آذربایجان شهید مدنی بیلیم‌یوردو
آذربایجان شهید مدنی بیلیم یوردو ، اسکی آدی آذربایجان تربیت معللیم بیلیم‌یوردو ،فارسجا: دانشگاه شهید مدنی آذربایجان، اینگیلیسجه: Azarbaijan Shahid Madani University، تبریزین ایکینجی بؤیوک دؤولت بیلیم یوردو دور و ۱۹۸۷جی ایلده دوزلمیشدیر. بۇ بیلیم یورد لیسانس ، یوکسک لیسانس و دوکتورلوق درجه لرینده اؤیرنجی یئتیشدیریر. اؤیرنجی سایی سی تقریبا ۷۵۰۰ نفر دیر و اؤیرتیم ساحالاری دا موهندیسلیک، کؤک بیلیملر، ادبیات و الهیات دیر.
آذربایجان شهید مدنی بیلیم‌یوردو | ||
|---|---|---|
| ||
| یارانما تاریخی | ۱۹۸۷ | |
| تیپ | دؤولتی | |
| باشچی | حسن ولیزاده | |
| اؤیرنجی سایی‌سی | ۷۵۰۰ | |
| شهر | تبریز ، دوغو آذربایجان ویلایتی | |
| کئچنکی آد(لار) | آذربایجان تربیت معللیم بیلیم‌یوردو | |
| وئب‌سایت | http://en.azaruniv.ac.ir/ | |
تاریخی
دَییشدیرآذربایجان شهید مدنی بیلیم یوردو ۱۹۸۷ جی ایلده تهرانین تربیت موعللیم بیلیم یوردو (ایندیکی تهران خارزمی بیلیم یوردو ) نون تبریز قولو اولاراق ، دبیریستانلارا اؤیرتمن یئتیشدیرمک اۆچون قورولدو و آدی اوْلدو آذربایجان تربیت معللیم بیلیم یوردو (دانشگاه تربیت معلم آذربایجان). ۲۰۱۲ ایلینده بۇ بیلیم یوردون آدی "شهید مدنی"یه دَییشیلدی، آنجاق سوْنرا آذربایجان آدی یئنه آرتیریلیب ، بوتون آدی "آذربایجان شهید مدنی بیلیم یوردو"نا دَییشیلدی.
فاکولته لر
دَییشدیر- موهندیسلیک
- کؤک بیلیملر
- ادبیات و اینسان بیلیمی
- الهیات و ایسلام بیلیملری
- اطلاعات تکنولوژیسی
- اکینچیلیک
- پسیکولوژی ، تربیت و اؤیرتیم
کامپوس (بیلیم یوردو عرصه سی، تیکینتی‌لر و یاتاق خانالار)
دَییشدیرآذربایجان بیلیم یوردونون ایکی کامپوس واریدیر:
بیرینجی کامپوس
دَییشدیرتبریز-ماراغا یولو، ماماغان و توفارقان یاخینلیغیندا، تبریزین ۳۵ کیلومترلیگینده یئرلشیبدیر. بوتون ایداره لر، فاکولته لر، نئچه اؤیرنجی یاتاغی، کیتاب ائولری، ایش ائولری و لارآمفی تئاتر بوردادیر.
تبریز کامپوسو
دَییشدیرتبریز ایچینده دیر و ۲۰۱۳ ایلیندن پی اچ دی اوخویان یئرلی و ملتلرآراسی اؤیرنجیلره دوزلمیشدیر. فوق لیسانسدا آنالیتیک شیمی، تئوری فیزیکی ، تیکینتی سیویل عومران موهندسلیگی ، الکتریک گوج موهندسلیگی ، ایشلَتمَلی ریاضیات ، و پی اچ دی ده آنالیتیک شیمی، اتومیک و مولکولار فیزیک . بیلیم یوردون ویرچوال اؤیرتیم مرکزی(الکترونیک و مجازی) تبریز کامپوسوندا یئرلشدیریلیب، و همده بیلیم یوردون یای کورسلاری بۇ یئرده قورولار.
دمیر یولو اوتوبوسو (ریل‌باس)
دَییشدیرتهران - تبریز دمیریولونون بیلیم یوردون ایچیندن گئچمه‌سینه گؤره ، تبریزدن بیلیم یوردا قدر بیر مخصوص دمیر یولو اوتوبوس اؤیرنجیلرین گئت گَلینه گؤره اختصاصلاشدیریلیب. بۇ دمیر یولو اوتوبوسونا ریل‌باس آدلانیر، و گونده ۴ دفعه تبریزه گئدیر گلیر.
قایناقلار
دَییشدیر- اینگیلیسجه ویکی‌پدیاسی‌نین ایشلدنلری طرفیندن یارانمیش«Azerbaijan Shahid Madani University»، مقاله‌سیندن گؤتورولوبدور. (۲۰۱۶ ژانویه سی نین ۱۸جی گونو تاریخینده یوْخلانیلیبدیر).