۱۹۰۰ - کانادالی رِجینالد اوبری سسین ایلک دفعه اوْلاراق بیر کیلومِتیر آرادا سیمسیز اؤتورولمه‌سینی باجاردی.
۱۹۰۴ - آمریکا بیرلشمیش ایالتلری احتیاطلار سیستمی یارادیلدی.
۱۹۳۰ - تۆرکیه و یۇنان آراسیندا اراضی مۆبادیله‌سی اوْلدو.
۱۹۴۷ - ایلک ترانزیستور تقدیم ائدیلدی.
۱۹۴۷ - شوروی ناظیرلر شوراسی «ائرمنیستان شوروی جومهوریتیندن کوْلخوْزچۇلارین و باشقا آذربایجانلی اهالی‌نین آذربایجان شوروی جومهوریتی‌نین کۆر-آراز اوْوالیغینا کؤچورولمه‌سی ایله ایلگیلی تدبیرلر حاقّیندا» ۷۵۴ سایلی قرار قبول ائتدی.
۱۹۷۵ - آمریکا بیرلشمیش ایالتلری کونقره‌سی مِتریک سیستمینی رسمی‌لشدیرسه ده٬ بۇ سیستم اؤلکه‌ده هئچ زامان ایستیفاده اوْلونماییب.
ویکی‌پدیا (اینگیلیسجه: Wikipedia) اینترنتده آزاد شیکلده یاییلان بیر بیلیکلیک یا دائرة‌المعاریف دیر. بۇ بیلیکلیک دۆنیانین بیر چوْخ دیللرینده ویکی تکنولوژیسی‌نین تطبیقی ایله کؤنوللو ایشلدنلر طرفیندن یارادیلیر و یاراندیغی دؤوردن، یعنی ۲۰۰۱-جی ایلین اوّللریندن بۇ یانا ویکی‌پدیاداکی ایشلدن و مقاله سایی دۇرمادان آرتیر و هر گئچن گۆن داها چوخ آدلیملیق قازانیر.
بیلیکلیگین آدی اینگیلیس دیلینده تکنیکی بیر ایصطیلاح اوْلان "wiki" (سایتین فعالیتی‌نین اساسینی تشکیل ائدن تکنوْلوژی؛ بۇ کلمه هاوایی دیلینده "تئز" دئمکدیر) و "encyclopedia" (بیلیکلیک) سؤزلرینین ترکیبیندن یارانیب.
