اریتروسیت
اریتروسیتلر - (فارسجا:گلبول قرمز) قیرمیزی قان سلول لریدیر. قان‌داکی هوجیره‌لرین ۹۹%-دن چوْخونو اریتروسیتلر تشکیل ادیر. اریتروسیتلر هر ایکی طرف‌دن باسیق دیسک شکلین‌ده‌دیر، دیامتری ۷-۸ میکرومتره قدردیر. اریتروسیت پرده‌لرین‌ده ۳۳% نیسبت‌ده تاپیلان هموقلوبین، قان‌دا اوکسیژن داشییان پروتئین‌دیر. اوکسیژنین تخمیناً ۹۹%-i هموقلوبین ایله داشینار، گری قالان ۱%-لیک قیسیم ایسه قان پلاسماسین‌دا حل اوْلموش شکیل‌ده داشینیر. اوکسیژنله بیرلشمیش هموقلوبین آل-قیرمیزی رنگ‌لی‌دیر.
اریتوسیتلرین اؤلچولری
دَییشدیر- دیامتر: تخمیناً ۷،۵ µm (میکرومتر)
- قالین‌لیق: کنارلاردا ۲ µm مرکزده ۱ µm
- چکی‌سی: تخمیناً ۳·۱۰−۱۱ قرام
- حجمی: تخمیناً ۹۰ فل (فمتولیتر) (۹۰ µm۳)
- قان‌داکی غلظتسی: کیشیلرده ۴،۶4,6–5.9x106/mm3و قادینلاردا 4,0–5,2x106/mm3.
- یتیشمه مدتی: تخمیناً ۷-۱۰ گون
- یاشاما مدتی: تخمیناً ۱۲۰ گون و یا ۴ آی
- گون عرضینده یارانان اریتروسیت سایی: ۲خ۱۰۱۱ = تخمیناً: ۲ میلیون/سانییه
- عمومی سطحی: ۴۰۰۰4000–4500 m2
- اوْسموتیک داوام‌لی‌لیغی: ۱۸۰ موسمول/ل-ا قدر
- ممپران آچیغا چیکمامیشی: -۱۰mV
اریتروسیتلرین یارانماسی و فورمالاشماسی (اریتروپوز)
دَییشدیراریتروسیتلرین املگلمه پروسسی اریتروپوز آدلانیر. اریتروپوز حادثه‌سی اریتروپوتین هورمونو واسطه‌سیله ایستی‌موله اوْلونور کی، سونونجو دا هر هان‌سی بیر توْخومادا اوکسیژن چاتیشمازلیغی (هیپوک‌سییا) نتیجه‌سینده بؤیرکلرده سینتز اوْلونور. اریتروسیتلر سۆموک ایلیینده یتیشیرلر. بئله کی، سۆموک ایلیینده یرلشه‌ن کؤک هوجیره‌لردن ۶-۹ گون عرضینده هموسیتوبلاستلار فورمالاشیر کی، بونلار دا هله دمیر یونلاری ایله بیرلشممیش پرو-اریتروبلاستلارا چوریلیرلر. پرو-اریتروبلاستلار دمیر یونو ایله بیرلشه‌رک اریتروبلاستلاری عمله گتیریرلر. اریتروبلاستلار سوْنرادان نۆوه‌سینی ایتیره‌رک یتیشکین اریتروسیتلره چوریلیرلر. بعضاً قان‌دا تام فورمالاشمامیش (مس: نۆوه‌سینی ایتیرممیش و س.) اریتروسیتلره ده راست گلینیر کی، بونلار رتیکولوسیتلر آدلانیر. نورمال‌دا قان‌دا رتیکولوسیتلرین میقداری بۆتون اریتروسیتلرین ۰.۵-۱%-ا قدرینی تشکیل ادیر. گون عرضینده تخمیناً 2x1011</sup اریتروسیت عمله گلیر. بونونلا یاناشی، هامیللیین سوْن آیینا قدر اریتروسیتر دؤلون قاراجیرین‌ده ده یتیشمه دؤورو کچیرلر. دوغوش‌دان سوْنرا ایسه اریتروسیتلر یالنیز سۆموک ایلیینده عمله گلیر و یاشاما مدتلرینین سوْنون‌دا قاراجیر، دالاق و سۆموک ایلیینده ماکروفاقلار طرفین‌دن پارچالانیرلار. نورمال اریتروسیتلرین یاشاما مدتی ۱۲۰ گون‌دور.