خان احمدخان گیلانی
خان احمدخان گیلانی (۹۴۲ – ۱۰۰۵ ه. ق) کیاییان سیلسیله‌سینین سؤنونجو کارکیاسی گیلان‌دا ایمیش. او ۹۴۳ ه. ق/ ۱۵۳۸ م، ایلینده بیر یاشیندا اولاندا آتاسی ایکینجی کارکیا حسن بیردن اؤلندن سؤنرا حوکومته چاتدی، ۹۷۵ه.ق قدر بیه‌پیش و اونان سؤنرا گیلانین بوتونونه حوکومت ائدیب. او شاه طهماسبین دستوری ایله زیدیه مذهبین اون‌ایکی ایماملی شیعه مذهبینه دییشدیریب، آما عوثمانلیلار ایله ایرتیباط توتماقا باشلایاندا و قزوینه حمله ائتمک اوچون شیروان و لاهیجانا قؤشون گؤندرمک ایسته‌مک‌له، شاهؽن گؤزوندن دوشدو. همان ایلده شاه طهماسبین دستوری ایله دستگیر و قاه قاه قالاسی و استخر قالاسی‌ندا زیندانی اولدو. ۹۸۵ ه.ق ده شاه محمد خدابنده زامانیندا آزاد اؤلوب و یئنه حوکومته چاتدی. شاه عباسین قؤشونلاری ابریشم یؤلونا و گیلانین خاصا جوغرافیایی موقعیتینه و همچینین عوثمانلیلار ایله ایرتیباطین دوام وئرن خان‌احمدخانین حوکومتینه خاتیمه وئرمق اوچون ۱۰۰۰ ه.ق ایلینده گیلانا حمله ائتدیلر و خان احمدخان شیروانا قاچدی. او عمرونون بقیّه‌سین عوثمانلی ایستانبول و بغداد دا گئچیددی و ثمری اولمایان ایشلر قودرته قاییدماق اوچون ائتدی. خان احمد ۱۰۰۵ ه.ق ده بغداد دا اؤلده و نجف‌ده گورلاندی.
| خان احمدخان گیلانی | |
|---|---|
| کیاییان حوکومتی‌نین شاهی | |
| شاهلیق | ۱۵۳۸-۱۵۹۲ |
| قاباقکی | ایکینجی کارکیا حسن |
| سوْنراکی | صفویلر طرفیندن داغیلمیش |
| دوغوم | ۱۵۳۷ لاهیجان، گیلان |
| اولوم | ۱۵۹۶ ایستانبول |
| دفن | نجف، عراق |
| حیات یولداشی | مریم بیگیم |
| اوشاقلار | یاخان بیگیم |
| آتا | ایکینجی کارکیا حسن |
| دین | اون ایکی ایماملی شیعه |
| کیاییان شاهی | ||
|---|---|---|
| قاباقکی ایکینجی کارکیا حسن |
بیرینجی شاهلیق خان احمدخان ۹۴۳ ه.ق - ۹۷۵ ه.ق |
سونراکی الله قلی بیگ سلطان استاجلو |
| قاباقکی - |
ایکینجی شاهلیق خان احمدخان ۹۸۵ ه.ق - ۱۰۰۰ ه.ق |
سونراکی - |