب گوزوم کاساسیندان جالانمیشام، گئتمه
بولود-بولود یاغیرام ،گوزیاشیم باشیمدان آشیر
آراز-آراز جوشوبان ، چالخالانمیشام گئتمه
گئدیرسن ایندی؟ اومودلار کوسوب سنیله گئدیر!
یولون دوشنده گوررسن تالانمیشام، گئتمه
دئشیبدی باغریمی "آغری"ن ، غمین اورک دالاییر
غم اولموشام، غمین اوستن قالانمیشام گئتمه !
انجمن ادبی سهند مراغه دَییشدیر
هر زامان اورک دن ادبییات یولوندا جان یاندیریب انجمن ادبی سهند مراغه نین ایلک قورولوشوغوندان اوتوروملاردا شاعیر، آپاریجی و تنقیدچی عنوانیندا شعر اوخویوب و گنج یاشلی لاری آلقیش ائده رک کیلاسلاردا، فرهنگی هونری و ادبی ساحه سینده بو انجمن ده چوخلو چالیشیر.