۲۰۱۵ بیرلشمیش میلتلر ایقلیم دییشیکلیگی کونفرانسی

۲۰۱۵ بیرلشمیش میلتلرین ایقلیم دَییشیمی کونفرانسی (اینگیلیسجه: 2015 United Nations Climate Change Conference) فرانسه نین مرکزی،پاریسده، 2015 نووامبر آیی نین 30وندان 2015 دسامبر آیی نین 12 سینه جن قورولدو. بو کونفرانس، 1992-جی ایلیندن، ایقلیم دَییشیمینه گؤره بیرلشمیش میلتلر آراسیندا چرچیوه سؤزلَشمه سینده قورولان، 21جی ایللیک پارتیلر کونفرانسی (Conference of the Parties)، و 1997 کیوتو پروتوکولو دوامیندا پارتیلر گؤروشمه لری نین 11جی بؤلومو ایدی.

United Nations Climate Change Conference

تاریخ	۳۰ نوْوامبر ۲۰۱۵ (۲۰۱۵-11-۳۰)– 12 دسامبر 2015 (2015-12-12)
یئر	Le Bourget in the suburbs of پاریس, فرانسه
باشقا آدلار	COP 21/CMP 11
قاتیلانلار	Parties to the UNFCCC
وبسایت	Venue site UNFCCC site

کونفرانس، بیرینجی دفعه، دونیالیق ایقلیم دَییشمی نین آزالتماسی یولوندا، پاریس اوزلاشماسیندا بیر توافقه اۆچون اؤز هدفلرینه یئتیشدی. بو توافق اۆچون، تقریبا بوتون دؤولتلر قاتیلدیلار. بو اوزلاشمانین اجرایی و مجبوری اولونماسی، ان آزی دونیالیق یاشیلخانا قازلارینین یوزده 55ین دوزلدن 55 اؤلکه سی نین بیر پارتی اولماقلارینا باغلی دیر. بونون تاییدی، قبول اولونماسی نیویورک دا 2016 آوریلیندن 2017نین 21 آوریلینه قدر اولاجاقدیر.

گئچمیش و بکقراند

بو شکیلده ، هاوایا ان چوخ کربون دی اوکسید بوارخان 40 اؤلکه لرین آدلاری و پایلاری، 1990 دان 2013 ایلینه قدر گؤرونمکده دیر. 

آنلاشمالار و دانیشماقلار

کوپ 21: تمثیلچیلری اؤلکه لرین باشچیلاری

انریکو پنا نیتو، فرانسیس اولاند، آنگلا مرکل، میشله باشلت

مالیه

کونفرانسین قورولماغینا 170 میلیون یورو (واختیندا 186.87 آمریکا دولاری) بودجه وئریلمیشدی. فرانسه دؤولتی نین سؤزلرینه گؤره، بو هزینه نین 20%سی ای دی اف، انگی، فرانسه هاوایولو، رنو-نیسان ، و بی ان پی پاریباس طرفیندن تقبول اولونموشدو.

تظاهوراتلار

یاشیل باریش چالیشقانلاری بیر چئوره گؤستریسینده، 100% یئنیلَمَلی انرژی قایناقلارین ایشه آپاریلماسینی ایسته ییرلر

دونیانین دؤرد بیر یانیندا 600 مینه یاخین بیر گوجلو اوزلاشمانی نین ایمضالانماسی ایستَمَک اۆچون گؤستریلره باشلامیشدیلار. پاریسده عومومی ییغینتیلار سون گونلره باش وئرن ترور حمله‌لره گؤره ، قاداغان اولونموشدور، آنجاق مینلر نفر احساس ائتمیشدیلر کی بیر ضعیف سؤزلشمه اورتادا اولاجاق، دسامبرین 12جی گونونده چیخدیلار ائشیگه تظاهورات ائتدیلر. پاریسده آیری جوازسیز تظاهوراتلار دا باش وئردی، و بونا گؤره پولیس و آنتی کاپیتالیست قروپلار آراسیندا نووامبرین 29جو گونونده قارشی دورما و چاتیشما باش وئردی.

پاریس توافوقو

2015 ایلی نین دسامبر آیی نین 15جی گونونده، کونفرانسا قاتیلمیش 196 اؤلکه، دونیالیق آنلاشماسی نین سون درفتینی، بولاندیریجی قازلارین بوراخیلیشی نین آزالتماغی نی، دونیالیق یاشیلخانا قازلارینی آزالتماق طرزی نین بیر بؤلومو اولاراق، قبول ائله دیلر. ۱۲ یارپاقلی پاریس توافوقنامه سینده، عوضولر کربونلو بوراخدیقلارینی تئزلیکله اولدوقجا آزالداجاقلاری، و دونیا قیزیشماسی نین ۲ سانتیقراد (سلسیوس) درجه سی آلتیندا قالاجاغینا باشاردیقجا چالیشاجاقلاری ایله راضیلاشدیلار.
فرانسه نین خاریجه ایشلر وزیری، لوران فابیوس دئدی: "چوخ ادعالی و تارازلانمیش (بالانسلی)" پلان، دونیالیق ایستیلشمَنی آزالتماق یولوندا "تاریخی بیر دؤنوش نوقطه سی" ایدی.

زوراکی اولمایان تعهودلار، و زورلاما مکانیسملرین آزلیغی

توافوقون آپاریلماسی نین ایجباری اولماغی، دونیاداکی 55% بولاندیریجی یاشیلخانا قازلاری بوراخان 55 دؤولتین بیر پارتی اولماغینا آسیلی دیر. آمریکا بیرلشمیش ایالتلری کیمی دؤولتلرین بو اوزلاشما یا بویون اَیَیب راضیلاشمالاری، هَلَه بللی دئییل.