گلشهری
شیخ احمدگلشهری(13.-14. عصر)، (1250 ؟ - 1335 ؟) تورک تصووف شاعیری. تورکجه‌نین آنادولودا بیر کولتور دیلی اولماسی اوچون سعی گؤسترمیشدیر.
اثرلرینده وئریلن بیلگی‌لره و بونلارین یازیلیش تاریخ‌رینه گؤره 13. عصر سونو ایله 14. عصرین ایلک یاریسیندا قیرشهیرده یاشادیغی، منطیق، ریاضیات، فیقه و تفسیرله مشغول اولدوغو آیدین اولماقدادیر. 1297 تاریخلی وقفیه صاحیبی سلیمان تورمانی‌ین‌گلشهری ایله عئینی آدام اولدوغونو ایره لی سورن‌لر واردیر. مولانا جلا‌ل الدین رومی‌نین اؤلوموندن سونرا، سلطان ولدین اؤزونو مولوی درگاهلاری قورماق اوزره قیرشهیره گؤندردیگی دئییلر. قبیری قیرشهیر مرکزده یئنه عئینی آدی داشییان " احمد گلشهری پارکی" ایچریسینده بیر توربه‌ده‌دیر.
گلشهری‌نین ان اؤنملی اثری فریدالدین عطار عئینی آدلی اثرینی تمل آلاراق یازدیغی و گولشن‌نامه اولاراق دا بیلینن "منطق‌الطیر" دیر (1957). ایسلام فلسفه‌سینده کی مبدأ و معاد (باشلانغیج و سون) مؤوضوسونو ایشله‌ین فارسجا مثنوی فلک‌نامه (گلشهری و فلک‌نامه، 1982)، ف. F. Taeschner-ین چئویریسی ایله یاییملانان 167 بئیت‌لیک تورکجه مثنوی کرامتی آهی ائوران (Gülschehris Mesnevi auf Achi Evran, 1955)، عروض قالیب‌لرینی اؤرنک‌لری ایله گؤسترن فارسجا عروض گلشهری او بیری اثرلری‌دیر. منظوم کودوری چئویریسی هله اورتایا چیخاریلامامیشدیر.