دانیشیق:تورکیه تورکجه‌سی
سلام عزیز ویکیدشلار، تورکیه تورکجه‌سی‌نین رسمی آدی یالنیز «تورکچه»دیر. آنادولو تورکیه‌نین دوغو بؤلومونون آدی‌دیر، تورکیه ده رسمی‌لشن تورک دیلی ایسه، اؤلکه‌نین باتی‌سی لهجه‌سی‌دیر. منجه «آنادولو تورکجه‌سی» دوز و یئترلی تعبیر دئییل. نه رسمی جهت‌دن، نه ده آدلاندیرما جهتیندن. (آزربایجان تورکجه‌سیندن «موغان تورکجه‌سی» یا دا «آران تورکجه‌سی» کیمی بیر تعبیر. بو اوزدن «تورکیه تورکجه‌سی» یوخسا «تورکچه» یازیلمالی‌دیر، اؤز دیلیمیز ایسه «تورکجه» و بئله‌لیکله آرادا یالنیز «چ» و «ج» حرفلریله فرقله‌نیرلر. البته «تورکیه تورکجه‌سی» بلکه داها یاخشی دیر. Qarqushu (دانیشیق) ۱۷ فئوریه ۲۰۱۶، ساعت ۲۳:۲۲ (UTC)
- یئنه ده سلام. سایقیلی ویکیداشلار، بو باشلیغی تورکیه تورکجه‌سی صفحه‌سیـنه داشیماغا موافقسینیز می؟Qarqushu (دانیشیق) ۵ جولای ۲۰۱۶، ساعت ۰۱:۱۹ (UTC)
- سالاملار. بۇ مسأله‌ده بیر نئچه دوْلاشیقلیق یارادان قوْنو واردیر: تۆرکیه تۆرکجه‌سی(/آنادوْلو تۆرکجه‌سی)نین خالقیمیز آراسینداکی ان یایغین آدی «ایستانبول تۆرکجه‌سی»دیر (ایواز طاها بی کیمی ادبی یازارلاریمیز دا بۇ آددان فایدالانیرلار[۱])٬ بۇ دیلین یازی فوْرماسی‌نین ایستانبول تۆرکجه‌سیندن آلیندیغی بۇ آدی داها دا گۆجلندیره بیلیر[۲]. - تۆرکیه/آنادوْلو تۆرکجه‌سینی «تۆرکچه» اوْلاراق «تۆرکجه»دن فرقلندیرمه‌سی٬ «çe/ça» اکی‌نین دیلیمیزده «جه/جا» کیمی تلفوظ اوْلماسینا (عئینی اوْلماسینا) باخاراق اساساً دیل باخیمیندان ایشکاللی ساییلا بیلیر. - رسمی آدینا باخاراق بلکی «تۆرکجه (تۆرکیه)» کیمی بیر باشلیقلا «تۆرکجه»دن فرقلندیریله بیلر. منجه بۇ مسأله‌نی بیر آز داها آراشدیرمامیز گرک٬ چۆنکو «ایستانبول تۆرکجه‌سی» کیمی باشقا گۆجلو سئچه‌نک‌لریمیز ده واردیر. سایغیلارلا --Ilğım (دانیشیق) ۵ جولای ۲۰۱۶، ساعت ۰۷:۴۸ (UTC)
مقاله آدی
دَییشدیرحؤرمتلی Alp Er Tunqa و حؤرمتلی Bir morty سلاملار. بیلر منجه بو مقاله‌نین آدی اویغون دئییل. ائله بو دانیشیق صفحه‌سینده اوستده دوستلارین ایشاره ائتدیگی کیمی، بو دیل تورکیه‌ده یالنیزجا تورکچه (Türkçe) آدلانیلیر. آنادولو تورکجه‌سی (یا اصلینده آنادولو لهجه‌سی) ساده‌جه آنادولو منطقه‌سینده و اؤزللیکله شرقی آنادولو بؤلگه‌سینده دانیشیلیر و تورکیه‌نین باشقا قیسمتلرینه شامیل اولماز، مثلاً تراکیا منطقه‌سی. منجه مقاله آدی تورکیه تورکجه‌سی و یا مودرن تورکجه یازیلسا داها یاخشی اولار.Trkgs (دانیشیق) ۱۱ نوْوامبر ۲۰۲۱، ساعت ۱۲:۳۲ (UTC)
- @Trkgs: سلاملار حؤرمتلی Trkgs بی. من ده سیزین بویوردوغونوز کیمی یوخاریداکی دانیشیقلارا قاتیلیرام. منیم نظریمه تۆرکیه تۆرکجه‌سی داها اویغون اولابیلر. سایغیلاریملا -- Bir Morty (دانیشیق) ۱۱ نوْوامبر ۲۰۲۱، ساعت ۱۲:۴۳ (UTC)
سلاملار، منجه ده تۆرکیه تۆرکجه‌سی داها اۇیغون آددیر. --Alp Er Tunqa ☎ ۱۳ نوْوامبر ۲۰۲۱، ساعت ۰۶:۴۵ (UTC)