Qarqushu

Qarqushu تورکجه ویکی‌پدیایا خوش گلدینیز!

سلام, Qarqushu. بوتونلوکه کؤنوللو ایشلدنلرین چالیشماسی ایله یارادیلان ویکی‌پدیا بیلیملیگینین تورکجه دیلینده اولان ورژنینه خوش گلمیسینیز.

باشلامازدان اؤنجه آشاغیداکی قایدالارلا تانیش اولمانیزی توصیه ائدیریک:

• یارانان مقاله لری دَییشدیرمه یه و یا یئنی مقاله یاراتماغا تردید ائتمه یین، جسور اولون. بیر نئچه جومله لیک مقاله لر یاراتماقدان چکینمه یین.
• مقاله لری بیلگی لیک، بیلیملیکلیک، طرفسیزلیک و غرضسیزلیک اولماسینا دقت ائدین.
• مقاله لری دَییشردیرمه دن اؤنجه دَییشدیرمه قایدالاری ایله تانیش اولون.
• سواللارینیزی یاردیم صحیفه لرینده جاواب آختارا بیلرسینیز. اوردا جاواب تاپماسینیزسا، ایلگیلی دانیشیق صفحه سینده سوروشون.
• باشقا ایشلدنلردن یاردیم ایسته مکدن چکینمه یین، اونلارین دانیشیق صفحه لرینی دَییشدیررک سواللارینیزی آرتیرین.
• یئنی یاراتدیغینیز مقاله لرین تورکجه دیلینده اولماسینا دقت ائدین. کوچورمه یازیلیملارینی ایشه آپاران زامان یازینین دیلین یازی قۇراللاری ایله دقیقلشدیرندن سونرا مقاله یه آرتیرا بیلرسیز.
• مقاله لرده و بونلارا ایلگیلی صفحه لرده (بؤلمه لر، شابلونلار و...) امضانیزی و آدینیزی یازمایین. عکسینه دانیشیق، سس وئرمه، سوال-جاواب و... فورمادا اولان یازیلارینیزین سونوندا 4 تیلدا ~~~~ علاوه ائدرک امضالایین.
• موضوع سئچیمینده چتینلیک چکیرسینیزسه، آشاغیداکی صحیفه لر سیزه یاردیم ائده جک:
  • ویکی‌پدیا:مقاله ایسته
  • ویکی‌پدیا: 1000 مقاله
  • ایسته نیلن مقاله لر
• یاراتماق ایسته دیگینیز مقاله نین آدینی آشاغیداکی بوش یئره یازین و "مقاله یارات" دویمه سینه باسین.

---

ویکی پدیا ایشلدنلری بیلیملیکلیک شخصلر دئییللرسه، اؤزلری حاقدا مقاله یارادا بیلمزلر. بوجور بیلگیلری یالنیز اؤز ایشلدن صفحه لرینده وئره بیلرلر!--Ebrahimi-amir (دانیشیق) ‏۱۲ سپتامبر ۲۰۱۵، ساعت ۱۳:۰۴ (UTC)

سلاملار

سلاملار Qarqushu بَی. دَیَرلی زحمتلرینیز اوچون تشکورلر. تکجه شابلوندا اولان آدلاری دَییشمه‌یین. اونلاری ایلک اؤنجه شابلوندان و سونرا او شابلوندان ایستیفاده اولان بوتون صفحه‌لردن دَییشمک لازیم اولور. یوخسا شابلون دوز ایشله‌میر. اوبیری قیسمتلرده اولان یانلیشلیقلاری دَییشدیره بیلرسینیز. حؤرمتله--Ebrahimi-amir (دانیشیق) ‏۱۲ سپتامبر ۲۰۱۵، ساعت ۱۴:۳۹ (UTC)

سلاملار سایین امیر به‌ی،

باشا دوشدوم. آنجاق شابلونلارین ایملاسی چوخ اؤنملی دیر. اورتوقرافینی بیلمه‌ین اوخوجو و چالیشانلاری یانیلدا بیلر. مثلا: دوغوم کلمه‌سی دؤغوم یازیلیب و هابئله بیر سیرا باشقا کلمه‌لر. شابلونلارین اساسینی هاردان اصلاح ائتمک اولار؟ سایقیلارلا--Qarqushu

اؤرنک اوچون بوردان: {{شهر بیلگی قوتوسو}}. آنجاق دیقتلی اولون اونلاری دَییشسز گرک بو صفحه‌ده اولان مقاله‌لرده باش وئرن یانلیشلیغیدا دَییشه‌سینیز. اودا آغیر ایشدیر. صبیرلی اولون منیم باشیم آیازیسا اونلاری بوتوملا دَییشدیره بیلرم. حؤرمتله--Ebrahimi-amir (دانیشیق) ‏۱۲ سپتامبر ۲۰۱۵، ساعت ۱۵:۱۰ (UTC)

حؤرمتلی Qarqushu بَی. خواهیش اولونور هله‌لیک شابلونلاردا دَییشدیرمه ائتمه‌یین. ایلک اؤنجه دوشوندوکلرینیزی بوردا سینایین سونرا اؤیره‌نندن سونرا شابلونلاردا دَییشدیرمه ائدین. حؤرمتله--Ebrahimi-amir (دانیشیق) ‏۱۲ سپتامبر ۲۰۱۵، ساعت ۱۵:۵۳ (UTC)

گؤز اوسته، امیر به‌ی. صفحه‌لرده چئشیدلی تئرمین‌لر و باشقا عنوانلاردا قوللانیلیب. بونلاری یئکونلاشدیب آنا شابلونو تعیین ائتمک لازیم دیر. بو ایشده منیم ایشیم دئییل. ساغ اولاسیز. من ائله مقاله‌لر متنی ایله اوغراشارام هله‌لیک. سایقیلارلا! سلام امیر به‌ی، یورولمایاسیز. سوروشماق ایستیردیم کی اگر بیر مدخل ایکی دیلده بیر بیرینه لینک اولماسا، مثلا (لاتین آذربایجانجادا رحیم شهریاری مدخلی ایله انگلیسجه) اونلارین ایکیسینی نئجه تورکجه ویکی‌یه لینک ائده بیله‌ریک؟ ساغ اولاسیز! Qarqushu (دانیشیق) ‏۱۵ سپتامبر ۲۰۱۵، ساعت ۱۰:۴۲ (UTC)

وقتیز خیر اولسون امیر به‌ی! دئییرم ویکی مدخل‌لریندن سونرا کی آدین اصل دیلده ایملاسی گلیر، لاتین الفباسی ایله ده دوزگون تلففوظو یازیلسا مثلا: قینرجه: (تلفظ: Qəynərcə)، یاخشی اولمازمی؟! Qarqushu (دانیشیق) ‏۱۵ سپتامبر ۲۰۱۵، ساعت ۲۲:۲۱ (UTC)

سلاملار. یوخ ایرادی یوخدور. بئله ده اولا بیلر: اوخونوش:قَینَرجه - Qəynərcə یا بونا اوخشار بیر شئی.--Ebrahimi-amir (دانیشیق) ‏۱۶ سپتامبر ۲۰۱۵، ساعت ۰۳:۰۹ (UTC)

بیر اؤنری

سلاملار امیر به‌ی، اگر اشکالی اولماسا بیر جیمیل آچیلسین تورکجه ویکی پئدیا آدینا و او طریق ایله مختلف شخصیتلره و مرکزلره ایمیل گؤندره بیله‌ک و 1. اونلاردان ویکی پدیانی زنگینلشدیرمک اوچون دعوت ائدک، 2. اونلارا عایید اولان یازیلمیش مدخللری و مقاله‌لرین آدرسینی گؤندرک کی لازیم گؤرورلرسه گلیب رئداکته ائتسینلر. 3. بو ایمیل صفحه ده و باشقا یئرلرده اعلام ائدیلسین کی ویکی پئدیا اوچون ارتباطلاردا قوللانیلسین. 4. اؤزونوز ده وقت ائتمه‌سز، بو ایمیلین رمزینی اعتمادینیز اولان دوستلارا وئره بیلرسینیز کی یازیلاری گؤندرسینلر و یانیتلاسینلار. سایقیلارلا Qarqushu (دانیشیق) ‏۱۶ سپتامبر ۲۰۱۵، ساعت ۱۵:۳۸ (UTC)

لاتین

سلام بی، یورولمایاسینیز، آذب ویکی‌نین آچیلیشی و آذ ویکی‌دن آیریلماسی ائلیمیزین لاتینی باشا تۆشمه‌مه‌سی اۆچون‌دور. بۇرادا مقاله‌لر تکجه عرب الیفباسیندا یازیلمالی‌دیر. لاتین الیفباسینین بۇرادا ایشلنمه‌سی بۇرانین باغلانماسینا ندن اوْلار. تکجه یانیلما احتمال اوْلاندا و من ائتدیگیم کیمی لاتین اوْخونوشونو یازین، مثلا رعنا زارعین نه موشکولو و یانیلماسی اوْخونوشدا اوْلا بیلر؟ لاتین یازماق‌لا بورانین باغلاماسی اۆچون دوشمانلاریمیزا بهانه وئرمه‌یک. بیرده اوْلدوقجا تانیش کلمه‌لردن فایدالانین مثلا: آخیم یئرینه جریان. حؤرمت‌له.--آلپ ار تونقا_✉ ‏۱۶ سپتامبر ۲۰۱۵، ساعت ۱۰:۲۵ (UTC)

سلام آلپ ارتونقا به‌ی، تذککور وئردیگینیزه گؤره ممنونام. دونن من بو سؤزو سایین امیر به‌ی‌دن سوروشدوم، آنجاق مدخللرین لاتینجا املاسینی یازماغی مجاز بیلدیلر. هر حالدا، سیز حاقلی‌سینیز و بیر دائرة المعارف‌ده «وحدت رويّه» ده رعایت اولمالی دیر.Qarqushu (دانیشیق) ‏۱۶ سپتامبر ۲۰۱۵، ساعت ۱۰:۳۱ (UTC)

قایناق

سلام بی، ویکی‌پدیا قانون‌لارینا گؤره وبلاق‌لاری قایناق ائتمک اوْلماز و مقاله‌لرده قایناق‌لارین متنی‌نی دییشدیرمه‌سیز کوْپی ائتمک اوْلماز.(تکجه عمومی یییه‌لیکده اوْلان یازی‌لاری دییشدیرمه‌سیز یاییملاماق اوْلار – یانی چوْخلو وب صفحه‌لرینی دییشدیرمه‌سیز ویکی‌پدیایا گؤندرمک اوْلماز.)، حتما یازی‌لارینیزدا بۇ مسئله‌لری نظرده آلین.--آلپ ار تونقا_✉ ‏۱۷ سپتامبر ۲۰۱۵، ساعت ۱۱:۱۳ (UTC)

سلام به‌ی، گؤز اوسته چالیشارام آرتیق یاسالارجا یازام. البته یازیلار گئتدیکجه یئنی قایناقلار اساسیندا ویرایش ائدیلیب دییشدیریله‌ر. بیر پایه دئتای اورتایا قویولسا، داها آرتیق ویکیچی‌لر تورکجه ویکی‌ده چالیشماغا ماراقلانارلار. سیزین خبرینیز وارمی، اؤنجه‌کی ویکی‌لرین آفلاینی هارداسا ساخلانیلمیرمی؟Qarqushu (دانیشیق) ‏۱۷ سپتامبر ۲۰۱۵، ساعت ۱۱:۳۲ (UTC)

آفلاین‌لار گۆنجل و آپدیت اوْلمور ائله آنلاین ویکی‌لردن فایدالانین. ایسته‌سز داها آرتیق ویکی‌ده چالیشماق‌لا تانیش اوْلماق اۆچون بیر موضوع چالیشماز اۆچون بللی‌لشدیرک.هدف‌سیز چالیشماق آدامی یوْرار.--آلپ ار تونقا_✉ ‏۱۷ سپتامبر ۲۰۱۵، ساعت ۱۱:۳۹ (UTC)

دوغرودو به‌ی، قونولو چالیشاجامدا. منیم ماراقلاندیغیم قونو اورتاچاغ تورکی یازارلار و اثرلردیر. من لاتین ویکی‌نین کؤلگه‌سینده یارانان اؤز ویکیمیزن آفلاینینی آختاریرام. آخی اورادا اون ایکی میندن آرتیق مقاله یارانمیشدی. اونلار هئچ یئرده ساخلانیلمیرمی؟!Qarqushu (دانیشیق) ‏۱۷ سپتامبر ۲۰۱۵، ساعت ۱۱:۴۳ (UTC)

باغلانتیسیز و اینترویکیسیز مقاله‌لر

سلام بی، زحمتلرینیز اوچون تشکور ائدیرم. یئنی [مقاله‌لرده] کی یارادیرسینیز باشقا صفحه‌لره باغلانتی اولسون. باغلانتیسیز مقاله‌لر ویکی‌پدیا‌دا سایا گلمیر و سانکی یوخدولار. بیرده آیری دیللرده او مقاله وارسا اینترویکی آرتیرین. بو ایش باعیث اولار باشقا ایشلدنلر او مقاله نی یئنیدن یاراتماسینلار. حورمتلهHekim qasim oglu (دانیشیق) ‏۱۸ سپتامبر ۲۰۱۵، ساعت ۰۵:۰۱ (UTC)

سلام به‌ی. لوطفونوزدن و تذکرونوزدان ممنونام. مقاله‌نی گؤزه‌للشدیردیگینیزه گؤره ده اللرینیز آغریماسین. سایقی‌لارلا!Qarqushu (دانیشیق) ‏۱۸ سپتامبر ۲۰۱۵، ساعت ۰۸:۰۵ (UTC)

کؤمک:ویکی‌آراسی صفحه‌سینه‌ده باخین.--آلپ ار تونقا_✉ ‏۱۸ سپتامبر ۲۰۱۵، ساعت ۱۲:۰۱ (UTC)

سلام Qarqushu بی. لوطف ائدین [بو شابلونو] صفحه‌لردن سیلنده او صفحه‌لره باغلانتی آرتیرین. بو شابلونو Ebrahimi-amir بی یاراتمیشدی کی باغلانتیسیز صفحه‌لردن بیر لیست الده اولسون و صفحه ده باغلانتی یارانسین. شابلونون سیلمه‌سی باعیث اولور او صفحه‌لر ساییلماسین. باخسانیز صفحه‌لرین سایی آزالیبدیر.حؤرمتله--Hekim qasim oglu (دانیشیق) ‏۲۹ سپتامبر ۲۰۱۵، ساعت ۲۰:۱۷ (UTC)

سایین Hekim qasim oglu به‌ی، من «باغلانتیسیز» اصطلاحینی «اینترویکی» ساندیم و مقاله‌لره اینتر ویکی آرتیراراق باغلانتیسیز شابلونلارینی سیلدیم. شابلونلاری سیلینن مقاله‌لرین لیسی وار، شابلونو گئری قایتارارام. لوطفن منه آچیقلایین باغلانتیسیز اصطلاحیندان منظورونوز نه دیر؟ باشقا صفحه‌لره لینک اولونما دیر می؟ سایقیلارلا! Qarqushu (دانیشیق) ‏۲۹ سپتامبر ۲۰۱۵، ساعت ۲۲:۰۵ (UTC)

سلام Qarqushu بی. منظوروم باغلانتیسیز اصطلاحیندان باشقا صفحه‌لره لینک اولماسیدیر. هر صفحه کی یارادیرسیز اوندادا باشقا صفحه‌لره هئچ اولماسا گرک بیر باغلانتی اولسون یوخسا مقاله حسابیندا ساییلمیر. حورمتله --Hekim qasim oglu (دانیشیق) ‏۴ اوکتوبر ۲۰۱۵، ساعت ۲۰:۵۰ (UTC)

سلام سایین Hekim qasim oglu به‌ی، آها، باشا دوشدوم. او زامان دئمک من بیر چوخ مقاله حسابیندا ساییلمایان صفحه‌لر قارالامیشام :) سایقیلارلا! Qarqushu (دانیشیق) ‏۴ اوکتوبر ۲۰۱۵، ساعت ۲۰:۵۹ (UTC)

Qarqushu بی، بیر تعداد مقاله‌لرینیزه باغلانتی آرتیرمیشام امما اولورکی قالانی دا وار. حورمتله--Hekim qasim oglu (دانیشیق) ‏۴ اوکتوبر ۲۰۱۵، ساعت ۲۱:۰۳ (UTC)

اللرینیز آغریماسین. ویکیده چالیشدیقجا سیزدن و باشقا امکداشلاردان ویکی‌نین لیملرینی اؤیره‌نرم اینشاللا. چوخ ساغ اولاسینیز. Qarqushu (دانیشیق) ‏۴ اوکتوبر ۲۰۱۵، ساعت ۲۱:۰۷ (UTC)

فوزیه بایرام‌اوا مقاله‌سینین آدی

سلام بی. بو مقاله‌نی یاراتماغیزدان تشکور ائلیرم. نظریز مقاله‌نین آدین فوزیه بایرامووا اتمگه گؤره نه‌دیر؟--Arslanteginghazi (دانیشیق) ‏۱۸ سپتامبر ۲۰۱۵، ساعت ۰۷:۳۹ (UTC)

سلام به‌ی، سیزین اؤنرینیزده ارتوقرافیک استاتیکاسی یاخشی و اویوملو اولور. موافقم. ساغ اولاسیز دقتینیزه گؤره.Qarqushu (دانیشیق) ‏۱۸ سپتامبر ۲۰۱۵، ساعت ۰۷:۵۹ (UTC)

اولدوزلار سیزین اوچون

		ویکی‌چی اولدوزو
		حؤرمتلی Qarqushu بَی. سون زامانلاردا آذب ویکیه چکدیگینیز زحمتلری هم گئنیش همده چوخ یارارلی سانیرام. چکدیگینیز زحمتلر اوچون ویکی‌چی اولدوزون سیزه سونورام. حؤرمتله--Ebrahimi-amir (دانیشیق) ‏۱۹ سپتامبر ۲۰۱۵، ساعت ۰۳:۴۹ (UTC)

سایین Ebrahimi-amir به‌ی، خواهیش ائدیرم بیر ایش گؤره بیلمه‌میشم کی. سیزین لوطف ائدیب سوندوغونون اولدوزو اؤزومه فخر بیلیرم. بو اولدوزلو سمانی بیزیم خالقیمیزین گئجه‌سینه آچدیغینیز اوچون ساغ اولاسینیز! سایقیلارلا!Qarqushu (دانیشیق) ‏۱۹ سپتامبر ۲۰۱۵، ساعت ۱۰:۴۲ (UTC)

سنی گؤرنده جاوانلیغیم یادیما دۆشور

سلاملار بَی. دۆزدوز هله جاوانام، آنجاق سنی گؤرنده جاوانلیغیم یادیما دؤشور. چوْخ گؤزل و نظملی چالیشیرسان. اللرینه وارلیق.--Ebrahimi-amir (دانیشیق) ‏۲۰ سپتامبر ۲۰۱۵، ساعت ۱۷:۴۴ (UTC)

سلاملار به‌ی، لوطفونوز وار به‌ی، من بیر ایش گؤرمورم کی. سیزین و یولداشلارینیزین چکدیگی امه‌یی اسکی ویکی دن بورایا داشییرام. انشاءالله تورکجه ویکی بارلانیب گلیشدیکجه، سیزینده یورغونلوقلارینیز چیخار. سایقیلارلا!Qarqushu (دانیشیق) ‏۲۰ سپتامبر ۲۰۱۵، ساعت ۱۷:۴۹ (UTC)

نئچه تاپشیرما

سلام بی یورولما، چالیشمالارینیز داها ایستانداردلاشماق اۆچون بۇنلاری نظرده آلین:

۱- آیری ویکیلری قایناق ائدنده ویکی قایناقلاماسیندان فایدالانین.

۲- متن ایچینده کی قایناقلار اۆچون قایناقلاما شابلونلاریندان فایدالانین.

۳- ویکی پدیادا وبلاقلاری قایناق عونوانیندا ایشلتمک اوْلماز و تکجه معتبر سایت، درگی، گونده لیک و کیتابلاری قایناق ائتمک اوْلار.

۴- قایناقلار اۆچون ایکی بؤلوم یارادین: متن ایچینده قایناقلار اۆچون اتک یازی و ویکی قایناقلاماسی اۆچون قایناق.

۵-آیری دیللرده اولان کلمه‌لری یازاندا دیل شابلونولاریندان فایدالانین.

حؤرمتله--آلپ ار تونقا_✉ ‏۱۵ فئوریه ۲۰۱۶، ساعت ۱۷:۵۷ (UTC)

سلام به‌ی، دیققتینیزه گؤره ساغ اولاسیز. من باشاردیغیم قدر ویکی پدیا قایدالارینی رعایت ائتمک ایستیرم، ویکی یاسالارینا اویمایان مواردلری یا باشارمیرام و یا اونودوب دا قایداسیز یازیرام. معمولا ویکی امکداشلیق آلانی اولدوغو اوچون، یانلیشلار و سهولر باشقا چالیشانلار طرفیندن اصطلاح ائدیلر و شخص ده باخیب اؤیره نر. نه ایسه، لوطفن ویکی قایناقلاماسی اؤرنه یی و یا قایناقلاما اؤیره دن صفحه لینکینی منه یازین؛ هابئله قایناقلاما شابلونو و دیللر شابلونونو هاردا گؤرمک اولار؟ قایناق قونولو تاپشیریغینیز دا یئرینه یئتیریلر. سایقیلارلا! Qarqushu (دانیشیق) ‏۱۵ فئوریه ۲۰۱۶، ساعت ۱۸:۴۴ (UTC)

بیر چالیشقان تاپیلدی، آلپرتونقانین ایماله لری باشلاندی. Qarqushu ، سنی ده بوردان قاچیرداجاقلار. بونلار تورک دوشمانی دیلار و گرک یازیلاریوی دولدوراسان فارس سؤزلرینه. --AlpErTunQarpız (دانیشیق) ‏۱۵ فئوریه ۲۰۱۶، ساعت ۱۹:۳۹ (UTC)

عجب! یانی سیزی و آرادا و ارسلان به یی بئله بیر ایرادلاردا ویکیده چالیشماغینیزا مانع اولورلار؟ نه واقتدان ویکی پدیا، ایرانین وزارت ارشادی زیرمجموعه سی اولوب؟ Qarqushu (دانیشیق) ‏۱۵ فئوریه ۲۰۱۶، ساعت ۲۰:۳۹ (UTC)

ائله دیر، هئچ کیمسه آنادان ویکیچی دوْغولماییب. ویکیچی اولماق یوْلو باخیب، تقلید یولو ایله اؤیرنمکدیر. دییشدیرمه قوتوسوندا، صفحه نی ذخیره ائت دۆیمه سینین آشاغیسیندا دییشدیرمه آلتی واردیر. ایلک اۆستونده کیلیک ائتسز، نئچه منو گتیریر. دیل، قایناق و ...، دئدیگیم شابلونلاری اوْردان تاپا بیلرسینیز.آلپ ار تونقا_✉ ‏۱۶ فئوریه ۲۰۱۶، ساعت ۱۱:۰۵ (UTC)

گون آیدین! تاپدیم یوواسینی. چوخ ساغ اولاسیز! حؤرمتله Qarqushu (دانیشیق) ‏۱۶ فئوریه ۲۰۱۶، ساعت ۱۱:۴۳ (UTC)

تشدید

سلام یورومویاسیز بی،ظاهیرا یازی قوراللارینا گؤره تشدیدلی حرفلری ایکی یول یازماق صحیح دئییل و تشدید قوماسازدا بیر یول یازماق کافی دیر .مثلا قارره=قاره یازیلمالیدیر.OKTAY (دانیشیق) ‏۱۸ فئوریه ۲۰۱۶، ساعت ۱۵:۵۳ (UTC)

سلام اکتای بی، ساغ اولاسینیز. سیزده یورولمایاسینیز! دییشدیریلدی. حؤرمتله Qarqushu (دانیشیق) ‏۱۸ فئوریه ۲۰۱۶، ساعت ۱۶:۲۵ (UTC)

تشکّور

سیزدن چوخ ممنوع و تشکر ایلیرم ساق اولوسور. راهنما دا حتما سیزدن کومک آلارام.تورکه صاف (دانیشیق) ‏۲ جولای ۲۰۱۶، ساعت ۱۰:۲۳ (UTC)

یاشا امکداش! سیزین اللرینیز آغریماسین! Qarqushu (دانیشیق) ‏۲ جولای ۲۰۱۶، ساعت ۱۰:۳۴ (UTC)

ویی نه دئمکدیر؟

سلام قاراقوشونا. حؤرمتله قاراباغ مقاله نیزی اوخودوم. چوخ گؤزل و فایدالی ایدی. آنجاق ویی ایللری نه دیر باشا دوشمه دیم. سانیرام منظوروز VI و یا خود IV دیر. او حالدا آلتینجی و یا خود دؤردونجو عصرلر یازمالی ایدینیز. بیلدیگینیز کیمی بونلار رومی دئییلن عددلردیر. I=1 , II=2 , III=3 , IV=4 . V=5 . VI=6 , VII=7 , VIII=8 , IX=9 و X=10 دور. هر حالدا منیم حدسیم دوز اولسا دوزلیش یاپمانیزدان امینم. تشکرلر Rostamxani (دانیشیق) ‏۶ اوْکتوبر ۲۰۱۶، ساعت ۱۳:۵۲ (UTC)

سلام سایین روستمخانی، بو یازینی کؤچورگه پروگرامی ایله کؤچوردوگومه گؤره بئله بیر یانلیشلار اولور. نهایتده گؤزدن قاچانلاردا اولور. نه ایسه دیققت و تذکرلریزه گؤره ساغ اولاسینیز. Qarqushu (دانیشیق) ‏۱۲ اوْکتوبر ۲۰۱۶، ساعت ۲۳:۴۲ (UTC)

قوربانام کیشی. چوخ ساغ اولون و یاخشی چالیشمالار. Rostamxani (دانیشیق) ‏۱۴ اوْکتوبر ۲۰۱۶، ساعت ۱۹:۳۰ (UTC)

اندونزی شهرلری

سلام بی، بو بولمه نین مقاله لرین سیز یارادیبسیز آنجاق آیری مقاله لری باغلی اولمادیغی اوچون مقاله ساییلمیر. اندونئزی لری اندونزی اتسز حل اولوب مقاله سایی آرتار.--2.186.57.25 ‏۱۸ نوْوامبر ۲۰۱۶، ساعت ۰۸:۰۱ (UTC)

سلام به‌ی، بویوروغونوزجا ده‌ییشیلدی. سایقی‌لارلا.Qarqushu (دانیشیق) ‏۱۸ نوْوامبر ۲۰۱۶، ساعت ۱۱:۲۹ (UTC)

سلام، بونلار دا ائله دیر.78.38.7.119 ‏۲۶ نوْوامبر ۲۰۱۶، ساعت ۱۱:۴۰ (UTC)

بونلار دا اوجوردور.78.38.7.119 ‏۲۶ نوْوامبر ۲۰۱۶، ساعت ۱۶:۴۷ (UTC)

بونلار دا. 2.186.108.244 ‏۲۷ نوْوامبر ۲۰۱۶، ساعت ۱۷:۲۶ (UTC)

باغیشلا

سلام. باغیشلا قارداش ایشتیباه اولدو. سیزین دییشمه‌نیزی قایتاردیم. Rostamxani (دانیشیق) ‏۹ دسامبر ۲۰۱۶، ساعت ۰۸:۳۱ (UTC)

سلام. گون آیدین افندیم! خواهش ائدیرم، عیبی یوخ. اؤنملی دئییشیکده دئییلدی ذاتن. یئنه باخیب ده‌ییشه‌رم.Qarqushu (دانیشیق) ‏۹ دسامبر ۲۰۱۶، ساعت ۱۰:۳۸ (UTC)

سلام

ایجازه وئرسزتوضیح وئریرم .-(ترجیحاً آز ساییدا دیله باغلانان مدخل ایله باشلاین-—ربغوزی موردینده اؤزبکچهuz و تورکجهazb اولان مدخل منظوردور—) سونرا همان مدخلدن مقاله‌نین دیللر بؤلومونون آلتیندا «باغلانتیلاری دَییشدیر» یازیلیب دیر ؛اۆستونه کلیک ائدین و ویکی مدیایا گیرین اورادا بؤتون ویکی پروژه‌لرینین(ویکی کیتاب و ویکی خبر... ) هربیرینه بیر کادر واردیر.سیز اوردا «ویکی پدیا» بخشینده مقاله‌یه باغلانان آیری دیلده کی (بو موردده اؤزبکچهuz و تورکجهazb) صفحه لری گؤرورسوز اونلارین یانیندا بالاجا یازیلیب «edit» اؤستونه کلیک ائدین و سونرا ایکی دیلین ده کودلارین و مقاله آدلارین (اؤزبکچهuz و تورکجهazb) سیلین آشقالا آتین و «save» وورون، بوجوردانا او مقاله لر بیر بیریندن آیریلاجاقلار و ویکی آراسیز قالاجاقلار و او مدخل (کیچیک) کؤکدن سیلینه‌جک .سونرا گئدین او آیری مدخلده یارانان ویکی آراسینا مثلا روس دیلی و قاراقالپاق یا تاتار دیللری و بو دفعه مثلا قاراقالپاق دیلینده کی مقاله‌نین دیللر بؤلومونون آلتیندا «باغلانتیلاری دَییشدیر» یازیسی‌نین اؤستونه کلیک ائدین و ویکی مدیایا گیرین یئنی دن اورادا بؤتون ویکی پروژه لرینین بخشلری واردیر سیز «ویکی پدیا» بخشنده مقاله‌یه باغلانان آیری(روس دیلی و قاراقالپاق ، تاتار،قازاق) دیلده کی صفحه لرین آدلارین اؤز دیللرینده گؤرورسوز، گینه «edit» -ه کلیک ائدین و او دیللرین کودلارینین ردیفی‌نین آلتیندا بالاجا قوتولارین ایچینده ایسته‌دیگینیز دیللرین کودلارین یازین (اؤزبکچهuz و تورکجهazb) سونرا کیناریندا دا مقاله‌نین آدین یازین (ربغوزی و Rabgʻuziy) سونرا «save» وورساز ایش تامام اولار.ایندی بؤتون دیللر بیر ردیفه گیردیلر. بونودا آرتیریم کی کیچیک مدخلی سیلندن سونرا اونلاری تک به تک ده بؤیوک مدخله باغلاماق اولار ، عیناً معمولی مقاله‌لر کیمی ،تکجه فرقی بودورکی نئچه مقاله‌یه بو ایشی گؤرمه‌لی‌سیز. اگر قارانلیق بیر نوکته ذهنیزده قالسا بویورساز خوشحال اولارام قونونو لاپ آچاپیب دقیق توضیح وئرم.حؤرمتله. M.XIII (دانیشیق) ‏۱۷ ژوئن ۲۰۱۷، ساعت ۱۲:۰۳ (UTC)

سلام. چوخ ساغ اولاسینیز به‌ی. آچیقلامانیز یئترلی ایدی، باشا دوشدوم. تشککورلر.Qarqushu (دانیشیق) ‏۱۷ ژوئن ۲۰۱۷، ساعت ۲۰:۵۲ (UTC)

سلام، ویکی‌آراسی آرتیرماق اوچون قدیمی یول یئرینه یئنی یولدان فایدالانمالیسینیز.آلپ ار تونقا_✉ ‏۱۹ ژوئن ۲۰۱۷، ساعت ۱۲:۱۹ (UTC)

آیری دیلده متنلر

سلام یوْلداش، یارادیغینیز مقاله‌لرده گؤرونور کی فارسجا یازیلاری آرتیرمیسیز، اوْنلاری یا تۆرکجه‌یه چئویرین یا سیلین تا مقاله سیلینمه‌سین.حؤرمتلهE THP (دانیشیق) ‏۲۳ آقوست ۲۰۱۷، ساعت ۰۶:۳۷ (UTC)

سانیرام او فارسجالار آنجاق کیتاب آدلاری و مشخصاتینی آنلادان بؤلوملر ایدی. بیر سیراسینی ده‌ییشدیم. یئنه گرکن یئرلر اولسا بویورون اصلاح ائدیلسین. حؤرمتله! Qarqushu (دانیشیق) ‏۲۶ آقوست ۲۰۱۷، ساعت ۱۰:۱۸ (UTC)

یاشاE THP (دانیشیق) ‏۲۸ آقوست ۲۰۱۷، ساعت ۰۹:۴۲ (UTC)

Kömək

Salam. Mənim ərəb əlifbasını oxuya bilmirəm. Mənə deyə bilərsiz bu linkdəki şəkildə 1873 (solda, aşağıda) rəqəminin üzərində nə yazılıb?--Abutalub (دانیشیق) ‏۲۵ آقوست ۲۰۱۷، ساعت ۲۰:۴۱ (UTC)

Salam! "Əməl-i Nəvvab Mir Möhsün 1290" sözləri yazılmış. Qarqushu (دانیشیق) ‏۲۶ آقوست ۲۰۱۷، ساعت ۱۰:۰۹ (UTC)

.Çox təşəkkür edirəm--Abutalub (دانیشیق) ‏۲۶ آقوست ۲۰۱۷، ساعت ۱۰:۱۲ (UTC)

Rica edirəm dost. Qulluğunuzda varam. Qarqushu (دانیشیق) ‏۲۶ آقوست ۲۰۱۷، ساعت ۱۰:۱۵ (UTC)

یاردیم

سایین قارقوشو، تورکجه سؤزلوکلر مقاله‌سینین یازماسیندا یاردیم یئتیره‌بیلرسینیز می؟ --یولدان آزمیش (دانیشیق) ‏۱۰ فوریه ۲۰۱۹، ساعت ۲۰:۵۵ (UTC)

سلام ده‌یرلی آرخاداش. گؤزه‌ل بیر مقاله اله آلمیشسینیز. گؤز اوسته، فرصت ائتدیکجه امکداشلیغیم اولار. اللرینیزه ساغلیق.Qarqushu (دانیشیق) ‏۱۰ فوریه ۲۰۱۹، ساعت ۲۱:۴۶ (UTC)

یاشاسین! من بعضی لغتنامه مقاله‌لرینده رضا همراز یازان «سوزلوکلر سوزلویو» آدیندا بیر مرجع گؤردوم. اینترنتده آختاراندا تاپانمادیم. بو مقاله شکلینده دیر می یوخسا کیتاب دیر؟ pdf فایلی تاپیلابیلر؟--یولدان آزمیش (دانیشیق) ‏۱۱ فوریه ۲۰۱۹، ساعت ۰۷:۰۸ (UTC)

بایرامینیز موبارک اولسون

سلام بی.یئنی ایلیز موبارک اولسون.E THP (دانیشیق) ‏۲۳ مارس ۲۰۱۹، ساعت ۰۴:۳۸ (UTC)

سلام دوست، ساغ اولاسینیز! سیزینده یئنی ایل بایرامینیز مبارک اولسون. Qarqushu (دانیشیق) ‏۲۳ مارس ۲۰۱۹، ساعت ۱۰:۲۱ (UTC)

فیکرینیزی بیلدیرین.ویکی‌پدیا:مدیاویکی دَییشدیرمه‌ ائتمک اوچون عریضه/E THP.E THP (دانیشیق) ‏۲۳ مارس ۲۰۱۹، ساعت ۱۰:۲۹ (UTC)

Community Insights Survey

Share your experience in this survey

Hi Qarqushu,

The Wikimedia Foundation is asking for your feedback in a survey about your experience with ویکی‌پدیا and Wikimedia. The purpose of this survey is to learn how well the Foundation is supporting your work on wiki and how we can change or improve things in the future. The opinions you share will directly affect the current and future work of the Wikimedia Foundation.

Please take 15 to 25 minutes to give your feedback through this survey. It is available in various languages.

This survey is hosted by a third-party and governed by this privacy statement (in English).

Find more information about this project. Email us if you have any questions, or if you don't want to receive future messages about taking this survey.

Sincerely,

RMaung (WMF) ‏۷ سپتامبر ۲۰۱۹، ساعت ۰۰:۴۸ (UTC)

Reminder: Community Insights Survey

Share your experience in this survey

Hi Qarqushu,

A couple of weeks ago, we invited you to take the Community Insights Survey. It is the Wikimedia Foundation’s annual survey of our global communities. We want to learn how well we support your work on wiki. We are 10% towards our goal for participation. If you have not already taken the survey, you can help us reach our goal! Your voice matters to us.

Please take 15 to 25 minutes to give your feedback through this survey. It is available in various languages.

This survey is hosted by a third-party and governed by this privacy statement (in English).

Find more information about this project. Email us if you have any questions, or if you don't want to receive future messages about taking this survey.

Sincerely,

RMaung (WMF) ‏۲۰ سپتامبر ۲۰۱۹، ساعت ۱۸:۵۶ (UTC)

Reminder: Community Insights Survey

Share your experience in this survey

Hi Qarqushu,

There are only a few weeks left to take the Community Insights Survey! We are 30% towards our goal for participation. If you have not already taken the survey, you can help us reach our goal! With this poll, the Wikimedia Foundation gathers feedback on how well we support your work on wiki. It only takes 15-25 minutes to complete, and it has a direct impact on the support we provide.

Please take 15 to 25 minutes to give your feedback through this survey. It is available in various languages.

This survey is hosted by a third-party and governed by this privacy statement (in English).

Find more information about this project. Email us if you have any questions, or if you don't want to receive future messages about taking this survey.

Sincerely,

RMaung (WMF) ‏۴ اوْکتوبر ۲۰۱۹، ساعت ۱۵:۲۷ (UTC)

Translation request

Hello.

Can you translate and upload the article az:Azərbaycan-Fransız Universiteti in South Azerbaijani Wikipedia?

It certainly does not need to be long.

Yours sincerely, Karalainza (دانیشیق) ‏۹ جولای ۲۰۲۰، ساعت ۰۰:۰۲ (UTC)

بویوت کلمه سی نین معناسی

سلاملار ایسته‌ییردیم «فارسلاشدیرما» مقاله سینده یازدیغینیز کلمه یانی «بویوتلار» معناسین بیلم. تشکورلر Gökhan eloglu (دانیشیق) ‏۷ آوریل ۲۰۲۲، ساعت ۰۷:۵۱ (UTC)

Gökhan eloglu بی سلاملار، قارقوشو بی هله‌لیک ویکیمیزده چالیشقان دئییللر آنجاق بویوت دن منظور حجم، اؤلچو و فارسجا گستردگی اولا بیلر. حؤرمتله Alp Er Tunqa _☎ ‏۹ آوریل ۲۰۲۲، ساعت ۰۴:۵۰ (UTC)

Please create an article for Hellenic Vehicle Industry

Hi @@Qarqushu: !

Please can you create an article for Hellenic Vehicle Industry on Iranian Azerbaijani Wikipedia because I have seen that you have edited an article about Kia and Mazda on this Wikipedia and I don't know this language. Please create the title of the page how it would be translated from English to Iranian Azerbaijani - Hellenic Vehicle Industry and add content from another Wikipedia, short or long how you think is better also infobox for it. I would be very happy if you will create it as I want this vehicle manufacturer to have more pages on Wikipedia since is becoming more popular.

Thanks SSHTALBI (دانیشیق) ‏۱۱ ژوئن ۲۰۲۲، ساعت ۱۹:۰۲ (UTC)

زری خانیم، بالا زر خانیم یازیلیب

سلاملار بیر صحیفه آچیلیب بالا زر خانیم آدینا، دوغروسو زری خانیمدیر. قایناغی دا من ده وار. کؤکو ده اورمولو ایدی. تاریخ خوی آدلی کیتابدا دا گلیب. اینترنت‌ده یانلیشجا بالا زر خانیم یاییلیب و هر یئرده ده کوپی-پئیست اولاراق داغیلیب. مومکونسه بو صحیفه‌نی فولکلور ماهنیمیزین آدینا چئویرک و من زری خانیم اوچون یئنیدن بیر صحیفه ایشله‌ییم و یانلیش بیلگیلرین یاییلماسی‌نین قاباغینی آلیم. تشککورلر Mehditabrizli (دانیشیق) ۲۸ نوْوامبر ۲۰۲۴، ساعت ۱۴:۵۸ (UTC)

سلاملار سایین Mehditabrizli به‌ی. همن صفحه ده «آدینا گؤره» باشلیق آلتیندا آچیقلامالارینیزی و قایناقلارینیزی درج ائدینیز. سونرا صفحه یئنی آد ذیلینه کؤچوروله بیلر. سایقی‌لارلا! Türkoman Qarquşu ۲۹ نوْوامبر ۲۰۲۴، ساعت ۰۵:۰۵ (UTC)

گؤزلر اوسته Mehditabrizli (دانیشیق) ۳۰ نوْوامبر ۲۰۲۴، ساعت ۱۰:۰۴ (UTC)

بی لطفا ایندی صحیفه‌نین آدینی دا ده‌ییشین. نه جور دییشمک اولار. منه ده آچا بیلرسیز؟ اختیارلاریم چوخالسین دئیه. Mehditabrizli (دانیشیق) ۲ دسامبر ۲۰۲۴، ساعت ۰۶:۰۳ (UTC)