باب دیلن
روبرت آلن زیمرمن (اینگیلیسجه. Robert Allen Zimmerman) و یا تانینمیش آدی ایله باب دیلن (اینگیلیسجه. Bob Dylan، دوغوم گونو 1941 مئی آیی نین 24جو گونو، مینسوتا) ، آمریکالی موزیسین، اوخویان، شاعیر و یازاردیر. 2016جی ایلده ماهنیلاریندا یئنی طرزده شعر سؤیلمگه گؤره ادبیات نوبل جایزه‌سینی قازاندی.
Bob Dylan | |
|---|---|
 Dylan at Azkena Rock Festival in بیتوریا, Spain, in June 2010 | |
| دوغوم | Robert Allen Zimmerman ۲۴ مهٔ ۱۹۴۱ (۸۳ یاش) دلوث، مینه‌سوتا, U.S. |
| باشقا آدلار |
|
| پئشه |
|
| اکتیو ایللر | 1959–present[۱] |
| حیات‌یولداشی(لاری) | سارا دیلن (ائولی ۱۹۶۵–بوشانما ۱۹۷۷) Carolyn Dennis (ائولی ۱۹۸۶–بوشانما ۱۹۹۲) |
| اوشاقلاری | 6, including Jesse and Jakob Dylan |
| جایزه‌لر | نوبل ادبیات اؤدولو (2016) (For others, see List) |
| Musical career | |
| ژانرلار | |
| ساز(لار) |
|
| موزیک شیرکتی | |
| علاقه‌لر | |
| وب‌سایت | bobdylan |
روبرت آلن زیمرمان (شابتای زیسئل بن آوراهام) 1941 مئی آیی نین 24جو گونونده مینسوتا ایالتی‌نین دولوت کندینده یئرلشن سنت. ماریس مریضخاناسیندا آبرام زیمرمان ایله بئاتریس "بیتتی" استون ون اوغلو اولاراق دونیایا گلدی. عئینی ایالتین هیبینگ شهرینده بؤیودو. بؤیوک باباسی زیگمان زیمرمان و بؤیوک آناسی آننا زیمئرمان ترابزون (چاغداش تورکیه، اسکی عؤثمانلی ایمپراتورلوغو)'دان اودئسسا (روسیه ایمپراتورلوغو)'یا کؤچموش و 1905 ایلینده یاشانمیش آنتی‌سمیتیک (آنتی یهودی) پوقرامین‌دان سونرا آمریکایا کؤچ ائتدیلر. بؤیوک باباسی بنیامین ائدئلستئین و بؤیویک آناسی لیببا ائدئلشتاین لیتوانیا‌لی یهودی اولوب 1902 ایلینده آمریکایا کؤچدولر. دیلان 2004 ایلینده کرونیکلس: وولیوم وان آدلی خاطیره لرینده بؤیوک آناسی عاییله سی‌نین کاغیزمان‌لی(تورکیه نین قارس بؤلگه سینده) اولدوغو، ائولنمدن قاباقکی آدینین قیرغیز اولدوغو، اونون آتا آناسی دا عئنی بؤلگه دن گلن باشماق اوستاسی و سَپیجی اولدوغو و اونون سولاله سی‌نین کؤکده ایستانبول‌دان گلدیغینی، ایلک گنجلیگینده سؤیلدیگی Ritchie Vales'in In a Turkish Town (بیر تورک قصبه سینده) شارکی‌سینین، هرکسین دیلیندَکی لا بامبانین ترسینه اؤزویله داها اویوشور گؤروندوغونو یازدی.
سونرا‌دان "حضور ائوینه اورانلا داها فازلا کیشی‌نین اؤلدوغو یئر" اولاراق تانیملایاجاغی بیلیم یوردوندا ایخراج اولاندا، هله 18 یاشیندا بیر گنج ایدی. ایگیرمیسینده ایسه داغینیق و چیرکین ساچ‌لاری، اسکی موددان توشموش گئییمی، چیگنینده گیتاری ایله نیویورکدا، "بئاتنیک"لرین آرالارینا گیرمیشدیر. اونا گؤره نیویورک "هنوز چوخ سایی اینسانین گئتمَدیگی، گئدَنین ده گئری دؤنمَدیگی" بیر یئر و اورایا گئتمک، "آیا گئتمک کیمی بیر شئی"دیر.
2016جی ایل اوکتوبر آیی نین 13جو گونونده نوبل وقفی طرفین‌دن 2016 نوبل ادبیات اؤدولونه لاییق گؤروندو.
موسیقی یاشاییشینا گیریش
دَییشدیر
باب دیلنین 1963جو ایلده یایدیغی "The Freewheelin 1963" آلبوملا آدی دیللره دوشوب و ایش گئنیش اولاراق ساتیلماغا باشلاندان سونرا، ان یاخشی اولما یولونا چیخمیشدیر. آلبومون قابیغیندا نیویورک کوچه لرینده سئوگیلی‌سی سوزی روتولو ایله بیرلیکده چکیلمیش بیر گؤرونتو واردیر. "Blowin' in the Wind"، هرکسین دیلینه دوشموشدور.
هر سفرینده فرقلی بیر شئیلردن دانیشان دیلن، ساواش‌لارین آنلامسیزلیغین‌دان، تانری’دان، عدالتسیزلیکدن، سئکسدن، عشقدن، سئوگی دن سؤز آپارمیشدیر. هر سفرینده دَیییشیک کسیملرین تپکی‌سینی چکمیشدیر. بیر شئیلر سؤیلویوردو؛ تکجه بیر باشقا سفر عئینی شئیلری تیکرارلامیردی. چوخلو آداملارا گؤره ، او ساده جه ایچیندن گلنی ماهنیلاریندا دئییردی. بلکی ده، توپلوملار اونو گؤرمک ایستدیکلری کیمی گؤروردو. فولک موزیکی سئچمه سی‌نین ندنی ده اصلده، گیتاری و هارمونیکاسین‌دان باشقا هئچ بیر شئیه احتیاج دویمایاجاق اولماسییدی.
ژوان باییزین سؤیلَدیگینه گؤره، "گؤردوکلری ساده جه اوزویچون بیر شئی ایفاده ائدیردی". "باشقا‌لارینین احتیاجلاری اۆچون باش یوران بیری دئییلدی." گینه ده بایز اونا عاشیق اولوردو. گئجه لیگی اون ایکی دولارلیق اوجوز بیر هوتئل اوتاغیندا قازئتچیلره اوستونده قوجامان قارا جکئتی، آغ کؤینگی و مور (بنفش) قول دویمه لری ایله رپورتاژ وئریرکن، باییز’ین گؤزونده "گؤزلری بوتون گرچکلری گؤرموش کیمی یاشلی و اؤزونو بیر قیش یارپاغی قدر ناییف"ایدی.
دیلن، 1965ده اینگیلیس تورو سیراسیندا یانینداکی "الیت بوهملر" ایله بیرلیکده ساووی هوتئلینده ایقامت ائتمیشدیر. و ماریان فیتفول اونا یاخین اولابیلمک اۆچون هوتئله گئدَر؛ اوتاقدا بیر بوجاغا چکیلیر. دیلن’ین داکتیلوسونا، "اَنی‌نین ایدهآل میصراع اؤلچوسو اولدوغونو سؤیلَدیگی" قالین بیر تووالت کاغیذی تاخی‌لی‌دیر. فیتفول اونون دیققتینی چئکمَدیگینی دوشونورکن، او، سورَک‌لی بیر شئیلَر یازمیشتیر. نه یازدیغینی سوردوغوندا، فیتفول آلدیغی جوابا شاشیریر. دیلن، اونون حاقّیندا بیر شعر یازماقدایدی.
دیلن’ین تکلیفی اوزَرینه، یئنی آلبومونو دینلرلر بیر گئجه هوتئل اوتاغیندا. اونا گؤره "اونون اؤزَل دینلَییجی‌سی اولمانین بیر بدلی واردیر، او گئجه دویغوسال بیری اولموش، اونا قور یاپماقدا‌دیر".
تکجه فیتفول حامیله دیر و بیر هفته سونرا ائولنجکدیر. فیتفولون او گئجه گئرچگی سؤیلدیگی اۆچون پئشمانلیق دویماسینین ندنی، اونونلا یاتامامیش اولماسی دئییل، او تووالت کاغیذلارینا اؤزویچون یازیلان‌لاری هئچ بیر زامان اؤیرنمه یه جک اولماسی‌دیر.
بریتانیا تورو ژوان باییز’له ایلیشکیلری‌نین ده سونو اولور. فورست هیل کونسرتی’نه اؤزونو دعوت ائدرک نیو یورک’دان آمریکا’یا آچیلماسینا یاردیمجی اولان ژوان باییز’ی، بریتانیا توروندا صحنه یه دعوت ائتممیشدیر.
1973’ده کی “Pat Garrett and Billy The Kid” آلبومونا قدر بیر سوره سس‌سیز قالیر. بو ایل، “Knockin’ on Heaven’s Door” ایله باب دیلن اولدوغونو بیر داها خاطیرلاتدیغی ایل‌دیر. اوچ ایل سونرا گلن Desire آلبومونداکی "One More Cup Of Coffee (بیر فینجان آرتیق قهوه)" ایسه بیر باشقا کلاسیک اولور.
دیسکوقرافی و آلبوملار
دَییشدیر- 1962 - Bob Dylan
- 1963 - The Freewheelin' Bob Dylan
- 1964 - The Times They Are a-Changin'
- 1964 - Another Side of Bob Dylan
- 1965 - Bringing It All Back Home
- 1965 - Highway 61 Revisited
- 1966 - Blonde on Blonde
- 1967 - John Wesley Harding
- 1969 - Nashville Skyline
- 1970 - Self Portrait
- 1970 - New Morning
- 1973 - Pat Garrett & Billy the Kid
- 1973 - Dylan
- 1974 - Planet Waves
- 1975 - Blood on the Tracks
- 1975 - The Basement Tapes
- 1976 - Desire
- 1978 - Street Legal
- 1979 - Slow Train Coming
- 1980 - Saved
- 1981 - Shot of Love
- 1983 - Infidels
- 1985 - Empire Burlesque
- 1986 - Knocked Out Loaded
- 1988 - Down in the Groove
- 1989 - Oh Mercy
- 1990 - Under the Red Sky
- 1992 - Good as I Been to You
- 1993 - World Gone Wrong
- 1997 - Time Out of Mind
- 2001 - “Love and Theft”
- 2006 - Modern Times
- 2009 - Together Through Life
- 2009 - Christmas in the Heart
- 2012 - Tempest
- 2015 - Shadows In The Night